Gwal tsa guma 2:14 - Hdi

¹⁴ Ka gufaftá ŋuɗufa Yawe ta ghəŋa la Israʼila. Ka vlatá tsi ta həŋ ma dzva gwal zləɗu, ka zləɗatá həŋ ta həŋ. Ka dzawaptá tsi ta həŋ ŋa ghumaha taŋ ta wanaftá həŋ, lavgliŋ a həŋ ta sladata ta kəma tsa ghumaha taŋ ya wa.

Gwal tsa guma 2:14 Mawu Ofanana

2Sam 24:1

Ka ɓasglaftá Yawe ta ŋuɗuf ta ghəŋa la Israʼila. Ka tiŋwaftá tsi ta Dawuda ŋa dika taŋ, kaʼa mantsa: « La ka mbəɗafta ka ta mbsaka la Israʼila nda la Yuda, » kaʼa.

2Sam 7:11

ta fitika pghanaghata ɗa ta gwal tsa guma ta ghəŋa mnduha ɗa la Israʼila ya wa. Dzaʼa vlagha vla yu ta nzata ləŋləŋ nda ma kataghata dzaʼa katagha yu da inda ghumaha gha. “Ta mna gha mna iʼi Yawe kazlay na: Dzaʼa vlagha vla yu ta zivir ŋa ga mgham, kəʼa.

2Mgh 13:3

Ka gufaftá ŋuɗufa Yawe ta ghəŋa la Israʼila, ka va vlə tsi ta həŋ ma dzva Hazaʼel, mghama la Aram, nda ya ma dzva Benʼhadat, zwaŋa Hazaʼel.

2Mgh 17:20

Ka pghiŋtá Yawe ta zivira la Israʼila demdem, ka vraganatá həŋ, ka vlatá tsi ta həŋ ma dzva gwal ta zləɗatá mndu, ha ka hliŋtá həŋ diʼiŋ nda tsi.

2Rus 15:5

Ma tsa fitikha ya, haɗ zɗaku dər da wati ma mndu wu, kabga dagala skwiha ta ghudza inda mnduha ta haɗikha.

2Rus 28:5

Ka vlatá Yawe, Lazglafta ni ma dzva mghama la Aram. Ka zatá la Aram ta ghwa, ka hlaghatá ndəghata sanlaha ma mnduha ni da gá vuʼa, ka hlaghata da Damas. Ka vlatá lu guli ta tsatsi ma dzva Peka mghama la Israʼila, ka rwanatá tsi ta sludziha ni katakata.

2Rus 36:16

Ama ka va gag həŋ ta ghunatá mnduha Lazglafta, ka hərtət həŋ ta gwaɗa ni, ka niŋtá həŋ ta anabiha ka ghwana ghuɓasu, ha ka gufaftá ŋuɗufa Yawe ya kul haɗ ghwana ni ta ghəŋa mnduha ni.

Nəhemiya 9:27

Tsaya tama ka vlatá ka ta həŋ ma dzva ghumaha taŋ, ka ganaptá həŋ ta iri ta həŋ. Ma tsa ghuya ɗaŋwa taŋ ya, ka wahu həŋ ta wahu da kagha. Ka snagatá kagha daga ta luwa, ma tsa tawa hiɗahiɗa gha katakata ya, ka vlaŋtá ka ta həŋ ta mnduha ta hlaptá həŋ ma dzva ghumaha taŋ.

La Levi 26:17

Dzaʼa lighunis la yu, ŋa zata ghumaha ghuni ta kaghuni. Dzaʼa nzaghunagha nza gwal ta husaŋta kuni ta həŋ. Dzaʼa kakafaku kuni ka hwaya dər haɗ mndu ta ghəzla kaghuni.

La Levi 26:28

iʼi guli dzaʼa dzay yu ta kuma nda kaghuni, dzaʼa ghuzlaghunap ghuzla yu ta iri ndəfáŋ səla dabga dmakwa ghuni.

La Levi 26:37

Dzaʼa zlambaku mnduha sani ta sani manda hwaya ta hway lu ta kəma ghuma nda kafay, dər haɗ mndu ta ghəzla həŋ. Haɗ kuni dzaʼa ŋaŋta da ghumaha ghuni wa.

