Galat 5:14 - Hdi

¹⁴ Inda zlahu ná, ma gwaɗa turtuk gwamta tsi ta vgha, ta mnə lu kazlay: Ɗvu ɗva ta mnda səla manda va ya ta ɗvuta ka ta ghəŋa ghakəʼa ya.

Galat 5:14 Mawu Ofanana

Mata 7:12

« Inda skwi má ta kum kaghuni ta magaghunata mnduha ya, maganawa maga kaghuni guli ta hahəŋ, kabga tsaya klatá ghəŋa zlaha Musa, nda gwaɗa la anabi. »

La Levi 19:18

Ma zbə kuni ta planamtá mndu, ma nza kuni nda dgun ma ŋuɗuf nda kutumkuha ghuni, ama ɗvuta ghuni ta mnda səla manda ghəŋa ghuni. Iʼi ná, Yawe yu.

Galat 6:2

Katuvuswa vgha ma kərta ndəgaku sani nda sani. Ma magay ghuni mantsa ya, dzaʼa nzakwa kuni ka gwal snatá zlaha *Kristi.

Yuhwana 13:34

Wana lfiɗa zlahu ta vlaghunata yu. Ɗvuwa ɗva ta vgha ghuni sani nda sani. Manda va ya ɗvu iʼi ta kaghuni ya, ɗvuwa ɗva kaghuni guli ta vgha ghuni sani nda sani.

Markus 12:31

Wya mahisa ni: “Ka ɗvuta ka ta mnda səla manda va ɗvuta gha ta ghəŋa gha.” Mataba inda zlahuha ná, haɗ zlahu ta malaghutá tsaha ya wa, » kaʼa.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

La Levi 19:34

Ka ngha kuni manda zwaŋa haɗik, ka ɗvuta kuni manda ghəŋa ghuni, kabga si la mayəm kaghuni guli ta haɗika Masar. Iʼi Yawe, Lazglafta ghuni.

Markus 12:33

Haɗ taɓta ɗvuta mndu ta Lazglafta ni nda hya hya ŋuɗufa ni, nda inda ndana ni, nda inda mbrakwa ni, nda ɗvuta ni ta mnda səla manda va ɗvuta ni ta ghəŋa ni wa. Malaghu mala tsaya ta ghəŋa skwi nda səla ta drafta lu tsuh tsuh ta gwir. Malaghu mala guli ta planatá ghəŋ ta plu lu nda hamata skwiha nda ya nda rini ta vlaŋta lu manda ya ɗawaŋ zlahu, » ka tsa mndu ya.

Galat 1:6

Ta ndərmim nda ndərmima yu, ka kuni gi mbəɗanatá hul ta Lazglafta ya ta hgaŋtá kaghuni ma zɗakatahuɗa *Yesu *Kristi, ka laghu da sna sana gwaɗa.