Galat 5:1 - Hdi

¹ Plimispla *Kristi, ŋa kwala mu nzəglaku ka vuʼa mista zlaha Musa. Mantsa tama, dihavawa diha, yaha lu nglighunista ka vuʼa.

Galat 5:1 Mawu Ofanana

Mata 23:4

Ta hbaf hba həŋ ta huzla ndəgaku ka fanaghatá mnduha, ama va a hahəŋ ta ksaŋta dər nda wa ndəfiŋa dzva taŋ wa.

Lukwa 5:38

Ma zliba huta ta ka lfiɗ ta pghamta lu ta ima inabi ta ka nunu.

Slna gwal ghunay 15:10

Ndanana tama ní, kabgawu ta kəl kuni ka zlurga Lazglafta nda fanaghatá gwal zlghay nda ŋuɗuf ta ndəgaku ya trap dzidzíha mu nda amu tani guli ta kərtay na?

La Ruma 6:14

Mantsa tama, ta haɗ dmaku nda ga mgham ta ghəŋa kaghuni wu, kabga ta mista zlahu a kuni wu, mista zɗakatahuɗa Lazglafta kuni.

La Ruma 6:18

Manda pligighunista ma dmaku, ka nutá kuni ka vuʼa maga skwi tɗukwa.

La Ruma 7:3

Ka ta ndiri zəʼala taŋ, ka sliʼafta tsi ka laghu da sana mndu katsi, hliri ta mag tsa marakw ya nda tsa. Ala ka mtu mta zəʼala taŋ katsi, flaʼu vgha ni ma tsa zlahu ya, dər sliʼafha tsi ka laghu wuma ta sana mndu ná, hla a ta iri nda tsa wa.

La Ruma 7:6

Ndanana tama ná, flaʼu vgha mu da zlahu, mtuguduŋmta mu ta tsa zlahu ya si ta hbamata ya. Laviŋ lava mu ta maganatá slna ta Lazglafta ma lfiɗa nzaku ta maramaŋta Sulkum. Manda tsa vindaf lu ma zlahu ghalya ya a ta magəgəlta mu wa.

La Ruma 8:15

Tsa Sulkum vlaghuna Lazglafta ya ná, haɗ ta nighunista ka vuʼa ŋa zləŋglay ghuni ta zləŋ wa. Tsa Sulkum ya ná, naghunaf na ka zwana Lazglafta. Nda ma tsa Sulkum ya ta hga mu ta Lazglafta ka « Aba, Da! » kəʼa.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

1Kwa 7:22

Ka dər ka vuʼa mndu ta hgafta mgham Lazglafta katsi, nda pla vgha tsa mndu ya da Mgham Lazglafta. Manda tsaya, mndu kul haɗ ka vuʼa ta hgafta Lazglafta ná, ka vuʼa *Kristi tsatsi guli.

2Kwa 11:20

Ta rfu kuni nda fata mndu ta kaghuni ka vuʼa taŋ. Ta rfu kuni nda zata mndu ta kaghuni. Ta rfu kuni nda ksamta taŋ ta kaghuni ma dzva taŋ. Ta rfu kuni nda nzaghunaghata taŋ. Ta rfu kuni nda dzuɓaghunata taŋ. Ta ksay kuni ta ŋuɗuf ta ghəŋa inda ni.

2Kwa 3:17

Mgham Yesu ná, Sulkum ya. Ma vəl hada Sulkuma Mgham Yesu guli ná, nda pla vgha mnduha.

Galat 2:4

Sab sa gwaɗa ta tsa fafaɗ kabga mamu sanlaha ma zwana ma ka ghwaɗak ta kɗikadamta nzamta mataba ŋni, ŋa ɓadza tsa flauʼwatá vgha ŋni ma Yesu Kristi ya. Ta kumay həŋ ta niŋnista ka vuʼa zlaha Musa.

Galat 3:25

Ndanana manda sagha gwaɗa ta zlghay nda ŋuɗuf, ta haɗ walglaŋta ŋni ta nzata mista zlahu wa.

Galat 4:26

Ursalima ya ta luwa ná, nza a ka vuʼa wu, tsaya ta nzakway ka mamu ta amu.