Mbsak 32:13

Ka sliʼavaftá gufatá ŋuɗufa Yawe ta ghəŋa la Israʼila, ka mblaftá tsi ta həŋ ŋa zatá vaku fwaɗ mbsak ma mtak, ha ka zaɗatá inda zivira tsa gwal ta maga ghwaɗaka skwi ŋa Yawe ya.

Mbsak 32:14

Kaghuni mndəra la ka dmaku, wya kuni ta kla saɗa dzidzíha ghuni, ŋa sliʼiglanafta katakata ta gufatá ŋuɗufa Yawe ta ghəŋa la Israʼila!

Vrafta ta zlahu 28:20

Dzaʼa ghunadagha ghuna Yawe ta ksiʼi ta ghəŋa kaghuni, nda hwazlaɓaku, nda ghuya ɗaŋwa ma inda skwi ya dzaʼa kuni da magay, ha ka zaɗaghunata, ka gi zaɗighunista, dabga ghwaɗaka skwi ta mag kuni nda ma zlihata ghuni.

Vrafta ta zlahu 28:25

Dzaʼa vlaŋ vla Yawe ta tvi ta ghumaha ghuni ŋa zata ghwa ta ghəŋa kaghuni. Nda ta təv turtuk dzaʼa lagha kuni gəmata nda həŋ, ama nda ta təvha ndəfáŋ dzaʼa hwayafta kuni ta kəma taŋ. Dzaʼa mbiɗ nda mbiɗa inda ga mghamha nghaŋər həŋ ta skwi ta slaghunaghata.

Vrafta ta zlahu 28:58

Ka ŋana a kuni ɗina, ka maga slna nda inda tsa gwaɗaha ta tagh lu nda vinda ma na defteri na, nda zləŋa tsa hgu nda sgit ka makwitkwit, Yawe, Lazglafta ghuni ya wu,

Vrafta ta zlahu 32:30

Waká mndu turtuk dzaʼa ghəzlaftá gwal dəmbuʼ na? Waká mnduha his dzaʼa ŋawaftá gwal dəmbuʼ ghwaŋ na? Ka nza a tsi ka skwapta kutumba taŋ ta həŋ, ka nza a tsi ka vlata Yawe ta həŋ ma dzva taŋ.

Yəhusuwa 23:16

Baɗ da ɓlanapta kuni ta dzratá wi ya mnaghunaf Yawe ŋa snata ghuni, ka mbəɗaghuta ghuni ta vgha təv sanlaha ma lazglaftaha ka tsəlɓu ŋa taŋ katsi, tsaya tama, dzaʼa gufaghunava gufa Yawe ta ŋuɗuf ŋa zwaɗuta ghuni gi misimmisim, ma na haɗik ta ɗinuta vlaghuna tsi na, » kaʼa.

Gwal tsa guma 1:19

Ka nzatá Yawe kawadaga nda la Yuda. Ka hlaghutá həŋ ta vliha ta ghwá, ama ka traptá həŋ ta ghəzlaftá mnduha ma daɓi, kabga mamu hahəŋ nda mwataha plis ka kfur ka kfur.

Gwal tsa guma 1:34

Ka mbəɗadanaftá la Amuru ta mndəra la Daŋ ta kwakwar ta ghwá. Zlana a həŋ ta həŋ ŋa saha da daɓi wa.

Gwal tsa guma 10:7

Ka gufaftá ŋuɗufa Yawe ta ghəŋa la Israʼila. Ka vlatá tsi ta həŋ ma dzva la Filisti, nda la Ghamuŋ.

Gwal tsa guma 2:20

Ka gufaftá ŋuɗufa Yawe ta ghəŋa la Israʼila, kaʼa mantsa: « Tsəhala ɓlanap ɓla na mnduha na ta dzratá wa ɗa, ya si mnanaf yu ta dzidzíha taŋ, ka kwalaghutá həŋ ta snihatá ya,

Gwal tsa guma 3:12

Ka zlrəglaftá la Israʼila ta magəgəltá ghwaɗaka skwi ta wa ira Yawe. Ka vlaŋtá Yawe ta mbraku ta Ghegluŋ mghama Muwav ŋa vulu nda la Israʼila, kabga ghwaɗaka skwi ta mag həŋ ta wa ira Yawe.

Gwal tsa guma 4:2

Ka vlata Yawe ta həŋ ma dzva Yaviŋ, mghama Kanʼana ta ga mgham ma Hatsur. Hga mala gwal vula ni ná, tsaya Sisəra, ta nzakw ma Harusetʼguyim.