Izra 5:11 - Hdi

¹¹ Wya ká həŋ zlghaŋnaftá wa ni: “Aŋni gwal ta maganatá slna ta Lazglafta ŋa ni luwa nda haɗik ŋni. Ta vrəglanafta baftá na həga si kəɗiŋ mgham dagala ma Israʼila ta bafta daga ghalya na ŋni.

Izra 5:11 Mawu Ofanana

Zlrafta 24:3

ka waɗihata ka nda hga Yawe, Lazglafta ta zlagigiŋtá luwa nda haɗik kazlay haɗ ka dzaʼa klanaftá marakw ta zwaŋa ɗa mataba kwagha la Kanʼana ta nzaku yu mataba taŋ na wu kəʼa.

1Mgh 6:38

Ta maghwaŋpəɗ ndeŋa vaku ma tila Bul ta nzakway ka tila matghas, kɗiŋta lu ta baftá tsa həga ya nekwnekw, nda inda slna tida tani manda ya mnaf lu. Ndəfáŋ vaku maga lu ta bay.

1Mgh 9:10

Ma kɗavakta tsa vaku hisambsak, kəl Salumuŋ ka babaftá ta tsa həgaha his, həga Yawe, nda həga mgham ya,

Izra 5:10

Ka ɗawaŋtá ŋni ta hga taŋ guli, kabga ŋa snaghamta ŋni, vindaghafha ŋni ta hga mnduha ka ghəŋ ta ghəŋa tsa slna ya.

Danyel 3:26

Ka lagha Nevuhadnetsar ta wa tgha tsa həga vu ghandand ya. Kaʼa nda lwi dagala nda i Sadrak, nda Mesak, nda Ghaveɗnegu mantsa: « Kwalvaha Lazglafta Dagala, sabwa sa, saghuwa sa! » kaʼa. Ka sab i Sadrak, nda Mesak, nda Ghaveɗnegu ma tsa vu ya.

Yunusa 1:9

Kaʼa nda həŋ mantsa: « Mnda la Hebru yu, Yawe, Lazglafta ta luwa ta zləŋ yu. Tsatsi ta magaftá drəf nda haɗik, » kaʼa.

Mata 10:32

« Tsaya tama, ka ŋa *Yesu iʼi ka mndu ta kəma inda mndu katsi ná, iʼi guli ná, ŋa ɗa na mndu na wu, ka yu dzaʼazlay ta kəma Da ɗa ta nzakway ta luwa.

Lukwa 12:8

« Ka yu ta mnaghunata na, mndu dzaʼa maraŋtá ghəŋa ni ta daɓi ka mnay: “Ŋa *Yesu iʼi” kaʼa ná, ka *Zwaŋa mndu dzaʼazlay ta kəma duhwalha Lazglafta na: “Ŋa ɗa na mndu na,” kaʼa dzaʼazlay.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

La Ruma 6:16

Sna a kuni kazlay: Ka fa fa kuni ta ghəŋa ghuni manda vuʼa mndu ka snanatá gwaɗa ni ná, nda nza kuni ka vuʼa tsa mndu ta snu kuni ta gwaɗa ni ya kəʼa ra? Laviŋ lava ka ta nzakway ka vuʼa dmaku, ŋa klay dmaku ta kagha da mtaku. Laviŋ lava ka ta snanatá ŋa Lazglafta, ŋa naghafta Lazglafta ka mndu tɗukwa ta ghəŋa vəl snanata gha ta gwaɗa ni.

Galat 6:14

Iʼi taɗa, ta ghəŋa mtuta mtu Mgham *Yesu Kristi ta udza zləŋay yeya ta ghubə yu ta ghubakwa ɗa. Ma tsa mtuta ni ta udza zləŋay ya, mtuta skwi ta kum sluʼuvgha ma iʼi, ta mtuguduŋta iʼi guli ta skwi ta kum sluʼuvgha.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.