Galat 6:12 - Hdi

¹² Tsa mnduha ta kuma mblaftá kaghuni ka tsa fafaɗ ya ná, ta kumay həŋ ta ghubay mnduha ta həŋ. Skwi kəl həŋ ka magay mantsa ya ná, wara ghuyay taŋ ta ɗaŋwa ta gwaɗa ta udza zləŋay *Kristi ya.

Galat 6:12 Mawu Ofanana

Mata 23:27

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya! Manda kulu ɓap lu ka ŋusliŋ nzakwa ghuni. Ká ka nda ɗinakwa ni nda ta hula ni, ama nda ma huɗa ni ná, tskata ghudzifa gwal nda rwa, nda ya nda rwatá ŋəɗak yeya mida.

Mata 23:28

Manda va tsaya kaghuni guli. Ta nghadaghatá mnduha ta kaghuni ná, manda skwi tɗukwa nzakwa ghuni. Ama ta ghəŋa maɗgwirmaɗgwir, nda kwal kul sna gwaɗa da Lazglafta yeya ma kaghuni.

Mata 23:5

Inda slna ta mag həŋ ná, ta magay həŋ ŋa nghay wa ira mnduha. Mantsa ya ná, ɓərzləzla ka hahəŋ ta mbaghaftá ŋa taŋ ayaha ta fuŋta ta wa bizlbizla kuma, nda ya ta dzvu. Zutut ka həŋ ta zlaŋtá dzva lguta taŋ.

Mata 5:10

Rfu da gwal ta gə lu ta iri ŋa taŋ ta ghəŋa magay taŋ ta skwi tɗukwa, kabga ŋa taŋ ga mghama Lazglafta.

Mata 6:16

« Ka ta suma kuni, ma pslaf kuni ta kuma manda ya ta mag ghwaɗaka mnduha. Ta pslafpsla həŋ ta kuma, kabga ŋa nghay mnduha kazlay: Ta suma həŋ kəʼa. Kahwathwata ka yu ta mnaghunata, mutsu mutsa həŋ ta nisəla taŋ nda tsaya.

Mata 6:2

« Ta vlə ka ta skwi ŋa pɗu ya, ma ghubu ka ta ghəŋa gha ta ghəŋa ni, manda ya ta mag gwal ta maga maɗgwirmaɗgwir ma həga tagha skwa la *Yahuda, nda ya ta pazlala, ŋa ghubaku da mnduha ya. Kahwathwata ka yu ta mnaghunata, mutsu mutsa həŋ ta nisəla taŋ.

Mata 6:5

« Ta ndəɓu kuni ta dzvu, ma nza kuni manda ŋa gwal ta maga maɗgwirmaɗgwir zɗəgana maga duʼa ta həŋ ta sladu ta sladu ma həga tagha skwa la *Yahuda, nda ya ta wa madədga tvi ŋa nghaŋta mnduha ta həŋ ya. Kahwathwata ka yu ta mnaghunata, mutsu mutsa həŋ ta nisəla taŋ.

Lukwa 16:15

Ka Yesu nda həŋ mantsa: « Ka tɗukwa mndu aŋni ka kaghuni ta mara ghəŋa ghuni ta kəma mnduha. Tsaw nda sna Lazglafta ta ŋuɗufa ghuni. Tsa skwi ta ghubu mnduha nda ghuba ya ná, ka manzakɗaway nzakwa ni ta wa ira Lazglafta.

Lukwa 20:47

Hahəŋ gwal ta tskugudunustá skwa miʼa wadgu. Ta slriŋslra həŋ ta maga duʼa ŋa ghubu. Dzaʼa tsanagha tsa lu ta guma ta həŋ katakata, » kaʼa.

Yuhwana 7:18

Mndu ta mna gwaɗa ta ghəŋa ghəŋa ni ná, ghəŋa ni ta ghubu tsi. Mndu ta zba vlaŋtá glaku ta mndu ya taghunafta, vərɗa mndu tsa mndu ya, ghwaɗaka mndu a wa.

