Gwal tsa guma 3:10 - Hdi

¹⁰ Ka lagha Sulkuma Yawe ta ghəŋa ni, ka nzakw tsi ka mnda tsa guma ma Israʼila. Ka laghu tsi da vulu, ka vlatá Yawe ta Kusaŋʼritsghatayim, mghama Mesuputami ma dzva ni, ka kwaraftá tsi.

Gwal tsa guma 3:10 Mawu Ofanana

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

2Rus 15:1

Ka saha Sulkuma Lazglafta ta ghəŋa Ghazaryahu zwaŋa Ghudet.

2Rus 20:14

Ka saha Sulkuma Yawe da taba guyatá ghəŋa la Yuda nzafta ta ghəŋa Yahaziʼel, zwaŋa Zakari, ma zigha Benaya zwaŋa Yəghiʼel, zigha Mataniya ta sab ma zivira la Asaf mnda la Levi.

Mbsak 11:17

Hada dzaʼa laha yu, ŋa gwaɗgaghata ɗa. Dzaʼa klaʼa kla yu kiʼa ta sulkum ma kagha ka pghamta ma həŋ. Mantsa tama, ŋa klay taŋ kawadaga nda kagha ta ndəgakwa mnduha, kagha turtukwa gha a dzaʼa kləgəlta wa.

Mbsak 11:25

Ka saha Yawe ma kusay ka gwaɗganata, ka klaʼatá tsi kiʼa ta sulkum ma Musa, ŋa fafamta ma tsa galata mnduha ndəfáŋ mbsak ya. Na tsa nzanzanaghata sulkum ta həŋ ya, ka zlraftá həŋ ta kla lwa Lazglafta, ama kɗaŋ a həŋ wa.

Mbsak 11:29

Ama ka Musa nda tsi mantsa: « Ta draku ka ŋa ɗa ra? Má ka nuna inda mnduha Yawe ka anabi, ka gwal fanam Yawe ta sulkum katək ɓa! » kaʼa.

Mbsak 24:2

Kəʼa ká Bilgham klaŋtá ghəŋ ná, ka nghaŋtá tsi ta la Israʼila ta tsakavata ka mndəra mndu ka mndəra mndu. Ka saha Sulkuma Lazglafta ta ghəŋa ni.

Mbsak 27:18

Ka Yawe zlghanaftá wi ta Musa mantsa: « Klaf kla ta Yəhusuwa zwaŋa Nuŋ, mndu ya mamu sulkum mida ya. Ka fanaghata ka ta dzvu.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

Gwal tsa guma 11:29

Ka saha Sulkuma Yawe ta ghəŋa Yifta, ka lab tsi nda ma kwakwara Gilghat nda ŋa Mənase. Tahula tsa, ka lab tsi nda ma Mitspe Gilghat, ka sliʼafta ma Mitspe Gilghat, ka tsughwaɗadamtá da la Ghamuŋ.

Gwal tsa guma 11:32

Ka lam Yifta da vulu nda la Ghamuŋ, ka vlatá Yawe ta həŋ ma dzva ni.

Gwal tsa guma 13:25

Ma Mahane Daŋ, ma takataka Tsurgha nda Istaʼul, zlraftá Sulkuma Yawe ta ksa slna nda tsi.

Gwal tsa guma 14:19

Mantsa tama, ka saha Sulkuma Yawe suw ta ghəŋa ni, ka laha tsi da Askəluŋ. Ka pslatá tsi ta mnduha hkən mbsak, ka hlaghutá huzla taŋ. Ka valaŋtá tsi ta lgutha ta tsa gwal ta tsatsafta klatá ghəŋa tsa ghweza ni ya kay. Ma gufatá ŋuɗufa ni, ka laf tsi da da ni.

Gwal tsa guma 14:6

Ka saha Sulkuma Yawe suw ta ghəŋa Simsuŋ. Haɗ sana skwi ma dzva ni wu, ka kuhwanaptá tsi his ta tsa rveri ya manda kuhwa zwaŋa gu. Mnanaŋ a ta i da ni nda ma ni ta skwi maga tsi wa.

Gwal tsa guma 15:14

Ɓhadaghata ni da Ləhi, ka sliʼadaghatá la Filisti da guyay nda hla wi. Ama ka saha Sulkuma Yawe suw ta ghəŋa ni, ka nutá tsa təɓaŋ si ta dzva ni ya manda dratá sləvdza liŋ nda vu, ka rdutá tsa tɓaŋha ya ta dzva ni.

Gwal tsa guma 3:11

Tahula tsa, ka nzatá tsa haɗik ya ta vaku fwaɗ mbsak ma zɗaku. Ka mtutá Ghutniʼel, zwaŋa Kənaz.

Gwal tsa guma 3:8

Ka gufaftá ŋuɗufa Yawe ta ghəŋa la Israʼila ka dzawaptá tsi ta həŋ ŋa Kusaŋʼritsghatayim, mghama Mesuputami. Ka magatá la Israʼila ta vaku tghas ta skwa htsiŋ da Kusaŋʼritsghatayim.

Gwal tsa guma 6:34

Ka lanaghatá Sulkuma Yawe ta ghəŋa Gidghuŋ. Ka vyatá tsi ta duli, ka hagadaghatá lu ta la Avighezer ta uʼa taŋ ŋa dzaʼa mista ni.

1Sam 10:10

Ɓhadaghata i Sawulu nda kwalva ni da Givgha, ka lagha tskatá anabiha da guyay. Gi ka saha Sulkuma Lazglafta suw ta ghəŋa ni, mbaɗa ka kla lwa Lazglafta mataba taŋ.

1Sam 10:6

Gi suw dzaʼa saha Sulkuma Yawe ta ghəŋa gha, ŋa lama kagha guli da kla lwa Lazglafta, ŋa mbəɗuta gha ka sana mndu.

1Sam 11:6

Na gi snaŋta Sawulu ta tsa gwaɗaha ya, ka saha Sulkuma Lazglafta suw ta ghəŋa ni, ka gufaftá ŋuɗufa ni katakata.

1Sam 16:13

Ka klaftá Samuyel ta dula rɗi, ka pghəganatá Dawuda ma ghəŋ ta wa ira zwana ma ni, ka saha Sulkuma Yawe suw ta ghəŋa ni daga baɗ tsaya. Tahula tsa, ka sliʼaftá Samuyel ka vraghuta da Rama.