Galat 6:1 - Hdi

¹ Zwana ma ɗa, ka nda ngha kuni ta mndu ta maga skwi kul ɗinaku katsi, kaghuni ta pghu Sulkum ya, vranakwavra ta vərɗa tvi, ama ɗasuwa ka kuni magay. Ɗasuwa ka vərɗa kagha guli da ksutá tsi ta kagha.

Galat 6:1 Mawu Ofanana

2Sam 11:2

Ma sana fitik ga hawu, ka sliʼaftá Dawuda ta ghəzləŋa ni, ka wawaku ta dədmata ghəŋa həga ga mghama ni. Daga hada, ka nghagatá tsi ka sana marakw ta mbazuta mbaza ni, kaka nda ɗinakwa ni.

Mata 11:29

Zba a yu ta nzaghunaghata wa. Klawa kla ta ndəgaku ya ta klə yu, ka tagha kuni ta skwi da iʼi, mantsa ya dzaʼa kəl kuni ka mutsaftá mbiʼa vgha.

Mata 26:69

Ma tsa fitik ya, ta nzaku *Piyer mabli ma daɓa tsa həga ya. Ka lagha sana kwalva ka marakw slanaghata. « Kagha guli ná, si ka kawadaga kagha nda tsa *Yesu mnda la Galili ya, » kaʼa nda tsi.

Mata 26:75

Ka gi havaktá Piyer ka gwaɗa ya si mnana Yesu kazlay: Ma kɗaku vazak wahata ná, dzaʼa mnay ka hkən səla kazlay: Sna a yu ta tsa mndu ya wu kəʼa ya. Ka gi sliʼafta tsi ka laghu dzibil ka hərɓa taw.

Mata 9:13

Lawa tsatsa klatá ghəŋa gwaɗa ya mnə Lazglafta kazlay: Tawa hiɗahiɗa skwi ta zɗəgihata pla ghəŋ nda rini a wu kəʼa ya. Sagha a yu haga gwal tɗukwa tɗukwa wa, gwal dmaku ŋa iʼi ta sagha da hagay, » kaʼa.

La Ruma 14:1

Tsuʼawatsuʼa ta mndu ya nda hta mbrakwa ni ma zlghay nda ŋuɗuf, ma vzə kuni ta rutsak ta skwi ya ta ndanu tsi.

La Ruma 15:1

Na amu nda mbra ma zlghay nda ŋuɗuf na ná, kataŋma kata ta gwal nda hta mbrakwa taŋ. Ma laghu mu da zba skwi ta zɗəgamata.

La Ruma 8:6

Ka laghu la lu da snanatá ta ŋa skwi ta zɗəganatá sluʼuvgha katsi ná, kla ghəŋ da mtaku tsa. Ka laghu la lu da sna skwi ta zɗəganatá Sulkum nda ghuɓa katsi guli ná, kla ghəŋ da hafu nda ya da zɗaku tsa guli.

1Kwa 10:12

Tsaya tama, ka nda slada slada ɗa, ka mndu ná, ɗaswa katsi tama da zləmbutá tsi.

1Kwa 14:37

Iʼi ná, anabi yu, mamu Sulkuma Lazglafta ma iʼi ka ka mndu katsi, ɗina ka snaŋta ni kazlay: Nana skwi vindaghunaf yu na ná, Mgham Lazglafta ta mnata kəʼa.

1Kwa 2:15

Mndu nda Sulkuma Lazglafta ma tsatsi ná, laviŋ lava ta gala inda skwi. Tsatsi ya tama, haɗ sana mnduha dzaʼa laviŋta galaptá tsatsi wa.

1Kwa 3:1

Ka vərɗa ni ka lu mnay katsi zwana ma ɗa ná, ma tsa fitika nzakwa ɗa da kaghuni ya ná, manda mna gwaɗa ŋa gwal nda Sulkuma Lazglafta ma həŋ a mna yu ta gwaɗa ŋa ghuni wu, manda mna gwaɗa ŋa mnduha ma ghəŋa haɗik mna yu, kabga si ta ka zwani kuni ma zlghafta ghuni ta *Kristi nda ŋuɗuf.

1Kwa 4:21

Ka lagha yu slaghunaghata nda sarak re, ari ka lagha yu slaghunaghata nda zɗakwa ghəŋa ɗa, nda ya nda ɗva kaghuni a na? Zba a wa zba ta ya ta kum kuni mida.

1Kwa 7:5

Ka dzraf nda dzra a kuni ŋa fitik rets kabga ŋa maga duʼa wu katsi ná, yaha sani da kwalaghutá vla vgha ni ŋa sani. Tahula tsaya, ka vrəglanafta kuni ta guya vgha ghuni manda va ya snu kuni, da traptá kuni ta ŋafta ghudzaku ma vgha ghuni, da mutsaftá halaway ta ghurum ŋa ŋraptá kaghuni.

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

2Kwa 2:7

Ndanana, pliniswapla ta dmakwa ni, ka vla kuni ta mbraku ŋa ni, yaha ŋuɗufa ni da ŋruta ka malaghutá mbrakwa ni.

2Kwa 2:8

Wyawa dzvu maranaŋwa mara ta ɗvu kahwathwata.

Galat 5:23

nzaku leɓtekwa, wara ghəŋ. Haɗ zlahu nda gwaɗa ta ghəŋa tsaha ya wa.

Galat 6:18

Zwana ma ɗa, ka nza zɗakatahuɗa Mghama mu Yesu Kristi kawadaga nda kaghuni! *Amin.

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

2Tes 3:15

Nziya nza tsi, yaha kuni da klaftá həŋ ka ghuma ghuni. Zlahawazlaha nda tva ni, kabga zwaŋama ghuni ya.

2Tim 2:25

Nda hanatá ghəŋ katsi gwaɗa nda gwal ta mbaɗanaftá gwaɗa ni. Kawayaka skwi dzaʼa vlaŋ vla Lazglafta ta tvi ta həŋ ŋa mbəɗanafta taŋ ta nzakwa taŋ, ŋa snaŋta taŋ ta kahwathwata.

Hebru 12:13

Mbaɗawambaɗa ta mbaɗa ta tvi ya nda slada, kada kwala səla ya nda wərɗa ta kɗiŋta, katək ná, ka mbafta tsi.

Hebru 13:3

Havapwa hava ka gwal ma gamak, manda skwi kawadaga kuni nda həŋ. Havapwa hava ka gwal ta gə lu ta iri ŋa taŋ, kabga mnda səla kaghuni guli manda va hahəŋ.

Yakubu 3:13

Wati ma mndu ya nda ɗifil ma ghəŋa ni nda sna ta skwi na? Ka mara tsi ta slnaha ni nda ma nzaku ɗina, nda hanata ghəŋa ya ta mutsu lu ma ɗifil.

Yakubu 3:2

Inda amu ná, dagala krughuvi kavghakavgha ta gə mu. Ka haɗ mndu ta guvtá krughuvi ma gwaɗa wu ná, ŋərma mndu tsaya ta laviŋta nghaftá vgha ni demdem.

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.