Galat 2:17 - Hdi

¹⁷ Aŋni ta nzakway ka la Yahuda, ta zbay ŋni ta nzakway ka gwal tɗukwa ta ira Lazglafta nda ma zlghafta ŋni ta Kristi. Tsa slaŋnagha lu ka gwal dmaku ní, nu ká lu dzaʼa mnay? Dzaʼa maray tsaya kazlay: Ta vla mbraku ŋa dmaku Kristi nda tsa kəʼa ra? Dər nekw, haɗ tsaya mantsa wa.

Galat 2:17 Mawu Ofanana

Mata 1:21

Zwaŋa zgun dzaʼa tsi yatá, ŋa tsanaftá gha ta hga ni ka Yesu, kabga tsatsi dzaʼa mbanaftá mnduha ni ma dmakuha taŋ, » kaʼa nda tsi.

Lukwa 20:16

Dzaʼa lagha la slanaghatá tsa gwal ta hva tsa vwaha inabi ya, ka pslatá həŋ. Ŋa klafta ni ta tsa fwa inabi ya, ka fanamta ma dzvu ta sanlaha ma mnduha, » kaʼa nda həŋ. « Haɗ tsaya dzaʼa magaku mantsa wu, » ka tsa mnduha ta sna gwaɗa Yesu ya hlaftá wi.

La Ruma 11:7

Nu klatá ghəŋa tsa gwaɗa ya tama? Tsa ta psə la Israʼila ya ná, mutsaf a həŋ wu, ama gwal ɗagap Lazglafta ná, mutsaf mutsa hahəŋ. Təŋanaf təŋa sanlaha ta ghəŋa taŋ.

La Ruma 15:8

Ka yu ta mnaghunata ná, sasa *Yesu Kristi maganatá slna ta la *Yahuda ŋa maranaŋtá həŋ kazlay: Tɗukwa Lazglafta kəʼa, ŋa dzanaghatá ghəŋa skwi ya tanaf Lazglafta ta imi ta sləməŋ ta dzidzíha taŋ.

La Ruma 3:4

Pyaf a wu! Dər má ta tsakalawi inda mnduha ná, kahwathwata ŋa Lazglafta ta mnay, manda ya nda vinda ma deftera Lazglafta kazlay: « kagha Lazglafta, ka gwaɗa gwaɗa ka ta gwaɗa ná, nda sna lu kazlay: tɗukwa tsa gwaɗa gha ya kəʼa. Dər má tsafha lu ta rutsak ta kagha, fləwəɗ dzaʼa saba ka ma guma ni. »

La Ruma 3:6

Mantsa a wu! Ka tɗukwa a Lazglafta wu katsi ná, wa kaʼa dzaʼa tsa guma ta ghəŋa mnduha na?

Galat 2:11

Manda lagha Kefas da luwa Aŋtakiya, ka dvanaghatá yu ta kəma mnduha ta ghəŋa ɓədzaku ya maga tsi.

Galat 2:15

Aŋni ná, la *Yahuda ɓuzul ŋni. Nza a aŋni ka gwal kul nzakway ka la Yahuda kul snaŋtá Lazglafta wa.

Galat 3:21

Tsa tata imi tanaf Lazglafta ta sləməŋ ya ná, zɗəgana a ta zlahu nda tsa tama rki na? Mantsa ya a ɗekɗek wa! Ka si má mamu zlahu ta laviŋta vlaŋtá hafu ta mnduha katsi ná, ma laviŋ lava ta nanaftá mnduha ka gwal tɗukwa ta wa ira Lazglafta guli.

Galat 6:14

Iʼi taɗa, ta ghəŋa mtuta mtu Mgham *Yesu Kristi ta udza zləŋay yeya ta ghubə yu ta ghubakwa ɗa. Ma tsa mtuta ni ta udza zləŋay ya, mtuta skwi ta kum sluʼuvgha ma iʼi, ta mtuguduŋta iʼi guli ta skwi ta kum sluʼuvgha.

Hebru 8:2

Ta ksa slna tsatsi ma vərɗa həga tumpul ya magaf Mgham Lazglafta ta luwa ma vla nzakwa Lazglafta, ya magaf dzva mndu a wa.

1 Yuhwana 3:5

Wya nda sna kaghuni kazlay: Sasa Yesu Kristi ta ghəŋa haɗik da klaghutá dmakwa mnduha kəʼa. Tsatsi ná, haɗ dmaku ɗekɗek tida wa.