Izra 6:16 - Hdi

¹⁶ Ka fata la Israʼila, ta nzakway ka gwal dra skwi ŋa Lazglafta, nda la Levi, nda ya nda inda mndu si hlagha lu ta həŋ ta vradaghata ya, ta fitika skalu nda rfa batá tsa həga Lazglafta ya.

Izra 6:16 Mawu Ofanana

1Mgh 8:62

Ka vlatá mgham nda inda la Israʼila kawadaga nda tsi ta skwiha ŋa pla ghəŋ ta kəma Yawe.

1Mgh 8:63

Ka vlatá Salumuŋ ta slaha dəmbuʼ hisambsak his mida (22.000), nda rina fisik dəmbuʼ dərmək nda hisambsak (120.000) ka skwa pla ghəŋa zɗaku vla tsi ŋa Yawe. Mantsa ya ka mgham nda inda la Israʼila gunanaftá həga Yawe.

1Rus 15:28

Inda la Israʼila, ka kladaftá həŋ ta tsa akwata dzratá wa Yawe, ka dzaʼa nda hayayi, nda vya duli, nda vya talakwa, ghudza ndeŋndeŋ, nda dza htimbil, nda dza kəzliŋkəzliŋ.

1Rus 9:2

Taŋtaŋa mnduha ta vrəgladaghata ta haɗika za həga taŋ, ma luwaha taŋ ná, tsaha ya la Israʼila, nda gwal dra skwi ŋa Lazglafta, nda la Levi, nda kwalvaha həga Lazglafta.

2Rus 29:30

Tahula tsa, ka i mgham Hizkiya nda maliha mnanatá la Levi mantsa: « Zləzləvawa zləzləva ta Yawe nda lahaha Dawuda, nda ŋa Asaf, slayaŋ ya, » ka həŋ. Ka zləzləvu həŋ nda rfu nda rfu, ka dzadzatá həŋ ta ghəŋ, ka tsətsəlɓata.

2Rus 30:23

Ka kuratá guyatá ghəŋ demdem ta zəglatá fitik ndəfáŋ. Ma tsa fitikha ta sgavaghata ya, ka skalu həŋ ta tsa skala ya nda rfu nda rfu,

2Rus 30:26

Ka rfu lu ta rfu katakata ma Ursalima, kabga daga ma fitika gay Salumuŋ, zwaŋa Dawuda ta mgham ta ghəŋa la Israʼila ná, ta ngha a lu ta skwi manda va tsaya ma Ursalima wa.

2Rus 7:5

Ka vlatá mgham Salumuŋ ta slaha dəmbuʼ hisambsak his mida (22.000), nda rina fisik dəmbuʼ dərmək nda hisambsak (120.000) ka skwa pla ghəŋ. Mantsa ya, ka mgham nda mnduha demdem gunanaftá həga Lazglafta.

Izra 4:1

Ka snaŋtá ghumaha la Yahuda nda Biŋyamiŋ kazlay waʼa tsa mnduha ta vragaghata ya kay ta bəgəltá həga Yawe, Lazglafta Israʼila kəʼa.

Izra 6:22

Ka skalu həŋ nda rfu ta skala buradi kul haɗ is mida. Ndəfáŋ fitika taŋ ta skalay. Ndəghanaf ndəgha Yawe ta ŋuɗufa taŋ nda rfu, kabga mbəɗanaf mbəɗa Yawe ta ŋuɗufa mghama Asur ŋa zɗanaŋtá huɗi ta həŋ. Tsaya ta ufanaftá vgha ta həŋ ŋa ba tsa həga Lazglafta, ta nzakway ka Lazglafta Israʼila ya.

Nəhemiya 12:27

Ma fitika skala rfa batá matsaka Ursalima ná, ka ghwanaftá lu ta mnduha hagagaghatá da Ursalima ta inda la Levi ma inda vli nza həŋ, ŋa skala rfu, nda laha zləzləvuha, nda ndeŋndeŋha, nda htimbilha, nda kəzliŋkəzliŋ.

Nəhemiya 12:43

Ka magatá həŋ gagaʼ baɗ tsaya ta skwa pla ghəŋ, ka rfu həŋ ta rfu, kabga vlaŋ vla Lazglafta ta rfu dagala ta həŋ katakata. Ka rfu miʼaha nda zwani guli ta rfu, ka snavata rfa la Ursalima diʼiŋ.

Nəhemiya 8:10

Kaʼa nda həŋ mantsa: « Lawa la dzagha ka za kuni ta skwa zay zɗa, ka sa kuni ta skwa say gun guna. Tsatsanaf kuni ta gwal kul haɗ tsi da həŋ, kabga nda fa na fitik gita u na ka ŋa Mghama mu. Ma nza kuni zuzuʼuva! Nda nza rfu ta sagha da Yawe ka mbrakwa ghuni! » kaʼa.

Danyel 5:13

Ka klaktá lu ta Danyel ta kəma mgham. Ka mgham nda Danyel mantsa: « Kagha tsa Danyel sana zwaŋ mataba la Yahuda kasaf lu, ka hlagaghutá da ɗa ta həŋ ma Yahuda ya ra?

Yuhwana 10:22

Ma fitika mazlam, ka skalu lu ta skala havaktá guna həga Lazglafta ma Ursalima.

Vrafta ta zlahu 12:7

Hada ta kəma Yawe, Lazglafta ghuni dzaʼa za kuni ta skwa zaya rfu kawadaga nda la ga ghuni, ka rfay ghuni ta magatá inda slna dzva ghuni, kabga tfaghunagha tfa Yawe, Lazglafta ghuni ta wi.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.