Galat 4:31

Mantsa tama zwana ma, nza a amu ka zwana marakw ka vuʼa wu, zwana marakw kul nzakway ka vuʼa amu.

Galat 4:9

Ndanana tama, manda snaŋta ghuni ta Lazglafta, ta snaŋtá Lazglafta ta kaghuni ná, waká kuni ta vrəglaghuta mista sana skwiha kul haɗ mbrakwa taŋ, kul haɗ rəga taŋ, kul haɗ ghəzliwa ta na?

Galat 5:13

Zwana ma ɗa, hgaghuna hga Lazglafta ŋa kwala ghuni nzakway ka vuʼa zlahu. Ala ka si mantsa tsi, ma klaf kuni ta tsa plata vgha ghuni ya ka skwi ŋa dzaʼa ghuni maga skwi ta kum sluʼuvgha. Katək ná, ɗvuvuswaɗva ta vgha ghuni, ka katuvusta kuni ta vgha ghuni mataba ghuni.

Afisus 6:14

Hbafwa vgha! Ka nza kahwathwata da kaghuni manda hbatá huɗi nda ɓanava. Magawa tɗukwa skwi, kabga maga skwi tɗukwa ná, manda suɗa ta gudum ŋa kata vgha ya nzakwa ni.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

1Tes 3:8

Ndanana tama ná, ta hafu ŋni, kabga dihatá vgha ghuni ma ndiʼatá vgha ghuni ta Mgham Yesu.

2Tes 2:15

Tsaya tama zwana ma ɗa ná, dihavawa diha, ka ŋanata kuni ta inda tsa skwiha taghaghunaf ŋni ya, dər ya mnaghuna lu nda mna, dər ya vindaghunafta lu nda vinda a tsi.

Hebru 10:23

Sladafma slada ta fatá ghəŋa mu ka gɗata mu ta va mnay kazlay: Tsa mndu ta tamaftá imi ta sləməŋ ya ná, ŋərma mndu ya kəʼa.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

1 Piyer 2:16

Nzawa nza ka gwal flaʼu vgha taŋ. Nziya nza tsi ná, ma nza tsa flauʼwatá vgha ghuni ya, ka skwi ŋa bukwanatá ghwaɗaka skwi. Ama nzawa nza ta nzaku ya ta maraŋtá nzakwa ghuni ka gwal ta ksanatá slna ta Lazglafta.

2 Piyer 2:19

« Flaʼu vgha ghuni dzaʼazlay, » ka həŋ ta mnay ŋa taŋ. Hahəŋ ya kay tataŋ, nda ghada nzatá həŋ ka vuʼa ɓədzaku ta kla həŋ da zaɗaku. Nda sna kuni ná, ka nu tsa skwi ta hbutá tsa mndu ya ná, vuʼa tsa skwi ya tsa mndu ya.

Yuda 1:3

Graha ɗa ya ta ɗvu yu ma ŋuɗufa ɗa, gitagita a ta ɗvuta yu ta vindaghunaftá skwi ta ghəŋa gwaɗa ta mbaku ya ka skwa turtuk mu mida wu, kabga tsa, nda nza tkweʼ ka vindaghunafta ɗa, ŋa vlaghunatá mbraku, ŋa ŋavata ghuni ma zlghay nda ŋuɗuf ya zlghaf kuni, ya vlaŋ Lazglafta ta mnduha ni. Tsa gwaɗa ta mbaku ya ná, haɗ dzaʼa walaŋta mbəɗavafta wa.

Suna Yuhwana 2:25

Ŋanawa ŋa kahwathwata ta zlghay nda ŋuɗufa ghuni ta vragaghata yu.

Suna Yuhwana 3:3

Havak hava gha tama ka kinawu mutsafta ka ta skwi taghaghaf lu nda ya ka ka snaŋta. Sna sna ka mbəɗanafta ka ta nzakwa gha. Ka si va a ka ta snata wu, dzaʼa lagha la yu manda ghali ksaghaghata, snaŋta a ka, ka ta wati luwa dzaʼa lagha yu wa.