Izra 1:8 - Hdi

⁸ « Hligiŋ hla ka mbəɗanaftá ka ta Sesbatsar guvna la Yahuda, » ka Sirus mghama Persiya nda Mitredat mnda ŋanatá huzlaha.

Izra 1:8 Mawu Ofanana

Izra 1:11

Gwagwata inda tsa huzlaha tsatsaf lu nda dasu, nda ya nda kfura tsedi ya ná, dəmbuʼ fwaɗ nda hutaf dərmək həŋ. Ta sliʼi tsa gwal si kasadagha lu da Babila ya, ka hlaftá Sesbatsar ta inda tsa huzlaha ya ka hlaghata da Ursalima.

Izra 2:2

Vragaghu vra həŋ kawadaga nda i Zərubavel, nda Yəhusuwa, nda Nəhemiya, nda Səraya, nda Rəʼelaya, nda Murduhay, nda Bilsaŋ, nda Mispar, nda Bigvay, nda Rəhum, nda Baghana. Wya hga la Israʼila kawadaga nda mbsaka taŋ:

Izra 5:14

Huzlaha ka dasu, nda ya ka kfura tsedi, si ma həga Lazglafta ma Ursalima ná, ka hlagaptá Nevuhadnetsar ma tsa həga ya ka laghu da pghamta ma həga Lazglafta ni ma Babila. Ka hligiŋtá mgham Sirus ma tsa həga Lazglafta ma Babila ya, ka pghanamta ma dzvu sana mndu ta hgə lu ka Sesbatsar fam tsi ka guvna la Yahuda ya.

Izra 5:16

Mantsa tama, ka sagha tsa Sesbatsar ya da Ursalima, thaftá tughwa tsa həga Lazglafta ya. Daga ma tsa fitik ya ha ka sagha ta gitana, ta bay bay lu ta tsa həga ya, ama ta kɗa a wa.”

Izra 5:2

Mantsa tama, ka sliʼaftá i Zərubavel zwaŋa Salatiyel, nda Yəhusuwa zwaŋa Yutsadak, ka zlraftá həŋ ta ba tsa həga Lazglafta ma Ursalima ya. Ka katə anabiha Lazglafta ta həŋ nda vlaŋtá mbraku ta həŋ.