Izra 7:13 - Hdi

¹³ Wya skwi ta mnata yu: Inda mnda Israʼila ma vli ta gə yu ta mgham, nda mnda dra skwi ŋa Lazglafta, nda la Levi tani, nda hamata mnduha tani, ka ta kumay tsi ta dzaʼa da Ursalima kawadaga nda kagha, laviŋ lava ta dzaʼa.

Izra 7:13 Mawu Ofanana

2Rus 30:5

Ka kuratá həŋ ta hagaŋtá la Israʼila demdem, daga ma Bəʼerseva kətsuk da Daŋ, ŋa sliʼakta lu da Ursalima skala Pak ŋa vlaŋtá sgit ta Yawe, Lazglafta la Israʼila, kabga sira a gwal ta skalay manda ya nda vinda wa.

Izra 1:3

Dər wa tsi mataba ghuni ta nzakway ka mnda ni, ka nza Lazglafta ni kawadaga nda tsi, ka ŋla tsi da Ursalima ta haɗika Yahuda da ba həga Yawe, Lazglafta Israʼila. Tsatsi Lazglafta ma Ursalima.

Izra 5:13

Nziya nza tsi ná, ma taŋtaŋa vakwa Sirus mghama Babila ta pala, ka vlatá tsa mgham Sirus ya ta tvi ŋa bəglaftá na həga Lazglafta na.

Izra 6:1

Mantsa tama, ka mnatá mgham Daryaves kazlay psawa psa ma vla tska ɗelewerha daga manda ghalya, ma vəl kəl lu tska skwa gadghəl ma Babila kəʼa.

Asta 3:15

Manda ya mna mgham, ka hlaghatá mnduha ta tsa ɗelewer ya nda hwaya nda hwaya. Ka snanamtá lu guli ta tsa vindi ya ma vli nda ŋa nda matsaka huzlu ma Susaŋ. Ka nzatá i mgham nda Haman ka sutá skwa taŋ, ama ka kəɓutá mnduha ma luwa Susaŋ.

Asta 9:14

« Magawa maga manda va tsaya, » ka mgham. Ka vindaftá lu, ka dgamta ma Susaŋ, ka dzagwagatá lu ta tsa zwana Haman ghwaŋ ya ta udzuha.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Filip 2:13

Lazglafta ka ghəŋa ni ta maga slna ni ma kaghuni, dzaʼa kəl kuni ka ɗvaftá skwi ya ta zɗəganata ŋa magay ghuni ta slna nda tsi guli.

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.