Slna gwal ghunay 15:1

Mamu sana mnduha ta sliʼafta ta haɗika Zudiya, ka lagha da Aŋtakiya da taghay ŋa zwana ma kazlay: « Ka tsa a kuni ta fafaɗa ghuni manda ya mna zlaha Musa wu katsi ná, mbaf a kuni wa » kəʼa.

Slna gwal ghunay 15:5

Mbaɗa sanlaha mataba la *Farisa ta zlghaftá Yesu, ka sliʼavafta. « Ɗatsay gwal kul nzakway ka la Yahuda ta fafaɗ, ka maga həŋ ta skwi ya mna zlaha Musa guli, » ka həŋ.

2Kwa 10:12

Blubla aŋni ka hahəŋ! Si wa aŋni ŋa gara vgha nda həŋ na! Hahəŋ ka ghəŋa taŋ ta klaftá ghəŋa taŋ ka gara ghəŋa taŋ. La rghaha!

2Kwa 11:13

Vərɗa gwal ghunay a tsa mnduha ya wa. Slna nana mndu ta mag həŋ. Manda gwal ghunay Kristi ka həŋ ta klaftá ghəŋa taŋ.

Galat 2:14

Nghay ɗa ná, haɗ tsa magakwa taŋ ya ta gra vgha nda *Lfiɗa Gwaɗa wu, kəl yu ka dvanaghatá Kefas ta kəma mnduha kazlay: Ka si kagha ta nzakway ka la Yahuda, manda ŋa gwal kul nzakway ka la Yahuda ka ka ta nzaku, nzakwa a ka manda ŋa la Yahuda wu, kabgawu ta kəl ka ka mbla gwal kul nzakway ka la Yahuda ŋa nzaku manda ŋa la Yahuda na? ka yu.

Galat 2:3

Titus gratá wawakwa ɗa ná, mnda la *Grek ya. Haɗ mndu ta walaŋtá mnanata kazlay: Ba tsaghatá fafaɗ kəʼa nda tsi wa.

Galat 5:11

Zwana ma ɗa, iʼi, ka si tata gɗata ta mnay kazlay: ɗina tsatá fafaɗ kəʼa yu katsi ya ní, kabgawu ta kəl mnduha ka giri ŋa ɗa tama? Haɗ tsa mtuta mtu Kristi ta udza zləŋay ya dzaʼa nzakway ka tuthun wa.

Galat 6:13

Vərɗa tsa gwal nda ɗatsa fafaɗa taŋ ya ná, haɗ həŋ ta maga skwi ta kum zlahu wa. Ta kumay həŋ ta ɗatsata ghuni ta fafaɗ, ŋa ghubay taŋ ta ghubakwa taŋ ta ghəŋa ɗatsatá fafaɗa ghuni.

Filip 1:15

Aŋ mndani! Ka draku ta mna sanlaha ta gwaɗa ta *Kristi. Sanlaha ya, nda ŋuɗuf turtuk ta mna hahəŋ.

Filip 2:4

Inda kaghuni, ma laghu kuni nghutá ghəŋa ghuni, nghapwa ngha ka sanlaha. Mantsa ya dzaʼa kəl kuni ka zɗəɗiftá ŋuɗufa ɗa.

Filip 3:18

Nda ndəgha gwal ta nzakway ka ghuma mtatá Kristi ta udza zləŋay, ka yu si ta gɗata ta mnay ŋa ghuni. Tata kɗaŋ kɗa yu ta mnay guli ŋa ghuni ta nda va nana nda taw nda taw.

Kwalus 2:23

Ka nda ghada klafta mndu ta tsa zlahuha ya ka sana skwi ná, ta dza dza ta vgha ni ka tsəlɓu ŋa tsa mbrakuha ta nzanaghata ya, ka va magay ni ta tsa slnaha ya, ka va zlahafta vgha ni. Kulam nda tsa, haɗ dzaʼa kataŋta ŋa dzatá ghudzaku ma vgha ni wa.