Galat 3:22 - Hdi

²² Má ŋa nzakwa ni mantsa ya na: « ksamksa dmaku ta inda mnduha ma dzva ni, » ka lu vindafta ma gwaɗa Lazglafta. Nda nza mantsa ya, kada vlata Lazglafta ta tsa tata imi ta sləməŋ taf tsi ta sləməŋ ya ŋa gwal ta zlghaftá *Yesu *Kristi. Ta ghəŋa vəl zlghafta taŋ kweŋkweŋ dzaʼa kəl tsi ka vlaŋtá həŋ.

Galat 3:22 Mawu Ofanana

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Yuhwana 12:46

Iʼi ná, tsuwaɗak yu, ka saha yu ta ghəŋa haɗik kada kwala mndu ta zlghaftá iʼi da nzata ma grum.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 3:36

Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

Slna gwal ghunay 16:31

Ka Pwal nda Silas mantsa: « Zlghaf zlgha ta Mgham Yesu Kristi, ka mbafta ka, kagha nda la ga ghuni tani, » ka həŋ.

La Ruma 10:9

Ka mnaŋ mna ka nda wa gha kazlay: *Yesu ná, Mgham ya kəʼa, zlghaf zlgha ka guli ma ŋuɗufa gha kazlay: Sliʼaganapsliʼa Lazglafta ma mtaku kəʼa, dzaʼa mbaku ka.

La Ruma 11:32

Ham ha Lazglafta ta inda mnduha ma kwal kul sna gwaɗa, kada tawata tsi ta hiɗahiɗa ta həŋ demdem.

La Ruma 3:22

Tsaya tvi dzaʼa kəl Lazglafta ka nanaftá mnduha ka gwal tɗukwa ta kəma ni ya nda nza nda ma zlghafta dər wa ta *Yesu *Kristi. Haɗ ya galap Lazglafta, dər la *Yahuda dər gwal kul nzakway ka la Yahuda wa.

La Ruma 3:23

Inda taŋ gaga həŋ ta dmaku trap tra həŋ ma snaŋtá sgita Lazglafta.

La Ruma 5:12

Sam sa dmaku da ghəŋa haɗik nda ma mndu turtuk ta nzakway ka *Adamu. Ka klaktá dmaku ta mtaku, kəl mtaku ka lanaghatá inda mndu, kabga gaga inda mndu ta dmaku.

Galat 3:14

Mantsa ya maguta tsi, kada mutsafta gwal kul nzakway ka la Yahuda ta tsa tfa wi tfanava lu ta Abraham ya nda ma *Yesu Kristi. Tsaya tama dzaʼa kəl amu ka mutsafta nda ma zlghay nda ŋuɗuf ta Sulkum tanaf Lazglafta ta imi ta sləməŋ ya.

Galat 3:17

Skwi ta kum yu ta mnay ná, dzraf dzra Lazglafta ta wi nda Abraham. Ka zatá lu ta vaku fwaɗ dərmək nda hkən mbsak. Tahula tsa kada sabi gwaɗa ta zlahu. Tsaya tama na, laviŋ a tsa zlahu ya ta ɓadziŋtá tsa dzratá wi dzraf Lazglafta nda Abraham ya wa. Laviŋ a ta ɓadziŋtá tsa imi tanaf Lazglafta ta sləməŋ ya guli wa.

Galat 3:23

Ta kul sagha gwaɗa ta zlghay nda ŋuɗuf ná, nda nza zlahuha manda gwal ta ngha aŋni tsam tsi. Zlahu ta ngha aŋni ha ka sagha fitika gunaŋnaŋta Lazglafta ta tva gwaɗata zlghay nda ŋuɗuf.

Galat 3:29

Kaghuni, ka si nda ndiʼa vgha ghuni nda Kristi, nda nza kuni ka zivira Abraham nda tsa, mutsaf mutsa kuni ta za həga ya tanaf Lazglafta ta imi ta sləməŋ.

2Tim 1:1

Iʼi Pwal ta vindaftá na defteri na. Nda nza yu ka mnda ghunay *Yesu *Kristi, manda ya kumaf Lazglafta. Nda fa yu ŋa mna gwaɗa ŋa mnduha ta ghəŋa gwaɗa ta hafu, ya tanaf Lazglafta ta imi ta sləməŋ ta gwal ta ndiʼaftá vgha nda Yesu Kristi.

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

2 Piyer 1:4

Nda ma tsa skwiha ya vlamata tsi ta tsa skwiha ta ɗinuta katakata, ya tamaf tsi ta imi ta sləməŋ daga manda ghalya ŋa vlamata ya. Ma mutsafta ghuni ta tsa skwiha ya, laviŋta kuni ta ndapta ma ghwaɗaka skwiha ya ta haraʼuwa iri ta ghəŋa haɗik, ka ksay ghuni ta saɗa Lazglafta.

2 Piyer 3:13

Ta kzlaykzlay mu ta tsa lfiɗa luwa nda tsa lfiɗa haɗik, ma vli ya dzaʼa gɗavata nzaku tɗukwa manda ya tamaf tsi ta imi ta sləməŋ ya.

1 Yuhwana 2:25

Ka Kristi tamaftá imi ta sləməŋ ná, dzaʼa vlaghuna vla yu ta hafu ŋa kɗekedzeŋ, kaʼa.