Hebru 1:2 - Hdi

² Ama ndanana, nda ma Zwaŋa ni ta gwaɗa Lazglafta ta gwaɗa nda amu. Ma fitika zlagigiŋta Lazglafta ta ghəŋa haɗik ná, nda tsa Zwaŋa ni ya zlagigiŋ tsi. Tsa Zwaŋa ni ya guli fanagha tsi ta ga mgham ta ghəŋa inda skwi.

Hebru 1:2 Mawu Ofanana

Zlrafta 49:1

Ka hagaftá Yakubu ta zwana ni, kaʼa mantsa: « Tskavawa tska ka mnaghunata yu ta skwi dzaʼa slaghunaghata dazlay.

Danyel 10:14

Sagha sa yu da snaghamta klatá ghəŋa skwi dzaʼa magaku nda mnduha gha ma kɗavakta fitik, kabga ta takeʼa sana skwi manda skwi ma suni ta nghanatá tsa fitik ya. »

Danyel 2:28

Ama mamu sana Lazglafta ta luwa ta marigiŋtá skwiha nda ɗifa. Tsatsi ta snanamtá mgham Nevuhadnetsar ta skwiha dzaʼa magaku ma fitikha ta sagha. Tsa skwiha maraghaŋ Lazglafta ma suni ta han ka ta hani ta ghəzləŋa gha ya ná, wya tsi:

Mbsak 24:14

Mantsa! Ndanana, nda sliʼa yu da la ini, ama sawi, ka snaghamta yu ta skwi dzaʼa na mnduha na da maganatá mnduha gha ma fitikha ta sagha, » kaʼa.

Mata 13:39

Tsa ghuma ta sləgamta ya guli ná, halaway ya. Tsa tska skwi ta vwah ya, tsaya kɗakwa ghəŋa haɗik. Tsa gwal tska skwi ta vwah ya guli, tsaya duhwalha Lazglafta.

Mata 17:5

Tata tsa gwaɗa ya Piyer, gi ka saha kusay ka ŋusliŋ tilil bukwamtá həŋ. Gi ka snaŋtá lu ta sana lwi ta gwaɗagapta ma tsa kusay ya: « Nana na Zwaŋa ɗa ya ɗvu yu katakata Tsatsi zbap yu, ta rfu yu ta ghəŋa ni. Snawa sna ta gwaɗa ni, » kaʼa.

Mata 21:38

Na nghay tsa gwal hva fwa inabi ya ta lagha tsa zwaŋ ya, ka həŋ mataba taŋ mantsa: “Wana tsa mndu dzaʼa za həga ya kay. Sawa, ka dzata mu! Ŋa zay mu ta həga ni,” ka həŋ.

Mata 26:63

Pslaf a Yesu ta wa ni wa. Ka mali ta ghəŋa gwal dra skwi ŋa Lazglafta nda tsi mantsa: « Nda həga Lazglafta nda hafu mida, ta ɗawa yu da kagha, zlghiɗif zlgha ta wa ni. Kagha *Kristi ta nzakway ka Zwaŋa Lazglafta ra? » kaʼa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Markus 1:1

Zlrafta *Lfiɗa Gwaɗa ta ghəŋa *Yesu *Kristi Zwaŋa Lazglafta.

Markus 12:6

Ga va tsa mndu ya, mamu pɗakwa zwaŋa ni turtuktuk ta ɗvu tsi ma hya ŋuɗufa ni, ka kɗiŋtá tsi ta ghunadapta da tsa mnduha ya kazlay: Dzaʼa hulay həŋ tahula ta na zwaŋa ɗa na kəʼa.

Markus 12:7

Ka sliʼafta tsa zwaŋ ya ka lagha slanaghatá həŋ. “Ya wana tsa mndu dzaʼa za həga ya kay! Sawa ka dzatá mu, ŋa zay amu ta tsa həga ya!” Ka tsa gwal ta hva tsa vwah ya mataba taŋ.

Yuhwana 1:10

Tsaw tsa gwaɗa ya ná, nda ghada nzakwa ni ma ghəŋa haɗik, kabga nda tsatsi magafta lu ta ghəŋa haɗik. Nziya nza tsi tsatsaf a mnduha wa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:3

Nda tsatsi magafta Lazglafta ta inda skwiha. Haɗ skwi magaf Lazglafta kul haɗ tsatsi wa.

