Gwal tsa guma 6:34 - Hdi

³⁴ Ka lanaghatá Sulkuma Yawe ta ghəŋa Gidghuŋ. Ka vyatá tsi ta duli, ka hagadaghatá lu ta la Avighezer ta uʼa taŋ ŋa dzaʼa mista ni.

Gwal tsa guma 6:34 Mawu Ofanana

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

1Rus 12:19

Ka lam sulkuma Lazglafta da Ghamasay, mali ta ghəŋa sludziha hkən mbsak: « Ŋa gha ŋni, Dawuda, kawadaga ŋni nda kagha, zwaŋa Yisay! Zɗaku, zɗaku ŋa gha, zɗaku ŋa mndu ta kata kagha, kabga Lazglafta gha ta kata kagha! » kaʼa. Ka tsuʼaftá Dawuda ta həŋ, ka pghamtá həŋ ka maliha ta ghəŋa bakwa sludziha ni.

2Rus 24:20

Mantsa tama, ka saha Sulkuma Lazglafta suw ta ghəŋa Zakari, zwaŋa Yəhuyada, mnda dra skwi ŋa Lazglafta. Ka lagha tsi da sladata ta kəma mnduha, kaʼa nda həŋ mantsa: « Wya ka Lazglafta: “Kabgawu kəl kuni ka kwalaghutá sna zlahuha Yawe na? Haɗ kuni dzaʼa walaŋtá dzaʼa ta kəma ta kəma wu, kabga zlanavata ghuni ta Yawe, dzaʼa zlavaghuna zla tsatsi guli,” » kaʼa.

Mbsak 10:3

Ka vya vya lu ta tsa duliha ya his his, tskadaghata inda guyatá ghəŋ ta vgha ta vata kagha ta wa tgha tumpula guyaku.

La Ruma 13:14

Suɗavawa suɗa ta Mgham *Yesu *Kristi. Ma laghu kuni hamta ghəŋ ka maga skwi ta zɗəganata sluʼuvgha.

Galat 3:27

Kaghuni demdem, magaghunaf maga lu ta batem ma ndiʼatá vgha ghuni nda Kristi, kada klaftá kuni ta saɗa ni.

Yəhusuwa 17:2

Ka valaŋtá lu ta sanlaha ma mndəra la Mənase ta uʼa taŋ ta uʼa taŋ. Tsa hahəŋ ta uʼa taŋ ya ná, tsaya la Avighezer, nda la Helek, nda la Asriʼel ma Səkem, ma Hefer nda ya ma Səmidagh ta sabi ma mndəra la Mənase zwaŋa Yusufu.

Gwal tsa guma 13:25

Ma Mahane Daŋ, ma takataka Tsurgha nda Istaʼul, zlraftá Sulkuma Yawe ta ksa slna nda tsi.

Gwal tsa guma 14:19

Mantsa tama, ka saha Sulkuma Yawe suw ta ghəŋa ni, ka laha tsi da Askəluŋ. Ka pslatá tsi ta mnduha hkən mbsak, ka hlaghutá huzla taŋ. Ka valaŋtá tsi ta lgutha ta tsa gwal ta tsatsafta klatá ghəŋa tsa ghweza ni ya kay. Ma gufatá ŋuɗufa ni, ka laf tsi da da ni.

Gwal tsa guma 15:14

Ɓhadaghata ni da Ləhi, ka sliʼadaghatá la Filisti da guyay nda hla wi. Ama ka saha Sulkuma Yawe suw ta ghəŋa ni, ka nutá tsa təɓaŋ si ta dzva ni ya manda dratá sləvdza liŋ nda vu, ka rdutá tsa tɓaŋha ya ta dzva ni.

Gwal tsa guma 3:10

Ka lagha Sulkuma Yawe ta ghəŋa ni, ka nzakw tsi ka mnda tsa guma ma Israʼila. Ka laghu tsi da vulu, ka vlatá Yawe ta Kusaŋʼritsghatayim, mghama Mesuputami ma dzva ni, ka kwaraftá tsi.

Gwal tsa guma 3:27

Na gi ɓhadaghata ni, ka vyatá tsi ta duli ma kwakwar ta ghwá Ifrayim. Ka sliʼagatá la Israʼila kawadaga nda tsi ta tsa ghwá ya, tsatsi ta kla kəma.

Gwal tsa guma 6:11

Ka lagha duhwala Yawe da nzata mista halalaya fu ma Ghufra ta nzakway ka ŋa Yuʼas, sana mndu ta uʼa la Avighezer. Ta ɗga alkama zwaŋa ni Gidghuŋ, ma tsuʼaŋa ɗitsa yakwa inabi, ŋa ɗifanata yaha la Midyaŋ nghaŋta.

Gwal tsa guma 8:2

Ama ka Gidghuŋ nda həŋ mantsa: « Nahgani ya maga yu ka malaghutá ŋa ghuni na? Katu ya klagagha kaghuni la Ifrayim, dər kinawu kiʼata ni ná, malaghu a piw ta skwi ya mutsaf yu nda la Avighezer ta uʼa ɗa wu ra?

1Sam 10:6

Gi suw dzaʼa saha Sulkuma Yawe ta ghəŋa gha, ŋa lama kagha guli da kla lwa Lazglafta, ŋa mbəɗuta gha ka sana mndu.

1Sam 11:6

Na gi snaŋta Sawulu ta tsa gwaɗaha ya, ka saha Sulkuma Lazglafta suw ta ghəŋa ni, ka gufaftá ŋuɗufa ni katakata.

1Sam 13:3

Ka zaɗanatá Yunataŋ ta vla bakwa gwal vula la Filisti si ma Gevagh. Ka snanaghatá tsi ta la Filisti. Ka ghwanaftá Sawulu ta mnduha ŋa vaya duli ta inda haɗik, ŋa snanamtá la Hebru ŋa sliʼagapta taŋ da vulu.

1Sam 16:14

Ka saghu Sulkuma Yawe ma Sawulu, ka saha ghwaɗaka sulkum ghunaf Yawe da ghuya ghəŋa ni.