Izra 7:10 - Hdi

¹⁰ Tsaw Izra ná, fa fa ta ghəŋa ni ka dzaŋa gwaɗa Yawe, ka ksa slna nda tsi, ka taghay ŋa la Israʼila ta inda tsa zlahuha ya nda skwiha mnaf lu.

Izra 7:10 Mawu Ofanana

1Rus 29:18

Yawe, Lazglafta dzidzíha ŋni i Abraham, nda Izak, nda Israʼila, hanam ha ta mndərgana ndanu na ŋa ɗekɗek ma ghəŋ ta mnduha gha. Ka dihanata ka ta ŋuɗufa taŋ ŋa gha.

2Rus 12:14

Ka mag tsi ta ghwaɗaka skwi, kabga fa a ta ŋuɗufa ni ka zba Yawe wa.

2Rus 19:3

Kulam nda tsa, slanagha sla ta skwi ɗina ma kagha, kabga zaɗana zaɗa ka ta skwa wuyay Asera ma haɗik gha, ka fatá ka ta ŋuɗufa gha ŋa zba Lazglafta, » kaʼa.

2Rus 30:22

Ka vlaŋtá Hizkiya ta mbraku ta inda la Levi ta ŋavata ka maga slna nda mahizl ŋa Yawe. Ma tsa fitik ndəfáŋ ya, ka zə mnduha ta skwa zaya tsa skalu ya, ka vlə həŋ ta pla ghəŋa zɗaku, ka rfa Yawe, Lazglafta dzidzíha taŋ.

Izra 7:11

Wya tsa ɗelewer vindanaf mgham Artahsasta ta Izra mnda dra skwi ŋa Lazglafta, mnda tagha zlahuha nda gwaɗaha mna Yawe ta nghanatá la Israʼila ya:

Izra 7:25

Ama kagha Izra, manda ya vlagha Lazglafta ta ɗifila ni ya, ka pghamta ka ta gwal tsa guma, nda gwal dganatá gwaɗa. Ŋa tsa guma mataba inda gwal nda ta ɓla ghwa təv dɗakwa fitik ya, nda sna ta zlaha Lazglafta gha ya. Gwal kul snaŋtá tsa zlahu ya ná, ka taghanafta ka ta həŋ.

Izra 7:6

Tsa Izra ya ná, saf ma Babila. Mnda tagha zlahuha ta sutá zlaha Musa vla Yawe, Lazglafta Israʼila ya. Ta vlaŋ vla mgham ta inda skwi ɗawaŋ tsi, kabga ta hula ni Yawe, Lazglafta ni.

Mata 5:19

« Tsaya tama, dər wa ta kwalaghutá snatá dər ya kwitikw mataba tsa zlahuha ya, ka tagha magay manda tsa ŋa ni ya ŋa sanlaha ná, dzaʼa nzakway tsa mndu ya ka sagəŋ gudzekw ma ga mghama Lazglafta. Ama ka sna sna mndu ta tsa zlahu ya, ka tagha magay manda tsa ŋa ni ya ŋa sanlaha guli ná, ka mndu dagala tsa mndu ya dzaʼazlay ma ga mghama Lazglafta.

Mata 7:24

« Mantsa tama, dər wati ma mndu ta snaŋtá na gwaɗa ta mnə yu na, ka ksa slna nda tsi, dzaʼa nzakway tsa mndu ya ka gragra nda sana mndu nda hiɗa ta baftá həga ni ta kutumba.

Yuhwana 13:17

Ka nda sna kuni ta tsaya, dzaʼa rfu kuni kata magay kuni ta slna nda tsi.

Slna gwal ghunay 1:1

Ari Ŋərma ɗa Tawfilus, Ma taŋtaŋa deftera ɗa ná, rusaghaf rusa yu ta inda skwi ya maga Yesu, nda skwi ya si ta tataghə tsi ŋa mnduha daga ma zlrafta ni,

Vrafta ta zlahu 16:12

Ka hava kuni si ta nzakwa ghuni ka vuʼa ma haɗika Masar. Ka ŋanata kuni ta tsa zlahuha ya ka ksa slna nda tsi. »

Vrafta ta zlahu 33:10

Ta tataghay həŋ ŋa Yakubu ta tva skwi ŋa magay, nda zlaha gha ŋa Israʼila. Hahəŋ ta dra urdi ta kəma gha, nda skwa pla ghəŋ ŋa dray tsuh tsuh ta gwira gha.

1Tim 3:2

Ɗina ka nzakwa mali ta ghəŋa Igliz, ka mndu kul haɗ rutsak tida, turtuk ka markwa ni, zlahafzlaha katsi ta ghəŋa ni, ta ndanay katsi ta ndanu tɗukwa, ɗina ka nzakwa ni, ta tsuʼay katsi ta mayəm ga taŋ, nda sna katsi ta taghanaftá skwi ta mndu,

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Titus 2:1

Wya skwi dzaʼa kagha magay: Ŋava ŋa ka tagha ka ŋa mnduha ta hya hya skwi ta ghəŋa dina.

Titus 2:15

Mantsa ya ká ka da taghanaftá həŋ. Ka vlaŋta ka ta mbraku ta həŋ. Ka dvanaghata ka ta gwal kul sna gwaɗa nda inda mbraku ya vlagha Lazglafta. Yaha mnduha da hərtətata kagha.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.