Galat 3:21 - Hdi

²¹ Tsa tata imi tanaf Lazglafta ta sləməŋ ya ná, zɗəgana a ta zlahu nda tsa tama rki na? Mantsa ya a ɗekɗek wa! Ka si má mamu zlahu ta laviŋta vlaŋtá hafu ta mnduha katsi ná, ma laviŋ lava ta nanaftá mnduha ka gwal tɗukwa ta wa ira Lazglafta guli.

Galat 3:21 Mawu Ofanana

Lukwa 20:16

Dzaʼa lagha la slanaghatá tsa gwal ta hva tsa vwaha inabi ya, ka pslatá həŋ. Ŋa klafta ni ta tsa fwa inabi ya, ka fanamta ma dzvu ta sanlaha ma mnduha, » kaʼa nda həŋ. « Haɗ tsaya dzaʼa magaku mantsa wu, » ka tsa mnduha ta sna gwaɗa Yesu ya hlaftá wi.

La Ruma 3:31

Ma tsa zlghafta zlghaf mu ya tama guli ná, hərɗiŋ hərɗa mu ta zlahu ra? Hərɗiŋ amu wu, katək ná, ŋlanafta ŋlanaf mu ta zlahu.

La Ruma 3:4

Pyaf a wu! Dər má ta tsakalawi inda mnduha ná, kahwathwata ŋa Lazglafta ta mnay, manda ya nda vinda ma deftera Lazglafta kazlay: « kagha Lazglafta, ka gwaɗa gwaɗa ka ta gwaɗa ná, nda sna lu kazlay: tɗukwa tsa gwaɗa gha ya kəʼa. Dər má tsafha lu ta rutsak ta kagha, fləwəɗ dzaʼa saba ka ma guma ni. »

La Ruma 3:6

Mantsa a wu! Ka tɗukwa a Lazglafta wu katsi ná, wa kaʼa dzaʼa tsa guma ta ghəŋa mnduha na?

La Ruma 9:31

La Israʼila ya guli ná, zbaŋzba hahəŋ ta magatá skwi ta kum zlahu, ŋa nzakway ka gwal tɗukwa ta wa ira Lazglafta, triɗ trap tra həŋ ta magatá tsa skwi kumaŋ zlahu ya.

2Kwa 3:7

Ghalya, ta klam vindafta lu ta tsa zlahu ya, ka mag Musa ta slna tsa zlahu ta kla mndu da mtaku ya. Kulam nda tsaya ná, ta vlaŋ vla tsa slna ya ta glaku. Laviŋ a la Israʼila ta nghu da kuma ni wu, kabga ta wuɗaku kuma ni katakata. Tsaw, ŋa nzəɗavata a tsa wuɗakwa ni ya wa.

Galat 2:17

Aŋni ta nzakway ka la Yahuda, ta zbay ŋni ta nzakway ka gwal tɗukwa ta ira Lazglafta nda ma zlghafta ŋni ta Kristi. Tsa slaŋnagha lu ka gwal dmaku ní, nu ká lu dzaʼa mnay? Dzaʼa maray tsaya kazlay: Ta vla mbraku ŋa dmaku Kristi nda tsa kəʼa ra? Dər nekw, haɗ tsaya mantsa wa.

Galat 2:19

Zlahu ta dzatá iʼi, kəl yu ka zlaŋtá zlahu ŋa nzakwa ɗa nda hafu da Lazglafta. Ma zləŋaftá Kristi ta udza zləŋay ná, kawadaga mtuta yu nda tsi.

Galat 2:21

Va a yu ta vziŋtá zɗakatahuɗa Lazglafta wa. Ala ka laviŋ lava lu ta nzakway ka mndu tɗukwa tawa ira Lazglafta nda ma maga skwi ta kum zlaha Musa ya katsi, haɗ ghəzliwa mtuta mtu Kristi nda tsa tama wa.

Galat 6:14

Iʼi taɗa, ta ghəŋa mtuta mtu Mgham *Yesu Kristi ta udza zləŋay yeya ta ghubə yu ta ghubakwa ɗa. Ma tsa mtuta ni ta udza zləŋay ya, mtuta skwi ta kum sluʼuvgha ma iʼi, ta mtuguduŋta iʼi guli ta skwi ta kum sluʼuvgha.

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Hebru 7:18

Mantsa ya ná, nda hərɗa zlahu ŋa ghalya, kabga nda hta mbrakwa ni, haɗ ghəzliwa ni wa.

Hebru 7:19

Zlaha Musa ná, laviŋ a ta nanaftá mndu ka mndu tɗukwa ta wa ira Lazglafta wa. Ama ndanana ná, mutsaf mutsa mu ta fata ghəŋ ta malaghuta. Tsaya dzaʼa ɓhadamaghata da Lazglafta.