Gwal tsa guma 6:10 - Hdi

¹⁰ Ka yu nda kaghuni na: Iʼi Yawe, Lazglafta ghuni. Yaha kuni da tsəlɓu ŋa lazglaftaha la Amuru nza kuni ma haɗika taŋ ya, ka yu. Ama sniha a kuni wu,” » kaʼa.

Gwal tsa guma 6:10 Mawu Ofanana

2Mgh 17:13

Si tɗanaŋ tɗa Yawe ta sləməŋ ta la Israʼila nda la Yuda nda ma wa inda anabiha ni, nda inda la slayaŋ. Kaʼa nda həŋ na: « Mbəɗanawa mbəɗa ta hul ta ghwaɗaka tva ghuni, ka ŋanata kuni ta zlahuha ɗa, nda tva skwiha ŋa magay mna yu, taɓta inda zlahu ya vlaŋ yu ta dzidzíha ghuni, ka tsghaghunaftá yu nda da kwalvaha ɗa la anabi ya, » kaʼa.

2Mgh 17:33

Mantsa tama, ta tsəlɓay tsəlɓay həŋ ta tsəlɓu ŋa Yawe, ta dzaʼa nda maganatá slna həŋ ta lazglaftaha taŋ manda tva nzakwa mnduha ta dzidza taŋ ta tsa haɗik hlagap lu ta həŋ mida ya.

2Mgh 17:7

Magu maga manda tsaya, kabga ganata la Israʼila ta dmaku ta Yawe, Lazglafta taŋ, ta hlagaptá həŋ ma haɗika Masar ma dzva Firʼawna, mghama Masar, nda ya kabga laghwa taŋ da tsəlɓu ŋa sanlaha ma lazglaftaha.

Nəhemiya 9:29

Ka dvə ka ta həŋ ŋa vragaghata da zlaha gha, ama hahəŋ ma gla ghəŋa taŋ, ka kwalaghutá həŋ ta snatá zlahuha gha. Ka gaghatá həŋ ta dmaku ka ɓlanaptá skwiha mnaf ka. Nziya nza tsi ná, ka sna sna mndu ta nza nza nda hafu. Ka mbəɗaghatá həŋ ta hul, ka təŋanaftá ghəŋa taŋ, ka kwalaghutá snata.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

Sabi 34:14

Ma tsəlɓu kuni ta tsəlɓu ŋa sana lazglafta, kabga iʼi Yawe ná, draku hga ɗa, iʼi Lazglafta ta draku kahwathwata.

La Ruma 10:16

Tsaw inda taŋ a ta snatá tsa *Lfiɗa Gwaɗa ya wa. Ka Isaya mnata guli na: Mghama ɗa! Wa ta zlghaftá tsa gwaɗa mna ŋni ya? kaʼa.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.

Gwal tsa guma 2:2

Kaghuni, haɗ kuni dzaʼa dzraftá wi nda mnduha ma tsa haɗik ya wa. Ka dzaɓiŋta kuni ta gwirha taŋ,” ka yu. Ama ka kwalaghutá kuni ta snatá gwaɗa ɗa. Nahgani tsa maga kuni!

Gwal tsa guma 6:9

Katap kata yu ta kaghuni ma dzva la Masar, nda ya da inda gwal ta giri ŋa ghuni. Ka ghəzliŋtá yu ta həŋ ta kəma ghuni, ka vlaghunatá yu ta haɗika taŋ.