Galat 3:13 - Hdi

¹³ *Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Galat 3:13 Mawu Ofanana

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

2Sam 18:10

Ka nghaŋta sana mndu, ka mnanatá tsi ta Yuʼav, kaʼa mantsa: « Nda ngha yu ta Avsalum kaŋala ta halalaya fu, » kaʼa.

2Sam 21:3

Ka Dawuda nda la Givghuŋ tama mantsa: « Nahgani dzaʼa magaghunata yu na? Kinawu dzaʼa slərɓapta yu ta zughu ma ghwaɗaka skwi suʼu kuni, kada tfanaghata kuni ta wi ta mnduha Yawe, skwa za həga ka ŋa ni na? » kaʼa.

2Sam 21:9

Ka vlatá tsi ta həŋ ma dzva la Givghuŋ, ka laghwi həŋ hahagatá həŋ ta ghwá ta kəma Yawe. Ndəfáŋ ndəfáŋ rwuta həŋ ka skwa turtuk. Ka pslatá lu ta həŋ baɗ taŋtaŋ fitika zlra tska urz ta vwah.

2Mgh 22:19

Tsəhala ta haga madər ka, ka hanaganatá ka ta ghəŋa gha ta kəma Yawe snaŋər ka ta skwi mna yu ta ghəŋa tsa vli ya, nda mnduha ta nzakw mida tani, kazlay dzaʼa nzakway tsa luwa ya ka kufik, vli nda ksiʼa kəʼa ya, nda ya ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

Asta 7:10

Ka dzugwuŋtá lu ta Haman ta wa tsa udzu si la tsatsi ŋa dzugwuŋtá Murduhay ya. Tahula tsa, ka lɓatá tsa gufatá ŋuɗufa mgham ya.

Asta 9:14

« Magawa maga manda va tsaya, » ka mgham. Ka vindaftá lu, ka dgamta ma Susaŋ, ka dzagwagatá lu ta tsa zwana Haman ghwaŋ ya ta udzuha.

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Mata 27:5

Ka pghidiŋtá Yuda ta tsa tsedi ya ma həga Lazglafta, ka laghu hamtá ketsiŋ ma ŋurzluŋa ni, ka dzuvtá htsiŋa ni.

Slna gwal ghunay 5:30

Lazglafta dzidzíha mu ta sliʼaganaptá *Yesu si dza kuni ma zləŋafta ghuni ta udzu ya.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 9:3

ta ghəŋa zwana ma ɗa ta nzakway ka mndəra ini. Ta dər ma Ksiʼafta Lazglafta ta iʼi, ka dgihata nda Kristi, ta mbanaftá tsi ta hahəŋ, ka yu.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

Galat 3:10

Inda gwal ta faftá ghəŋa taŋ ta maga skwi mna zlahu ná, nda ksiʼa həŋ. Mantsa ya ná, nda vinda ma deftera Lazglafta kazlay: Nda ksiʼa inda mndu kul kɗanaftá inda skwiha ya nda vinda ma deftera zlahu kəʼa.

Galat 4:5

kada varagapta tsi ta gwal ta ga vuʼa mista tsa zlahu ya, kada nuta ŋni ka zwana Lazglafta.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Vrafta ta zlahu 21:23

yaha mbla ni da hanay ta fu. Baɗ va tsaya dzaʼa lamta kuni, kabga nda nza tsa mndu haga lu ta fu ya ka mndu nda ksiʼa da Lazglafta. Ma niŋ kuni ka skwi ta tsaɗ lu ta haɗika ghuni ya dzaʼa vlaghuna Yawe, Lazglafta ghuni ka skwa za həga ghuni. »

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 9:12

Ma tsa lami lam *Yesu turtuktuk da tsa huɗi nda ghuɓa katakata ya ná, lam a nda klatá usa dugzumha nda zwaŋa lghəŋ wa. Vərɗa ŋa ni ma us vla tsi, ka mbamafta ŋa ɗekɗek ma dmakuha mu.

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 13:8

ŋa tsəlɓay inda mnduha ta ghəŋa haɗik ta tsəlɓu ŋa ni, Tsa gwal kul vindaku hga taŋ ma defteri hafu daga zlrafta ghəŋa haɗik da Zwaŋa. Tuwak ya si dza lu ya dzaʼa tsəlɓa tsa tsəlɓu ya.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.