Izra 10:1 - Hdi

¹ Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

Izra 10:1 Mawu Ofanana

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Rus 20:13

Ta sladatá inda la Yuda nda slada ta kəma Yawe, nda zwani miɗiɗa tani, nda miʼa taŋ tani, nda zwana taŋ tani.

2Rus 20:9

“Ka slaŋnagha sla zləmnda, dər má vulu tsi, dər guma tsi, dər ketsepi tsi, dər maya a tsi, dzaʼa sagha sa ŋni ta da na həga na, nda ya ta kəma gha, kabga ma na həga na ta vla lu ta glaku ŋa hga gha. Dzaʼa wahay ŋni ta wahu da kagha ta ghəŋa ghuya ɗaŋwa ŋni, dzaʼa snaŋna sna ka, dzaʼa mbaŋnaf mba ka!” kaʼa.

Izra 10:6

Ka sliʼaftá Izra ma tsa daɓa həga Lazglafta ya, ka laghu da hanay ma dzuguva Yəhuhanaŋ zwaŋa Ilyasiv. Ama za a ta skwa zay wu, sa a ta skwa say wa. Ta taw, kabga kwalaghuta tsa gwal si hlagha lu ta həŋ, ta vrakta ya ta ŋanatá zlahu manda ya ta raku.

Nəhemiya 1:4

Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Nəhemiya 1:6

Wya dzvu, fa fa ta sləməŋ, guna guna ta ira gha, ŋa sna duʼa kwalva gha ta mag yu ta kəma gha ndanana, nda fitik tani nda rviɗik tani, ŋa kwalvaha gha la Israʼila, nda mnigiŋtá dmaku la Israʼila, ya maga gha ŋni. Nda iʼi tani, nda gwal ga da ɗa tani, gaga ŋni ta dmaku.

Nəhemiya 10:28

nda Maluh, nda Harim, nda Baghana, hahəŋ guli.

Nəhemiya 8:9

Na snanata mnduha demdem ta tsa gwaɗaha ma zlahu ya, ka taw həŋ ta taw. Mantsa tama, ka mnə i guvna Nəhemiya, nda Izra mnda dra skwi ŋa Lazglafta, ta tagha zlahu, nda la Levi ta tsisla zlahu ya ŋa mnduha demdem, ka həŋ mantsa: « Nda fa na fitik gita u na ka ŋa Yawe, Lazglafta ghuni. Ma nza kuni zuzuʼuva, ma taw kuni ta taw, » ka həŋ.

Danyel 9:20

Ka gɗavatá yu ta maga duʼa, ka mnigiŋtá dmakwa ɗa, nda dmakwa mnduha ɗa la Israʼila, ka vla tawa ɗa ŋa Yawe, Lazglafta ɗa ta ghəŋa ghwá ni nda ghuɓa.

Mata 3:6

Ka manigiŋtá həŋ ta dmakuha taŋ, ka maganaftá tsi ta batem ta həŋ ma ghwa Yardeŋ.

Lukwa 19:41

Ndusadaghatani ɗekɗek nda luwa, ka nghanavatá tsi, ka taw tsi ta taw ta ghəŋa ni.

Slna gwal ghunay 10:30

Ka Kwarney mantsa: Mafwaɗa fitik na, manda va na luwa, ta maga duʼa yu ma həga ɗa ta nzəmndi hkən, ka gi sagha sana mndu nda suɗatá lguta ŋusliŋ tilil ta vgha ni ta kəma ɗa.

Slna gwal ghunay 21:5

Ma kɗavakta tsa mandəfáŋa fitik ya, ka sliʼafta ŋni ka sliʼi. Ka pghafta həŋ demdem ta aŋni, nda miʼa taŋ, nda zwana taŋ tani, ha ka zluŋtá huɗa luwa. Ɓhadaghata ŋni ta wa ghwa, ka tsəlɓata ŋni, ka magatá duʼa.

La Ruma 9:2

Ta kuzliha kuzla ta ŋuɗufa ɗa katakata, nda ŋəra ŋuɗufa ɗa inda fitik,

Vrafta ta zlahu 31:12

Ka tskanata kuni ta mnduha, zgwana, nda miʼaha, nda zwani, nduk nda la matbayha ta nzakw ma luwaha ghuni, ŋa snay taŋ, ŋa taghay taŋ ta zləŋa Yawe, Lazglafta ghuni, ka magay taŋ ta slna nda inda gwaɗaha tsa zlahu ya.

Yəhusuwa 7:6

Ka kwahiŋtá i Yəhusuwa nda la galata mnduha la Israʼila ta lguta taŋ, ka buhwamtá rgitik ma ghəŋ, ka zlambata zluzlumbruh ta kəma akwata Yawe, ka nzatá həŋ mantsa ha ka lagha ta fitik hawu.

Yəhusuwa 8:35

Ka dzaŋaftá Yəhusuwa ta inda zlaha Musa, haɗ ya zanap tsi dər ka turtuk mataba ni wa. Ka dzaŋaftá tsi ta kəma inda la Israʼila nda zgwana tani, nda miʼaha tani, nda zwani tani, nda matbayha ma səla taŋ guli tani.