Gwal tsa guma 18:8 - Hdi

⁸ Ka vraktá tsa mnduha hutaf ya slanaghatá zwana ma taŋ ma Tsurgha nda Istaʼul. Ka zwana ma taŋ nda həŋ mantsa: « Kinawu nzakwa ni kay? » ka həŋ.

Gwal tsa guma 18:8 Mawu Ofanana

Yəhusuwa 15:33

Wya kwakwarha nda ma kuɗuŋurha: Tsaha ya Istaʼul, nda Tsurgha, nda Asna,

Gwal tsa guma 13:2

Mamu sana mnda la Tsurgha ta uʼa la Daŋ, Manuwa hga ni. Ka dzəghəŋ markwa taŋ, haɗ zwaŋa ni wa.

Gwal tsa guma 16:31

Ka laha zwana ma ni nda la ta uʼa taŋ, ka klaghata. Lafa taŋ dzagha, ka paɗamtá həŋ ma kula da ni, Manuwa, ma takataka Tsurgha nda Istaʼul. Hisambsak vakwa ni ka mnda tsa guma ta ghəŋa la Israʼila.

Gwal tsa guma 18:11

Ka sliʼaftá mnduha mkuʼ dərmək (600) ta uʼa la Daŋ nda huzla vula taŋ, ma Tsurgha nda Istaʼul.

Gwal tsa guma 18:2

Ka zbaftá la Daŋ mataba taŋ ta uʼa taŋ, ka ghunaftá həŋ ta mnduha hutaf ta dra ŋuɗuf daga ma Tsurgha nda Istaʼul, ŋa dzaʼa da sunapta, ka vitsaptá haɗik. Ka həŋ nda həŋ mantsa: « Lawa vitsaptá tsa haɗik ya! » ka həŋ. Ka ɓhadaghatá tsa mnduha ya ta kwakwar ta ghwá la Ifrayim, ka han həŋ ga Mika.

Gwal tsa guma 18:7

Ka laghu tsa mnduha hutaf ya, ka ɓhadaghatá həŋ da Layis. Ta nghadaptá həŋ ta tsa mnduha hada ya ná, ləŋləŋ ta nzakwa həŋ ta nzakwa taŋ nda tva ni manda ŋa la Tsiduŋ. Nda hanatá ghəŋ, nda fatá ghəŋ guli. Haɗ mndu ta gwaɗa kuzlah kuzlaha ma tsa haɗik ya ka ga mgham wa. Diʼiŋ həŋ nda la Tsiduŋ. Haɗ sana mndəra mndu ta dzrə həŋ ta wi nda tsi wa.

Gwal tsa guma 18:9

Ka həŋ mantsa: « Mbaɗma! Mbaɗma liŋtá tsa mnduha ya, kabga nghadap ngha ŋni ta tsa haɗik ya ná, ɗinakwa skwi a va tsa wa. Ta dga ghəŋ kuni ra? Ma gə kuni ta yaɗi, ksawa tvi ŋa dzaʼa hlaghutá tsa haɗik ya.