Biblia Todo Logo
Baibulo la pa intaneti

- Zotsatsa -




Galat 3:19 - Hdi

19 Ka si mantsa tsi tama, kabgawu kəl Lazglafta ka vlatá zlahu? Vlaŋna vla, kabga ŋa snaŋta ŋni ta skwiha ya kul zɗəganata. Ŋa fitik kwitikw vlaŋnata tsi ha ka sagha tsa fitik dzaʼa kəl tsa zivir dzaʼa sabi ma Abraham, tanaf tsi ta imi ta sləməŋ ya ka sagha. *Duhwalha Lazglafta ta klaktá tsa zlahuha ya nda ma sana mndu ta nzakway mataba mnduha nda Lazglafta.

Onani mutuwo Koperani




Galat 3:19
31 Mawu Ofanana  

Tsaya tva skwi ŋa magay nda mndu ta mbəzaku vgha ni: Mndu saghu kwana vgha ni ka niŋta ka mndu ta tsaɗ lu,


“Ka va a həŋ ta sna tsa zlaha Musa nda tsa gwaɗaha la anabi ya wu katsi, dər ki sliʼafta mndu da gwal nda rwa ka lagha slanaghatá həŋ, haɗ fitik dzaʼa snata həŋ wu, ka Abraham nda tsi,” » kaʼa.


Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.


Ka má sna a yu wu, ka má haɗ gwaɗa walaŋ yu ta mnanatá həŋ wu, má haɗ dmakwa taŋ wa. Ndanana tama, lavgliŋ a həŋ ta mnay kazlay: Haɗ dmakwa ŋni wu kəʼa wa.


Ma fitika tskavata zwana la Israʼila ma zivak, tsa Musa ya ta nzakway ma takataka dzidzíha mu, nda duhwala Lazglafta ta gwaɗa nda tsi, ta ghwá Sinay ya. Hada tsuʼamafta tsi ta gwaɗa hafu ka klamakta.


Kaghuni ka ghəŋa ghuni ta tsuʼaftá zlahu nda ma dzva duhwala Lazglafta, ka kwalaghutá kuni ta snatá tsa zlahu ya guli, » kaʼa.


Gwal ta snatá tsa zlaha Musa ya a gwal ta nzakway tɗukwa da Lazglafta wu, ama gwal ta nzakway ta ksa slna manda ya kum tsa zlahu ya gwal ta nzakway tɗukwa da Lazglafta.


Zlahu ná, ta klak kla ta ɓasa ŋuɗufa Lazglafta, ama ka haɗ zlahu wu katsi, haɗ sana skwi ŋa ɓlanapta wa.


Manda va tsaya nzakwa ni da Lazglafta guli. Ŋa Abraham nda zivira ni tanafta Lazglafta ta imi ta sləməŋ. Vindaf a lu kazlay: Ŋa Abraham nda zivirha ni kəʼa manda skwi nda ndəgha həŋ wa. « Nda zivira ni ka lu, » tsaya ta nzakway turtuk, ka Kristi.


Kaʼa mantsa: « Sagha sa Yawe daga ta ghwá Sinay, manda fitik sliʼafta tsi daga ta haɗika Seghir, daga ta ghwá Paraŋ, ka tsuwaɗak tsi ta vli da mnduha ni. Ka sagha tsi kawadaga nda dəmbuʼata gwal nda ghuɓa, nda ŋatá zləghakwa vu ma dzva zeghwa ni.


Ma tsa fitik ya, ka nzatá yu mataba ghuni nda Yawe ŋa mnaghunatá gwaɗa mna Yawe, kabga ta zləŋay kaghuni ta vu, ŋladaf a kuni ta ghwá wa. Kaʼa mantsa:


Tsa gwaɗa si ta mnə duhwalha Lazglafta ghalya ya ná, nda mbra nzakwa ni. Inda gwal ta kwal kul klaftá tsa gwaɗa ya ka gwaɗa, ka kwalaghutá snata ná, mutsaf mutsa həŋ ta guma ya ta raŋtá həŋ.


Mantsa ya ná, duhwalha ni a vlaŋ Lazglafta ta ga mgham ta ghəŋa zamana ta sagha ta mnə mu ya wa.


Titsatireni:

Zotsatsa


Zotsatsa