Gwal tsa guma 10:16 - Hdi

¹⁶ Ka hlíŋtá həŋ ta tsa sanlaha ma lazglaftaha mataba taŋ ya, ka tsəlɓu həŋ ta tsəlɓu ŋa Yawe. Ka suʼuftá ŋuɗufa ni ta ghəŋa tsa ghuya ɗaŋwa ta ghuy la Israʼila ya.

Gwal tsa guma 10:16 Mawu Ofanana

Zlrafta 6:6

Ta haga madər Yawe nda magaf ni ta mndu ta ghəŋa haɗik. Nda gurɗa ŋuɗufa ni.

2Mgh 13:23

Ama ka zɗanaŋtá Yawe ta huɗi ta la Israʼila, ka tawatá hiɗahiɗa ta həŋ, ka mbəɗaghuta mista taŋ dabga dzratá wa ni nda Abraham, nda Izak, nda ya nda Yakubu. Va a ta zaɗanatá həŋ wu, vziŋ a ta həŋ diʼiŋ nda tsi wa.

2Rus 15:8

Snaŋta taŋ ta tsa gwaɗa klak anabi Ghazaryahu zwaŋa Ghudet ya, ka mutsaftá Asa ta mbrakwa hliŋtá skwa manzakɗaway ta inda haɗikha la Yuda nda la Biŋyamiŋ, nda ya ma luwaha hlaghu tsi ta kwakwarha ta ghwá Ifrayim, ka vranaftá tsi ta tsa gwira Yawe si ta kəma rmaka həga Yawe ya.

2Rus 33:15

Ka hliŋtá tsi ta tsa lazglaftaha mayəmha nda fwata skwa wuyay ya si dzugwa tsi ma həga Yawe ya, mantsa ya inda gwirha si babaf tsi ta ghwá həga Yawe, nda ya ma Ursalima, ka waɗidiŋta ta hula luwa.

2Rus 7:14

ka lagha mnduha ɗa, ya ta hgə lu ta həŋ nda hga ɗa ta həŋ, ka hanaganatá ghəŋ, ka ndəɓa dzvu, ka zba iʼi, ka mbəɗanatá hul ta ghwaɗaka tva taŋ katsi, dzaʼa snaga sna yu daga ta luwa, dzaʼa plana pla yu ta dmakwa taŋ, dzaʼa mbanaf mba yu ta haɗika taŋ.

Lukwa 15:20

Ka sliʼaftá tsi ka vraghuta da da ni. « Ta ghwa a ka ɓhadaghata dzagha wu, ka nghaŋtá da ni. Ka ksaftá tsi ta da ni ka hiɗahiɗa, ka sliʼaftá tsi nda hwaya, ka lagha tsi habwaʼ tida, ka brusay.

Lukwa 19:41

Ndusadaghatani ɗekɗek nda luwa, ka nghanavatá tsi, ka taw tsi ta taw ta ghəŋa ni.

Yuhwana 11:34

« Ga paɗamta kuni na? » kaʼa nda həŋ. « Mghama ɗa! Sawi nghanata ɓa, » ka həŋ nda tsi.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

Vrafta ta zlahu 32:36

Dzaʼa tawa tawa Yawe ta hiɗahiɗa ta kwalvaha ni, ŋa dganatá ni ta guma ta həŋ kazlay tɗukwa kaghuni kəʼa, nghər tsi ta htatá mbrakwa taŋ, ta haɗ pɗakwa mndu dər vuʼa tsi, dər mndu nda pla vgha ni a tsi.

Hebru 3:10

Tsaya tama kəl yu ka gaftá sidi nda həŋ. Ka yu mantsa: “Ta dzaʼa ta kəma ta kəma həŋ nda ghwaɗaka ndanu, sna a həŋ ta skwi ta kum yu da həŋ wa.”

Hebru 4:15

Mali ta ghəŋa gwal ta dra skwi ŋa Lazglafta ya nda hta mbrakwa ni ka suʼa skwi kawadaga nda amu ma hta ta mbrakwa mu a ŋa amu wa. Katək ná, dzəghaŋ dzəgha lu ta mala mu ta ghəŋa gwal ksa slna Lazglafta manda va amu, ama ga a tsatsi ta dmaku wa.

Yəhusuwa 24:23

Ka Yəhusuwa nda mnduha mantsa: « Ala, ndana tama hliŋwa hla ta sanlaha ma lazglaftaha mataba ghuni, ka ndiʼafta kuni ta ŋuɗufa ghuni ta Yawe, Lazglafta la Israʼila, » kaʼa nda həŋ.

Gwal tsa guma 2:18

Ma fitika zlaganapta Yawe ta gwal tsanatá guma ta həŋ, kawadaga Yawe nda mnda tsa guma, ka katu tsi ta həŋ da ghumaha taŋ ma fitika nzakwa tsa mnda tsa guma ya. Ta taway ta hiɗahiɗa ta ŋaɗa ghəŋ ta ŋaɗ həŋ, dabga gwal ta ghuya ɗaŋwa ŋa taŋ, ka sa duni ŋa taŋ ya.

1Sam 12:10

Ka wahugəltá həŋ ta wahu da Yawe, ka həŋ mantsa: “Gaga ŋni ta dmaku, kabga zanap za ŋni ta Yawe, ka laghwi da maganatá slna ta Baghalha nda Ghasturetha. Ama, paliŋnis pala ma dzva ghumaha ŋni, ka magaghata ŋni ta slna,” ka həŋ.

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.

1Sam 7:4

Ka hliŋtá la Israʼila ta Baghal nda Ghasturet, skwa wuyay. Ka maganatá slna ta Yawe turtukwa ni.