Izra 10:8 - Hdi

⁸ Inda mndu ya dzaʼa kwal kul lagha ma fitik hkən manda ya mna gwal dagala dagala, nda la galata mndu tani ya, dzaʼa hlaghu hla lu ta inda skwa ni, dzaʼa ghəzlap ghəzla lu guli mataba guyatá ghəŋa gwal ta vragaghata.

Izra 10:8 Mawu Ofanana

Izra 10:7

Tahula tsa, ka rə lu ta vli ta haɗika Yahuda nda ya ma Ursalima nda mnay baŋluwa kazlay na: Inda gwal si hlagha lu ta həŋ ta vrakta, ka tskavata həŋ ma Ursalima kəʼa.

Izra 10:9

Mantsa tama, ka tskavata inda mndəra la Yahuda nda la Biŋyamiŋ tani ma Ursalima ma tsa fitik hkən ya. Baɗ mahisambsaka fitik ma tila matəmbay tsa skwi ya. Ka sliʼadaghatá inda mnduha nzata ma vla həga Lazglafta, ka ghudzaku mnduha ta ghəŋa tsa skwi ya, nda ya kabga ta nzaku imi guli.

Izra 7:26

Tsa gwal dzaʼa kwal kul snatá zlaha Lazglafta gha, nda zlaha mgham manda ya ta raku ya ná, dzaʼa tsanagha tsa lu ta guma: Dər ŋa dzata nda dza tsi, dər ŋa ghəzliŋta ma luwa a tsi, dər ŋa plata ni ta bika a tsi, dər ŋa dzaʼa ni da gamak a tsi, » kaʼa.

Nəhemiya 13:28

Mamu sani ma zwana Yəhuyada zwaŋa Ilyasiv, mali ta ghəŋa gwal dra skwi ŋa Lazglafta ta klaftá makwa Samballat la Huruŋ, ka ghəzliŋtá yu.

Nəhemiya 13:3

Manda snaŋta tsa mnduha ya ta tsa zlahu ya, ka talaptá lu mataba la Israʼila ta inda la laɓa laɓa.

La Levi 27:28

Inda skwi ya vlaŋ lu ta Yawe, ka taghuta ghəŋ mista ni na: Nda mndu tani, nda rini tani, nda vwaha dzidza ni tani, haɗ wa ni ka skwapta dər ka varata wu, kabga inda ya fa lu ka taghuta ghəŋ mista ni ná, nda nza ka skwi ta ghuɓuta ka ŋa Yawe.

Mata 18:17

Ka kwalaghu kwala tsi ta snanatá tsaha ya guli katsi, mnana mna ta *Igliz. Ka kwalaghu kwala tsi ta snatá ŋa Igliz katsi guli, ngha ta tsa mndu ya manda mndu kul snaŋtá Lazglafta, ka mnda tska dzumna a tsi.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Yuhwana 9:22

Ta zləŋay tsa dadaha ni ya ta la maliha ta ghəŋa la Yahuda, kəl həŋ ka mnay mantsa. Tsaw la mali ta ghəŋa la Yahuda ya ná, nda ghada dzrafta taŋ. Mndu ta mnay kazlay: Yesu ná *Kristi ya kəʼa ná, dzaʼa taliŋ tala lu ta tsa mndu ya ma həga tagha skwa mu kəʼa.

Yuhwana 9:34

Ka həŋ nda tsi mantsa: « Kagha yaga lu ka dmaku dzeʼdzeʼ guli ná, ka taghəgəltá skwi ŋa ŋni, » ka həŋ, ka ghəzlagapta ma həga tagha skwa taŋ.

Yəhusuwa 6:19

Inda tsedi, nda dasu tani, nda inda huzlaha ka ghuva tili tani, nda kfur tani, dzaʼa nzaku tsaha ya ŋa Yawe, ŋa pghamta ghuni ma dzuguva ɗifa skwi ŋa Yawe, » kaʼa.

Gwal tsa guma 21:5

Ka ɗaɗawavustá la Israʼila mataba taŋ kazlay na: « Wa na gwal mataba inda mndəra la Israʼila, kul lafi da vla guyatá ghəŋa mnduha ta kəma Yawe na na? » ka həŋ. Tsaw si mamu mghama waɗu waɗa lu kazlay, dər wati ma mndu dzaʼa kwal kul lafi ta kəma Yawe ma Mitspa ná, dzaʼa dza dza lu, ka lu.

1Sam 11:7

Ka hlaftá tsi ta slaha his, ka ɗatsanapta, ka tsaghaftá tsi nda ma dzva tsa gwal ghunay ya ta inda kwakwara la Israʼila nda mnay kazlay na: « Inda mndu dzaʼa kwal kul sliʼafta da vulu mista i Sawulu nda Samuyel ná, mantsa ya dzaʼa ɗatsanapta lu ta slaha ni, » kaʼa. Ka hlutá zləŋa Yawe ta mnduha, ka laghu həŋ manda mndu turtuk.