Izra 1:3 - Hdi

³ Dər wa tsi mataba ghuni ta nzakway ka mnda ni, ka nza Lazglafta ni kawadaga nda tsi, ka ŋla tsi da Ursalima ta haɗika Yahuda da ba həga Yawe, Lazglafta Israʼila. Tsatsi Lazglafta ma Ursalima.

Izra 1:3 Mawu Ofanana

1Mgh 18:39

Nghanata inda mnduha ta tsa skwi ya, ka zlambatá həŋ zluzlumbruh ta haɗik, ka həŋ mantsa: « Yawe, Lazglafta! Yawe, Lazglafta! » ka həŋ.

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

Izra 1:4

Ma inda vli ta nzaku pɗakwa sanlaha ma la Israʼila ya, ka kataŋta mnduha ma tsa vli ya ta gwal ta dzaʼa, nda kfura tsedi, nda dasu, nda sanlaha ma huzla, nda rini. Ka hladaghata həŋ ta mbəhuha nda kumaŋta ŋuɗufa taŋ, ŋa həga Lazglafta ta nzakway ma Ursalima, » kaʼa.

Izra 4:3

Ama ka i Zərubavel nda Yəhusuwa nda pɗakwa maliha mataba mndəra Israʼila nda həŋ mantsa: « Haɗ skwi ta guyaŋnafta nda kaghuni ŋa bay mu ta həga Lazglafta ŋni kawadaga wa. Aŋni nda ghəŋa ŋni dzaʼa baftá həga Yawe, Lazglafta la Israʼila manda va ya mnaŋna Sirus mghama Persiya, » ka həŋ.

Izra 5:13

Nziya nza tsi ná, ma taŋtaŋa vakwa Sirus mghama Babila ta pala, ka vlatá tsa mgham Sirus ya ta tvi ŋa bəglaftá na həga Lazglafta na.

Izra 5:3

Ma va tsa fitika zlrafta taŋ ta tsa slna ya, ka sliʼafta Tatnay guvna nda ta ɓla ghwa təv dɗakwa fitik, nda Setarbuznay nda gwal ta ksa slna kawadaga nda həŋ, ka lagha həŋ slanaghatá həŋ. Ka həŋ nda həŋ mantsa: « Wa ta vlaghunatá tvi ŋa ba na həga na, nda kɗaŋtá maga slna nda na huzlaha na na?

Izra 6:7

Zlanawa zla ta la Yahuda, ka maga həŋ ta tsa slna ba həga Lazglafta ya. Ka baf ba guvna la Yahuda, nda la galata mndu mataba la Yahuda ta tsa həga Lazglafta ya, ta vla ni.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Slna gwal ghunay 10:36

Ghunaf ghuna Lazglafta ta gwaɗa ni ŋa zwana la Israʼila ma mnanaŋtá *Lfiɗa Gwaɗa ta nzaku nda ma *Yesu *Kristi, ta nzakway ka Mghama inda mnduha, ta həŋ.

Vrafta ta zlahu 32:31

Ama nza a kutumba taŋ manda kutumba amu wu, dər ghumaha mu ná, nda sna həŋ ta tsaya.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.