Galat 2:9 - Hdi

⁹ Grafta i Yakubu nda Kefas nda Yuhwana ta nzakway ka guguɗi mataba *Igliz ta tsa zɗakatahuɗi zɗəɗiŋ Lazglafta ya, ka zgwaŋnatá həŋ nda Barnabas ŋa maraŋtá guyatá wa taŋ nda aŋni. Ŋa dzaʼa aŋni təv la Grek, ta dzaʼa hahəŋ təv la Yahuda.

Galat 2:9 Mawu Ofanana

2Mgh 10:15

Ka sliʼaftá tsi hada, ka guyatá tsi nda Yunadav, zwaŋa Rehav ta sagha da guyay. Ka ganaghatá tsi ta zgu, kaʼa ɗawaŋta da tsi mantsa: « Ta rfu ŋuɗufa gha nda iʼi manda ɗaslakwa na ŋa ɗa nda kagha na ra? » kaʼa. Ka Yunadav zlghaftá wi mantsa: « Aŋi, » kaʼa. « Ka si mantsa tsi, yaha ta dzva gha, » kaʼa. Ka vlaŋtá Yunadav ta dzvu, ka tɗadaftá Yehu ta vata ni da mwata plis ni,

Mata 16:18

Ka iʼi ta mnaghatá kagha na: Piyer ka. Ta tsa pala ya dzaʼa bafta yu ta Igliza ɗa. Haɗ sana skwi dzaʼa laviŋtá mbrakwa mtaku ta maganavata wa.

Lukwa 22:8

Ka ghunaftá *Yesu ta i *Piyer nda Yuhwana: « Lawa la ka dzaʼa kuni payamaftá skwa zaya Pak, » kaʼa nda həŋ.

Yuhwana 1:42

Ka kladaghatá tsi da Yesu, na ghur nghaŋta Yesu, kaʼa nda tsi mantsa: « Simuŋ! Zwaŋa Yuhwana ka, Kefas dzaʼa hga lu ta kagha, » manda mnay kazlay: Pala kəʼa ya.

Slna gwal ghunay 12:17

Kɗkəɗkɗ, ka Piyer nda dzvu ka lɓanatá həŋ. Ka rusanaftá tsi ta həŋ ka Mgham Yesu kligiŋta ma gamak. « Ka dzaʼa kuni da rusanaftá i Yakubu nda sanlaha ma zwana ma, » kaʼa nda həŋ guli. Ka gi sab tsi ka laghu da sana vli.

Slna gwal ghunay 15:13

Kɗakwa taŋ ta gwaɗa ta gwaɗa, ka zlraftá Yakubu ta gwaɗa, kaʼa mantsa: « Zwana ma, swidwa!

Slna gwal ghunay 15:7

Ka gwaɗanaghatá həŋ ta gwaɗa katakata ta ghəŋa ni. Ka sliʼaftá *Piyer, kaʼa mantsa: « Zwana ma, nda sna kuni manda ghalya kazlay: Mataba ghuni zbapta Lazglafta ta iʼi ŋa mnanaŋtá *Lfiɗa Gwaɗa ta gwal kul nzakway ka la Yahuda, kada snaŋta həŋ ŋa zlghafta taŋ kəʼa.

Slna gwal ghunay 4:36

Manda Yusufu, ta nzakway tekw ka mnda la *Levi, ya ya lu ma luwa Kiprus, tsanaf gwal ghunay ta hga ni ka Barnabas, manda mnay kazlay, « zwaŋa ufa vgha » kəʼa ya:

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

La Ruma 15:15

Aŋ mndani, ma na defteri vindaghunaf yu na ná, dvaghunagha dva yu ma sana vliha ta ghəŋa sana skwiha ŋa havakta ghuni. Kəl yu ka mnaghunata mantsa ya ná, kabga zɗəɗiŋ zɗa Lazglafta ta huɗi,

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

2Kwa 11:5

Ka mghama gwal ghunay ta ngha kaghuni ta tsa mnduha ya, ama graf gra iʼi kazlay: Walaŋ a həŋ ta malaghutá iʼi wu kəʼa.

2Kwa 12:11

Manda mndu nda ksa da halaway gwaɗata yu ta tsa gwaɗa ya. Kaghuni ta mblaftá iʼi guli. Kaghuni a ma dzaʼa ghuba iʼi ra? Haɗ skwi htap iʼi ka tsa gwal ghunay ghuni dagala dagala ma kaghuni ya, dər má haɗ ghəzliwa ɗa wa.

2Kwa 8:4

da ɗaway da aŋni ka ŋɗaŋɗa kazlay: Ta kumay aŋni ta nzakway tekw mataba gwal ta kataŋtá gwal zlghay nda ŋuɗuf ta haɗika *Yahuda kəʼa.

Galat 1:16

Ka sniɗimtá tsi ta zwaŋa ni ŋa dzaʼa ɗa mna gwaɗa ta ghəŋa ni ŋa gwal kul nzakway ka la Yahuda. Ma tsa fitika sniɗimta ni ya, gi sliʼaf a yu ka laghu ɗawaŋtá hiɗaku da mndu wa.

Galat 1:18

Tahula vaku hkən tama, ka sliʼaftá yu ka lafi da Ursalima ŋa snaŋtá Kefas, ka magatá yu ta fitik ghwaŋpəɗ hutaf ga taŋ.

Galat 2:1

Vaku ghwaŋpəɗ fwaɗ tahula tsa, ka vrəgladaftá yu da luwa Ursalima kawadaga nda Barnabas, ka kladanaftá Titus ta səla ɗa.

Galat 2:2

Kəl yu ka vrəgladafta ná, Lazglafta ta guniɗiŋtá tvi kazlay: La kəʼa. Manda lafa ɗa, ka nzata yu kawadaga nda gwal ta nghə lu ka la mali ta ghəŋa gwal zlghay nda ŋuɗuf. Ka mnanaŋtá yu ta həŋ ta gwaɗa ta ghəŋa *Lfiɗa Gwaɗa ya ta mnə yu ŋa gwal kul nzakway ka la *Yahuda, kada kwala tsafaratá vgha ɗa, nda ŋavata ya ta ŋavata yu ma tsa slna ya nzata ka bətbət.

Galat 6:3

Ka haɗ mndu taɓta iʼi wu, ka mndu tsaw ta slaf a ka sana skwi kay guli wu ná, nana ghəŋa ni ta nanə tsi.

Afisus 2:20

Nda nza kuni manda palaha ta bə lu ta həga nda tsi. Gwal ghunay nda la anabi na tughwa tsa həga ya. Yesu Kristi tsa pala dihaf tsa həga ya ta vgha tida ya.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Kwalus 1:29

Tsaya ta kəl yu ka wuda maga slna nda mbrakwa Kristi, ya ta maga slna nda mbraku ma iʼi ya.

1Tim 3:15

Ala, ka gərɗugərɗa yu katsi, dzaʼa nda sna ka ká ka dzaʼa nzaku ma həga Lazglafta ta nzakway ka *Igliz, hahəŋ guguɗi ta dihanatá kahwathwata.

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

Suna Yuhwana 3:12

« Dzaʼa nanaf na yu ta mndu ta zata ghwa ka guguɗi ma həga Lazglafta ɗa. Haɗ dzaʼa walaŋta sabi mida wa. Dzaʼa vindaf vinda yu ta hga Da ɗa nda hga luwa Da ɗa tani tida. Tsa luwa ya ná, lfiɗa Ursalima ya dzaʼa saha ta luwa, ghunaf Lazglafta. Dzaʼa vindaf vinda yu guli tida ta lfiɗa hgu ya mutsaf yu.