Gwal tsa guma 17:5 - Hdi

⁵ Ka baftá Mika ta həga ŋa tsəlɓu ŋa lazglaftaha, magafha ta ifut, nda skwa wuyayha. Ka fatá tsi ta sana zwaŋa ni ka mnda dra skwi ŋa lazglafta, ŋa maganatá slna.

Gwal tsa guma 17:5 Mawu Ofanana

Zlrafta 31:19

Laghu la Lavaŋ da gatsiŋtá swidi ta tuwakha ni, ka lagha Rasel da ghalaghatá skwa wuyayha da ni.

Zlrafta 31:30

Mantsa nzakwa ni! Sliʼaf sliʼa ka, ka saghwi misimmisim kabga ta ndana ɓhadaghata da da gha ka, ama nya kəl ka ka ghalagaghutá lazglaftaha ɗa ɓa? » kaʼa.

1Mgh 12:31

Ka babaftá Yaruvgham guli ta həgaha ta vliha tskal tskala, ka pghatá tsi ka gwal dra skwi ŋa lazglafta, ta gwal ɗagaʼa tsi mataba hamata mnduha kul nzakway ka mndəra la Levi.

1Mgh 12:32

Baɗ maghwaŋpəɗ hutafa fitik ma matghasa tili, ka payaftá Yaruvgham ta skala rfu manda va tsa ta mag lu da la Yuda ya, ka vlə tsi ta skwa pla ghəŋ ta gwir. Manda va tsaya kəʼa magata ma Betel, ka plə mnduha ta ghəŋ ŋa tsa mamakwa slaha mamagaf tsi ya. Ka pghatá tsi ta gwal dra skwi ŋa lazglafta ta tsa vliha tskal tskala mamagaf tsi ya.

Izra 1:7

Ka hligiŋtá mgham Sirus ta huzlaha si ma həga Yawe, si hlagaghu Nevuhadnetsar ma Ursalima ka pghamta ma həga lazglaftaha ni ya.

Sabi 24:5

Ka ghunaftá tsi ta sanlaha ma duhwalha la Israʼila ŋa draftá skwi ŋa pla ghəŋ ŋa dray tsuh tsuh. Ka vlaŋtá həŋ ta lghəŋha ta Yawe ŋa pla ghəŋa zɗaku.

Sabi 28:15

Ka gafta ka ta zliba ghuva ŋa dga guma, gwal ta vivɗa dzaʼa gafta. Ka gafta ka manda gatá ifut nda sləvdzi ka dasu, nda ya ka kubwalkubwal, nda ya ka dva ghuz, nda ya ka dva ghəlez, nda vəvɗatá sləvdza liŋ kulefeɗ, ká ka da gafta.

Sabi 28:4

Wya tsa lgutha dzaʼa həŋ da gagafta ya: Zliba ghuva, nda ifut, nda guduŋgaba, nda gatá sɗakw, nda gwambar, nda biwir. Ka magafta həŋ ta tsa lgutha nda ghuɓa ya ŋa i Haruna zwaŋama gha nda ya ŋa zwana ni ŋa klay taŋ ta mag həŋ ta slna dra skwi ŋa ɗa.

Sabi 29:9

Ka habanata ka ta huɗi ta i Haruna nda zwana ni nda biwir, wawanamta ka ta gwambar ma ghəŋ ta həŋ, ŋa gɗata taŋ ta maga slna dra skwi ŋa ɗa ŋa ɗekɗek. Mantsa ya dzaʼa pghamta ka ta i Haruna nda zwana ni da slna taŋ.

Mbsak 3:10

Ka pghamta ka ta i Haruna nda zwana ni ma slna taŋ, ŋa nghapta taŋ ka slna dra skwi ŋa Lazglafta. Inda dzibata mndu dzaʼa gavadaghata ná, dzaʼa dza dza lu, » kaʼa.

Hebru 5:4

Haɗ mndu ta klaftá tsa glaku ŋa nzaku ka mali ta ghəŋa gwal maga slna Lazglafta ya ka fanaghatá ghəŋa ni wa. Lazglafta ta hgaŋta manda ya hgaŋ tsi ta *Haruna.

Gwal tsa guma 17:4

Ka vranavatá tsi tama ta tsa tsedi ya ta ma ni. Ka klaftá ma ni ta sulay his dərmək, ka vlaŋtá mnda nwaptá kfur. Ka tsatsaftá tsaya ta skwa wuyay nda sana fwatu ka kfur nwap lu, ka pghata ma həga ga Mika.

Gwal tsa guma 18:14

Ka tsa mnduha hutaf ta lab da vitsaptá haɗika Layis ya nda zwana ma taŋ mantsa: « Nda sna kuni kazlay ma tsa həga ya ná, mamu ifut, nda skwa wuyayha kavghakavgha, nda fwatu ka kfur nwap lu, kəʼa ra? Ndanana, ka snaŋta kuni ta skwi ŋa magay ghuni, » ka həŋ.

Gwal tsa guma 18:24

Kaʼa mantsa: « Lazglaftaha ɗa tsatsaf yu, nda mnda dra skwi ŋa Lazglafta tani hlagha kuni, ka laghwa ghuni. Nu ta pɗaku da iʼi na? Ta ta ghəŋa tsaya ná, “nahgani ya ta ksuta kagha na ka kuni?” » kaʼa.

Gwal tsa guma 18:30

Ka dzugwatá la Daŋ ta tsa fwatu ka kfur nwap lu ya, ŋa maga slna vərɗa hahəŋ. Ka nzakw Yunataŋ, zwaŋa Gersum, zigha Musa, nda zivira ni tani, ka mnda dra skwi ŋa Lazglafta ŋa mndəra la Daŋ, ha ta fitika hlaghata ka vuʼa ta gwal ma tsa haɗik ya.

Gwal tsa guma 8:27

Ka magaftá Gidghuŋ ta ifut nda tsa dasu ya, ka fatá tsi ma luwa ni, ma Ghufra. Ka nzakw tsi hada ka skwi ŋa maga sliʼiŋ sliʼiŋa inda la Israʼila, ka nzakw tsi ka dəɓəl ŋa Gidghuŋ nda la ga taŋ tani.

1Sam 19:13

Ka klaftá Mihal ta skwa wuyay, ka fafta ta ghəzləŋ, ka fatá tsi ta filu ka swida gu nda ta ghəŋa ni, ka bukwanaghata nda lgut.

1Sam 23:6

Tsaw, manda hwayadaghata Aviyatar, zwaŋa Ahimelek ta vata Dawuda ma Kəghila ná, ka kladanaptá tsi nda ifut ma dzvu.