Yuhwana 13:3

Nda sna Yesu ka ghəŋa ni kazlay: Sa daga da Lazglafta yu, dzaʼa vru da Lazglafta yu kəʼa. Nda sna guli kazlay: Fanam fa Lazglafta ta inda skwi ma dzva ni kəʼa.

Yuhwana 13:32

Ka nda ma tsatsi zlagigiŋta Lazglafta ta glakwa ni ya, dzaʼa marigiŋ mara ma vərɗa tsatsi ta glakwa zwaŋ guli, dzaʼa gi magay ndana ndana.

Yuhwana 15:15

Hgəgla a yu ta kaghuni ka kwalvaha wu, kabga sna a kwalva ta skwi ta mag daŋahəga ni həga ni wa. Graha ɗa ta hga iʼi ta kaghuni, kabga inda skwi taghaf yu da Da ɗa ná, snaghunam sna yu.

Yuhwana 16:15

Inda skwa Da ɗa ná, ŋa ɗa ya. Tsaya kəl yu ka mnaghunata kazlay: Skwi da iʼi dzaʼa klafta tsi ŋa mnay ŋa ghuni kəʼa ya, » kaʼa.

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 3:25

Ka sliʼanaftá duhwalha Yuhwana ta zlərɗutawi nda sana mnda la *Yahuda ta ghəŋa gwaɗa ta ghuɓa səla.

Yuhwana 5:26

Manda ɗaslakwa hafu ta nzaku ma Da ya, manda tsaya vlaŋta tsi ta zwaŋ ŋa mutsakwa hafu ma tsatsi guli.

Yuhwana 5:27

Ka vlaŋtá tsi ta mbrakwa tsa guma, kabga nzakwa ni ka *Zwaŋa mndu.

Yuhwana 9:29

Nda sna amu kazlay: Gwaɗgana gwaɗa Lazglafta ta Musa kəʼa. Tsa mndu ya, sna a aŋni ka sagha ga tsi wu, » ka həŋ.

Slna gwal ghunay 10:36

Ghunaf ghuna Lazglafta ta gwaɗa ni ŋa zwana la Israʼila ma mnanaŋtá *Lfiɗa Gwaɗa ta nzaku nda ma *Yesu *Kristi, ta nzakway ka Mghama inda mnduha, ta həŋ.

Slna gwal ghunay 2:17

“Ma kɗavakta fitik ná, wya skwi dzaʼa magaku, ka Lazglafta: Dzaʼa pghada pgha yu ta Sulkuma ɗa ta ghəŋa inda mnda səla, ŋa nuta zwana zgwana ghuni nda kwagha ghuni ka anabiha. Ka mazəmzəm dzaʼa gwaɗa yu ta gwaɗa ŋa duhwalha ghuni. Nda ma suni dzaʼa gwaɗa yu ta gwaɗa ŋa la halata mnduha ghuni.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

1Kwa 2:7

Tsa ɗifil mnə yu ya ná, ɗifila Lazglafta ya ta nzakway ka skwi si nda ɗifa kul nghaŋtá mnduha si ghalya ya. Ma kɗaku lu ka zlagəgiŋtá ghəŋa haɗik ná, fa fa Lazglafta ŋa mba amu, ŋa ŋlamafta.

1Kwa 8:6

Dər ma mantsa tsi, ŋa amu ná, turtuktuk Lazglafta ta nzakway ka Da mu, ta zlaganapta inda skwi ma ghəŋa haɗik. Ŋa ni amu guli. Turtuktuk mghama mu guli, tsaya *Yesu *Kristi zlaganap Lazglafta ta inda skwiha nda ma tsatsi ya, ma tsatsi nzata amu nda hafu guli.

Galat 4:4

Ama magatá tsa fitik ya, ka ghunagata Lazglafta ta zwaŋa ni. Marakw ta yagata ma sagha ni, ka nziŋtá tsi mista zlaha Musa,

Afisus 1:10

Wya tsa skwi ya: Ka nda maga fitik, dzaʼa tskana tska ta inda skwiha nda ya ta luwa tani, nda ya ta haɗik tani, ŋa nzanaghata Yesu Kristi ka mgham ta ghəŋa taŋ demdem.

Afisus 3:9

Ka zɗəɗiŋtá Lazglafta ta huɗi guli ŋa tsislanapta ɗa ta inda mndu, ká Lazglafta fata daga manda ghalya ta tsa ɗifatá skwi dzaʼa tsi magay ya. Zlaganap zlaga Lazglafta ta inda skwiha. Si nda ɗifa da Lazglafta ta wa ira mnduha daga ghalya. Ndana tama, ka kligiŋtá tsi ta daɓi.

