Galat 2:14 - Hdi

¹⁴ Nghay ɗa ná, haɗ tsa magakwa taŋ ya ta gra vgha nda *Lfiɗa Gwaɗa wu, kəl yu ka dvanaghatá Kefas ta kəma mnduha kazlay: Ka si kagha ta nzakway ka la Yahuda, manda ŋa gwal kul nzakway ka la Yahuda ka ka ta nzaku, nzakwa a ka manda ŋa la Yahuda wu, kabgawu ta kəl ka ka mbla gwal kul nzakway ka la Yahuda ŋa nzaku manda ŋa la Yahuda na? ka yu.

Galat 2:14 Mawu Ofanana

La Levi 19:17

Ma nza kuni nda dgun nda zwaŋama ghuni. Ka maga maga mndu ta skwi kul raku, mnanaŋwa mna baz ta dmakwa ni. Ka mantsa a tsi wu, dguv ta ghəŋa ghuni dmaku ni.

Slna gwal ghunay 10:28

Kaʼa nda həŋ mantsa: « Nda sna kuni ná, pyaf pya lu ta guyay mnda la Zudiya ta vgha nda la mayəm, ɓalavakata lam da həga ga taŋ. Tsaw haɗ mnda səla ya ŋa mnay kazlay: *Nda ghuɓa yeya, ghuɓa a yeya ka guya vgha nda tsi wu kəʼa wu, ka Lazglafta marihata.

Slna gwal ghunay 15:1

Mamu sana mnduha ta sliʼafta ta haɗika Zudiya, ka lagha da Aŋtakiya da taghay ŋa zwana ma kazlay: « Ka tsa a kuni ta fafaɗa ghuni manda ya mna zlaha Musa wu katsi ná, mbaf a kuni wa » kəʼa.

Slna gwal ghunay 15:24

Snaŋnagha sna gwaɗa ta ghəŋa sanlaha ma mndu ta sliʼafta da aŋni, ka lafi da kɓaghunafta kawadaga nda graha ŋni i Barnabas nda Pwal.

Slna gwal ghunay 15:5

Mbaɗa sanlaha mataba la *Farisa ta zlghaftá Yesu, ka sliʼavafta. « Ɗatsay gwal kul nzakway ka la Yahuda ta fafaɗ, ka maga həŋ ta skwi ya mna zlaha Musa guli, » ka həŋ.

La Ruma 14:14

Ma ndiʼatá vgha ɗa nda *Yesu *Kristi ná, nda sna yu tsiɗiɗ kazlay: Haɗ sana skwi kul ghuɓaku wu kəʼa. Ama nda nza tsa skwi ya kul ghuɓaku ka ŋa mndu ta klafta ka skwi kul ghuɓaku.

Galat 1:18

Tahula vaku hkən tama, ka sliʼaftá yu ka lafi da Ursalima ŋa snaŋtá Kefas, ka magatá yu ta fitik ghwaŋpəɗ hutaf ga taŋ.

Galat 1:6

Ta ndərmim nda ndərmima yu, ka kuni gi mbəɗanatá hul ta Lazglafta ya ta hgaŋtá kaghuni ma zɗakatahuɗa *Yesu *Kristi, ka laghu da sna sana gwaɗa.

Galat 2:3

Titus gratá wawakwa ɗa ná, mnda la *Grek ya. Haɗ mndu ta walaŋtá mnanata kazlay: Ba tsaghatá fafaɗ kəʼa nda tsi wa.

Galat 2:5

Walaŋ a ŋni ta zlanaŋtá tvi dər ka kiʼa ta həŋ wu, kada ŋaghunata ŋni ta kahwathwata Lfiɗa Gwaɗa.

Galat 2:7

Nziya nza tsi ná, graf gra hahəŋ kazlay: Vliha vla Lazglafta ta slna dzaʼa mna Lfiɗa Gwaɗa ŋa gwal kul nzakway ka la Yahuda, manda va ya mnana tsi ta *Piyer ŋa dzaʼa da mnay ŋa la Yahuda ya kəʼa.

Galat 2:9

Grafta i Yakubu nda Kefas nda Yuhwana ta nzakway ka guguɗi mataba *Igliz ta tsa zɗakatahuɗi zɗəɗiŋ Lazglafta ya, ka zgwaŋnatá həŋ nda Barnabas ŋa maraŋtá guyatá wa taŋ nda aŋni. Ŋa dzaʼa aŋni təv la Grek, ta dzaʼa hahəŋ təv la Yahuda.

Galat 6:12

Tsa mnduha ta kuma mblaftá kaghuni ka tsa fafaɗ ya ná, ta kumay həŋ ta ghubay mnduha ta həŋ. Skwi kəl həŋ ka magay mantsa ya ná, wara ghuyay taŋ ta ɗaŋwa ta gwaɗa ta udza zləŋay *Kristi ya.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

1Tim 5:20

Gwal ta ga dmaku ya, dvanaghadva ta həŋ ta kəma inda mnduha, kada ganafta tsi ta zləŋ ta sanlaha.

Hebru 12:13

Mbaɗawambaɗa ta mbaɗa ta tvi ya nda slada, kada kwala səla ya nda wərɗa ta kɗiŋta, katək ná, ka mbafta tsi.

Hebru 9:10

Gwaɗa ta skwa zay, nda skwa say, nda tva ghuɓaku kavghakavgha kweŋkweŋ ta taghamafta tsaha ya. Tsa skwiha fa fa lu laviŋ mnduha ta magay ya ná, nda nza tsaha ya ŋa kəzla mbəɗanafta Lazglafta ta inda skwi.