Gwal tsa guma 3:11 - Hdi

¹¹ Tahula tsa, ka nzatá tsa haɗik ya ta vaku fwaɗ mbsak ma zɗaku. Ka mtutá Ghutniʼel, zwaŋa Kənaz.

Gwal tsa guma 3:11 Mawu Ofanana

1Rus 4:13

Zwana Kənaz na: I Ghutniʼel nda Səraya həŋ. Zwaŋa Ghutniʼel na: I Hatat nda Məghunutay həŋ.

Nəhemiya 9:28

Ama manda mutsafta taŋ ta nzaku nda zɗaku ná, ka zlrəglaftá həŋ ta magaghatá ghwaɗaka skwi. Ka zləglaŋtá ka ta həŋ ma dzva ghumaha taŋ. Ka nzanaghatá tsaha ya ta ghəŋa taŋ. Ka wahugəltá həŋ ta wahu da kagha. Ka snagatá ka daga ta luwa. Ka gɗatá ka ta katá həŋ kabga dagala tawa hiɗahiɗa gha.

Asta 9:22

Mantsa tama, baɗ tsa fitikha ya zluʼapta la Yahuda ta vgha da ghumaha taŋ. Ma tsa tili ya mbəɗavafta ghuya ɗaŋwa taŋ ka rfu, ta mbəɗavaftá tawa taŋ ka skala rfu. Nda ra tama ka havay taŋ ta tsa skwiha ya, nda skala rfu, ka tsaghay taŋ ta mbəhu ŋa sani nda sani, ka vla mbəhu ŋa la ka pɗu guli.

Yəhusuwa 11:23

Mantsa ya tama, ka zatá Yəhusuwa ta inda tsa haɗikha ya, manda ya mnanaf Yawe ta Musa. Tahula tsa, ka daganaftá Yəhusuwa ta tsa haɗik ya ta la Israʼila ŋa nzakwa ni ka skwa za həga taŋ, ta mndəra mndu ta mndəra mndu. Ka mbiʼi tsa haɗik ya ta vgha kul haɗ vulu.

Yəhusuwa 15:17

Ka zatá Ghutniʼel zwaŋa Kənaz zwaŋama ni ma Kalep. Ka klaftá Kalep ta tsa makwa ni Ghahsa ya ka vlaŋta ka markwa taŋ.

Gwal tsa guma 3:10

Ka lagha Sulkuma Yawe ta ghəŋa ni, ka nzakw tsi ka mnda tsa guma ma Israʼila. Ka laghu tsi da vulu, ka vlatá Yawe ta Kusaŋʼritsghatayim, mghama Mesuputami ma dzva ni, ka kwaraftá tsi.

Gwal tsa guma 3:12

Ka zlrəglaftá la Israʼila ta magəgəltá ghwaɗaka skwi ta wa ira Yawe. Ka vlaŋtá Yawe ta mbraku ta Ghegluŋ mghama Muwav ŋa vulu nda la Israʼila, kabga ghwaɗaka skwi ta mag həŋ ta wa ira Yawe.

Gwal tsa guma 3:30

Daga baɗ tsaya, ka sku la Muwav ta htsiŋ da la Israʼila. Ka nzatá tsa haɗik ya ma zɗaku ka vaku tghas mbsak (80).

Gwal tsa guma 3:9

Ka wahu la Israʼila ta wahu da Yawe, ka zlaganaptá Yawe ta mndu ŋa kataptá həŋ: Ghutniʼel zwaŋa Kənaz, zwaŋama ni ma Kalep ka sagəŋ.

Gwal tsa guma 5:31

Ari Yawe! Ka zwaɗ zwaɗa ghumaha manda Sisəra. Gwal ta ɗvuta ná, ka nza həŋ guram nda fitik ta zlagapta nda mbrakwa ni, » kaʼa. Fwaɗ mbsak vakwa tsa haɗik ya ma zɗaku.

Gwal tsa guma 8:28

Ka sku la Midyaŋ ta htsiŋ mista la Israʼila, kapglaŋ a həŋ ta ghəŋ wa. Ka nzatá tsa haɗik ya ma zɗaku ka vaku fwaɗ mbsak, ma fitika nzakwa Gidghuŋ nda hafu.