Vrafta ta zlahu 18:15

Ka Musa guli mantsa: « Dzaʼa klagap kla Yawe, Lazglafta ghuni ta anabi manda iʼi mataba la ghuni, ŋa ni dzaʼa kuni snay.

Vrafta ta zlahu 31:29

kabga nda sna yu, tahula mtatá iʼi, dzaʼa ɓadziŋ ɓadza kuni ta ghəŋa ghuni, ka zluŋtá tvi ya mnaghunaf yu. Dazlay, dzaʼa sagha sa ɓadzaku ta ghəŋa kaghuni, magər kuni ta ghwaɗaka skwi ta kəma Yawe, ka ganaftá ɓasa ŋuɗuf nda ma slna ghuni, » kaʼa.

Vrafta ta zlahu 4:30

Ka nda nza kuni ma ghuya ɗaŋwa dazlay, slaghunaghaha na skwiha na ma tsa fitik ya, dzaʼa vragagha vra kuni da Yawe, Lazglafta ghuni ŋa snanatá ŋa ni.

Hebru 1:5

Haɗ duhwala Lazglafta ya ta kəɗ walaŋta Lazglafta ta mnanata kazlay: « Kagha ná, Zwaŋa ɗa ka, nda nza yu ka Da gha daga gita » kəʼa wa. Haɗ ya guli ta kəɗ walaŋta tsi ta mnanata kazlay: Dzaʼa nzakway yu ka Da gha, dzaʼa nzakway kagha ka Zwaŋa ɗa kəʼa guli wa.

Hebru 1:8

Ŋa Zwaŋa ni ya, wya ka Lazglafta mnata ta ghəŋa ni: « Dughurukwa ga mghama gha Lazglafta ná, nda nza ŋa kɗekedzeŋ. Dafa ga mghama gha ná, nda nza ŋa ga mgham ta ghəŋa mnduha nda tvi tɗukwa.

Hebru 11:3

Nda ma zlghay nda ŋuɗuf snaŋta mu kazlay: Nda gwaɗa ni magafta Lazglafta ta inda skwiha kəʼa. Inda skwi ya ta nghaŋta lu nda iri ná, sab ma skwi ya kul nghaŋtá iri həŋ.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 5:8

Kulam nda nzakwa ni ka Zwaŋa Lazglafta ná, ka sutá tsi ta duni, kəl tsi ka snaŋta kazlay: Snatá gwaɗa ná, skwi nda bla ya kəʼa.

Hebru 7:28

La mali ta ghəŋa slna Lazglafta ya ta zbapta zlaha Musa ná, gwal nda hta nzakwa taŋ ya. Ma fitika waɗata Lazglafta ta tsa waɗu waɗa tsi ya, mbəɗapta tsa gwaɗa ya ta zlaha Musa. Ka fatá tsi ta zwaŋa ni ŋa kɗekedzeŋ ka mali ta ghəŋa gwal ksa slna Lazglafta, ŋa dzanaghatá ghəŋa skwi kumaŋ tsi.

Hebru 7:3

Tsatsi ná, haɗ da ni wu, haɗ ma ni wu, haɗ dzidza ni wa. Haɗ vəl mnay kazlay: Baɗu yeya yata lu, baɗu yeya mtuta tsi kəʼa guli wa. Manda Zwaŋa Lazglafta nzakwa ni. Nda nza ŋa kɗekedzeŋ ka mnda ksa slna Lazglafta.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

1 Piyer 1:20

Lazglafta ta thanafta mantsa ya daga ma kɗaku lu zlaganaptá ghəŋa haɗik, ka marigiŋtá tsi ma na kɗavakta fitik na, ŋa kata kaghuni.

2 Piyer 3:3

Skwi ŋa snaŋta ghuni karaku ná, ɗina ka snaŋta ghuni kazlay: Ma ndusakta kɗavakta fitik ná, dzaʼa sliʼagap sliʼa inda gwal ta maga skwi manda ya kumaŋ ghəŋa taŋ, dzaʼa ghuɓasay həŋ ta kaghuni kəʼa.

Yuda 1:18

Ka həŋ mnaghunata na: « Mamu mnduha dzaʼa ghuɓasa gwal ta zlghaftá Lazglafta ma kɗavakta fitikha. Nzaku manda ya kumaŋ tsa ghwaɗaka ndana taŋ ya, ŋa taŋ. »