Gwal tsa guma 19:6 - Hdi

⁶ Ka nzatá həŋ, ka zutá skwa zay, suha həŋ ta skwa say kawadaga. Tahula tsa, ka da ni ma tsa marakw ya nda tsa zəʼal ya mantsa: « Kdəkkdək hanəgla hana hadna, ka rfa ŋuɗufa gha ta rfu! » kaʼa.

Gwal tsa guma 19:6 Mawu Ofanana

2Sam 13:28

Wya ká Avsalum mnanaftá duhwalha ni: « Ka fata kuni ta iri ɗina! Ka ngha kuni ta fitika zɗafta ŋuɗufa Amnuŋ dabga ima inabi ya, dzaʼa mnaghuna mna yu ŋa dzata ghuni! Yaha kuni da zləŋa dzata. Iʼi a ta mnaghunafta wu ra? Ka drafta kuni ta ŋuɗuf nda tatá us tiri, » kaʼa.

1Mgh 21:7

Ka markwa taŋ Izabel nda tsi tama mantsa: « Kagha ta ga mgham kahwathwata ndanana ta ghəŋa la Israʼila guli ra? Sliʼaf sliʼa gha, za ta skwa zay, ka rfa ŋuɗufa gha ta rfu. Iʼi dzaʼa vlaghatá tsa vwaha inaba Navut mnda la Yizrəghel ya! » kaʼa.

Asta 1:10

Baɗ mandəfáŋa fitik, tutá ŋuɗufa mgham da rfa satá ghuzu tama, ka mnanatá mgham Ahasverus nda mnduha ndəfáŋ ka mapsla ta maganatá slna, i Məhumaŋ, nda Biztaʼ, nda Harvunaʼ, nda Bigtaʼ, nda ya nda i Avagtaʼ, nda Zetar, nda Karkas

Lukwa 12:19

Wana mamu skwi dər ŋa vaku kidaghi tsi. Mbiʼa ta vgha gha, za, sa, rfa ta rfu tama, ka yu dzaʼazlay nda vgha ɗa,” kaʼa.

1Tes 5:3

Ma fitika mnay mnduha kazlay: Zɗa nzaku, ta haɗ hwazlaɓaku wu kəʼa ya, gi ma tsaya dzaʼa slakwa ɓadzaku, manda va ya ta sagha fitika dgakwa marakw nda huɗi dluk ya. Haɗ həŋ dzaʼa ndapta mida wa.

Suna Yuhwana 11:10

Ŋa rfay mnduha ma ghəŋa haɗik ta rfu katakata, ka vavalaku, ka mbahuvtá vgha ta ghəŋa rwatá tsa mnduha ya, kabga Ganap ga həŋ ta iri katakata ta mnduha ta ghəŋa haɗik.

Suna Yuhwana 11:13

Gi ma va tsa fitik ya, ka gigɗavafta haɗik katakata ka hwanzaɓanapta faway turtuk ma dgatá tsa luwa ya ghwaŋ. Ka rwuta mnduha dəmbuʼ ndəfáŋ ma gigɗavafta tsa haɗik ya. Ka ksuta zləŋ katakata ta gwal ta pɗaku, ka zləzlvu həŋ ta Lazglafta ya ta nzaku ta luwa.

Gwal tsa guma 16:25

Ma tsa zɗavafta ŋuɗufa taŋ ya, ka həŋ mantsa: « Ka hgagap hga lu ta Simsuŋ ka gamata tsi ta gatsuwa! » ka həŋ. Ka klagaptá lu ta Simsuŋ ma gamak, mbaɗa ka gatsuwa ta kəma taŋ. Ka fatá lu ma takataka guguɗiha.

Gwal tsa guma 19:7

Si nda paya vgha tsa zəʼal ya ŋa sliʼi, ama tsa mbrəhay dzidza ni ya, ka snatá tsi, ka hanəglatá tsi hada.

Gwal tsa guma 19:9

Nda paya vgha tsa zəʼal ya ŋa sliʼi nda markwa sanagha ni, nda duhwala ni, ama ka dzidza ni, da ni ma tsa marakw ya, nda tsi mantsa: « Wana laghu la fitik, hawu vli, hanawa hana hadna! Kdəkkdək, wər dzaʼa da həga ma ni fitik, hanawa hana hadna, ka rfa ŋuɗufa gha ta rfu! Wrək tgha ga sərɗək mahtsim ya, ksay ghuni ta tvi tsa, ka dzaʼa dzagha gha, » kaʼa.

Gwal tsa guma 9:27

Ka sliʼaghatá həŋ demdem da vwaha taŋ da ɗaga yakwa inabi, ka hlaktá həŋ ta yakwa ni, ka ɗitsatá həŋ, ka skalu həŋ ta skalu. Ka lam həŋ da həga lazglafta taŋ, ka za skwi, ka sa skwa say, ka razu həŋ ta Avimelek.

Rut 3:7

Ka zuta Bughaz ta skwa zay, suha ta skwa say ni, ka rfu tsi ta rfu. Ka hanatá tsi ta slərpa ŋəzatá zimi. Ka kɗikadaghatá tsi, ka tsatsaftá vla səlaha ni ka hananavata.

1Sam 25:36

Ka vradaghatá Abigayel da Naval. Ta magutá skwa zay ni ta raŋtá mgham ma həga ni. Ta rfu Naval, ghuyu ghuya katakata. Gwaɗgana a Abigayel dər teʼ ha ga sərɗək wa.