Galat 6:16 - Hdi

¹⁶ Ka nza zɗakwa Lazglafta nda tawa hiɗahiɗa ni ta ghəŋa inda gwal ta snatá na skwi ta tagh yu na. Mantsa ya guli ta ghəŋa gwal ta nzakway ka vərɗa Israʼila Lazglafta.

Galat 6:16 Mawu Ofanana

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Yuhwana 14:27

« Zɗaku ya ta zlaghunaŋta yu. Zɗakwa ɗa ya ta vlaghunata yu. Vla a yu ŋa ghuni manda ya ta vlə mnduha ma ghəŋa haɗik wa. Yaha ŋuɗufa ghuni da tɗu, yaha kuni da zləŋ.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

La Ruma 4:12

Nda nza ka da ni ma gwal nda tsa fafaɗa taŋ guli, ka ksaf ksa həŋ ta saɗa zlghay nda ŋuɗufa da mu Abraham ta zlghaftá Lazglafta daga ta kul tsaku fafaɗa ni ya.

Galat 1:3

Ka nza zɗakatahuɗi nda zɗakwa i Da mu Lazglafta nda Yesu Kristi kawadaga nda kaghuni.

Galat 3:29

Kaghuni, ka si nda ndiʼa vgha ghuni nda Kristi, nda nza kuni ka zivira Abraham nda tsa, mutsaf mutsa kuni ta za həga ya tanaf Lazglafta ta imi ta sləməŋ.

Galat 5:16

Skwi ta mnaghunata yu ná, nzawa nza ta nzaku manda ya ta kum Sulkum. Ka mantsa ka kuni nzaku, haɗ kuni dzaʼa walglaŋta laghu maga skwi ta kum sluʼuvgha wu,

Galat 5:25

Ka si Sulkum ta vlamata hafu katsi, zlanama Sulkum ka pgha tsi ta amu guli.

Afisus 6:23

Inda kaghuni zwana ma, ka vlaghuna vla Lazglafta ta nzakway ka Da, nda Mghama mu *Yesu *Kristi ta zɗaku, nda tva ɗvuvustá vgha sani nda sani, ka dzaʼa kuni ta kəma ta kəma nda zlghay ya zlghaf kuni ta Kristi.

Filip 3:16

Mali ma skwi na kɗaŋta mu ta ksa na tvi ksaf mu na nzakwa ni.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Filip 4:7

Ka mantsa ya ka kuni magay katsi, dzaʼa vlaghuna vla Lazglafta ta zɗaku, zɗaku ya ta malaghutá mbrakwa mnda səla, ŋa ksaghunamtani ta ŋuɗufa ghuni nda ndana ghuni guli ma Yesu *Kristi.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

Yuda 1:2

Ka nza hiɗahiɗa Lazglafta nda zɗakwa ni nda ɗvutá mndani kawadaga nda kaghuni.