Galat 2:4 - Hdi

⁴ Sab sa gwaɗa ta tsa fafaɗ kabga mamu sanlaha ma zwana ma ka ghwaɗak ta kɗikadamta nzamta mataba ŋni, ŋa ɓadza tsa flauʼwatá vgha ŋni ma Yesu Kristi ya. Ta kumay həŋ ta niŋnista ka vuʼa zlaha Musa.

Galat 2:4 Mawu Ofanana

Lukwa 5:38

Ma zliba huta ta ka lfiɗ ta pghamta lu ta ima inabi ta ka nunu.

Slna gwal ghunay 15:1

Mamu sana mnduha ta sliʼafta ta haɗika Zudiya, ka lagha da Aŋtakiya da taghay ŋa zwana ma kazlay: « Ka tsa a kuni ta fafaɗa ghuni manda ya mna zlaha Musa wu katsi ná, mbaf a kuni wa » kəʼa.

Slna gwal ghunay 15:24

Snaŋnagha sna gwaɗa ta ghəŋa sanlaha ma mndu ta sliʼafta da aŋni, ka lafi da kɓaghunafta kawadaga nda graha ŋni i Barnabas nda Pwal.

Slna gwal ghunay 20:30

Dər mataba kaghuni guli ná, dzaʼa sliʼaf sliʼa sanlaha da tsakalawi, ŋa baraghata taŋ ta sanlaha ma duhwalha mista taŋ.

La Ruma 8:15

Tsa Sulkum vlaghuna Lazglafta ya ná, haɗ ta nighunista ka vuʼa ŋa zləŋglay ghuni ta zləŋ wa. Tsa Sulkum ya ná, naghunaf na ka zwana Lazglafta. Nda ma tsa Sulkum ya ta hga mu ta Lazglafta ka « Aba, Da! » kəʼa.

2Kwa 11:13

Vərɗa gwal ghunay a tsa mnduha ya wa. Slna nana mndu ta mag həŋ. Manda gwal ghunay Kristi ka həŋ ta klaftá ghəŋa taŋ.

2Kwa 11:17

Na gwaɗa dzaʼa yu mnay na ná, dzaʼa gwaɗ manda ya ta zɗəganatá Mgham *Yesu a yu wu, manda va ŋa mndu ka rgha dzaʼa gwaɗa yu. Graf gra yu ta skwi dzaʼa ghərɓə yu ta ghərɓaku tida guli.

2Kwa 11:20

Ta rfu kuni nda fata mndu ta kaghuni ka vuʼa taŋ. Ta rfu kuni nda zata mndu ta kaghuni. Ta rfu kuni nda ksamta taŋ ta kaghuni ma dzva taŋ. Ta rfu kuni nda nzaghunaghata taŋ. Ta rfu kuni nda dzuɓaghunata taŋ. Ta ksay kuni ta ŋuɗuf ta ghəŋa inda ni.

2Kwa 11:26

Ma wawakwa ɗa nda səla tazlay ná, dagala ghuya ɗaŋwa suʼu yu ma zalaha, dagala ghuya ɗaŋwa suʼu yu da la gənda, dagala ghuya ɗaŋwa suʼu yu da la ini, dagala ghuya ɗaŋwa suʼu yu da gwal kul snaŋtá Lazglafta. Dagala ghuya ɗaŋwa suʼu yu ma luwaha nda ya tahula luwaha. Dagala ghuya ɗaŋwa suʼu yu, ta drəf. Dagala ghuya ɗaŋwa suʼu yu da zwanamaha ka ghwaɗak.

2Kwa 3:17

Mgham Yesu ná, Sulkum ya. Ma vəl hada Sulkuma Mgham Yesu guli ná, nda pla vgha mnduha.

Galat 1:7

Ka kahwathwata ni ka lu gwaɗay na, haɗ sana *Lfiɗa Gwaɗa wa. Kəl yu ka mna tsaya ná, mamu sanlaha ma mnduha ta mbaɗa ghəŋ ghuni, ta kuma mbəɗanaftá Lfiɗa Gwaɗa Kristi.

Galat 4:25

Tsa Hadzara ya ta nzakway ka ghwá Sinay ta haɗika Arabiya. Nda luwa Ursalima gitana ta gra lu, kabga tsatsi nda zwana ni tani vuʼa həŋ.

Galat 4:3

Manda va tsaya nzakwa ni da amu guli. Ma fitika nzakwa amu ka zwani ta kul sagha gwaɗa ta *Kristi ná, ta ga vuʼa skwiha ta ga mgham ma na ghəŋa haɗik na amu.

Galat 5:1

Plimispla *Kristi, ŋa kwala mu nzəglaku ka vuʼa mista zlaha Musa. Mantsa tama, dihavawa diha, yaha lu nglighunista ka vuʼa.

Galat 5:10

Nda sna yu kazlay: Haɗ fitik dzaʼa dganata kaghuni ta ŋa ghuni ndanu nda ŋa ɗa wu kəʼa, kabga nda guya mu ma Kristi. Nda sna yu guli kazlay: Tsa mndu ta kladamtá hwazlaɓaku da taba ghuni ya, dər má kinawu nzakwa tsa mndu ya, dzaʼa tsanagha tsa Lazglafta ta guma kəʼa.

2Tim 3:6

Mamu sanlaha mataba taŋ ta ra wa tgha, ka dzaʼa da həga da həga ga mndu da gataftá miʼaha kul haɗ mbrakwa taŋ, hbu dmaku ta həŋ, ta zawataku haraʼutiri kavghakavgha ma ghəŋa taŋ.

Yakubu 1:25

Ama mndu ya ta faftá ira ni ta zlahuha Lazglafta, zlahuha ya ta vlamata flauʼwatá vgha, ka ndiʼafta vgha tɗukwa tida, kul haɗ ta zanaptá gwaɗa tahula snaŋta ni, ta ksay ta slna nda tsi ná, dzaʼa nzakway tsa mndu ya nda rfu ma inda skwiha ni ta mag tsi.

1 Piyer 2:16

Nzawa nza ka gwal flaʼu vgha taŋ. Nziya nza tsi ná, ma nza tsa flauʼwatá vgha ghuni ya, ka skwi ŋa bukwanatá ghwaɗaka skwi. Ama nzawa nza ta nzaku ya ta maraŋtá nzakwa ghuni ka gwal ta ksanatá slna ta Lazglafta.

2 Piyer 2:19

« Flaʼu vgha ghuni dzaʼazlay, » ka həŋ ta mnay ŋa taŋ. Hahəŋ ya kay tataŋ, nda ghada nzatá həŋ ka vuʼa ɓədzaku ta kla həŋ da zaɗaku. Nda sna kuni ná, ka nu tsa skwi ta hbutá tsa mndu ya ná, vuʼa tsa skwi ya tsa mndu ya.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.