Galat 1:8 - Hdi

⁸ Ka iʼi nda kaghuni wa! Ka lagha sana mndu, dər va na aŋni na tsi, dər duhwala Lazglafta ta luwa tsi, ka mna sana gwaɗa tskəm nda ya mnaghuna aŋni katsi ná, ka nza tsa mndu ya nda ksiʼa.

Galat 1:8 Mawu Ofanana

Zlrafta 9:25

Kaʼa mantsa: « Ka nza Kanʼana nda ksiʼa! Ka nza tsi ka kɗavakta ni mataba vuʼaha zwana ma ni. »

1Mgh 13:18

Ka tsa halata anabi ya nda tsi mantsa: « Iʼi guli ná, anabi yu manda va kagha, duhwala Lazglafta ta mnihatá gwaɗa Yawe, kaʼa nda iʼi na: “Vranak vra mista gha da ghuni, ka zaʼata tsi ta skwa zay, ka saʼata tsi ta skwa say,” » kaʼa. Tsaw tsakalawi tsa tsakalana tsi.

Nəhemiya 13:25

Ka davə yu ta həŋ, ka ksiʼa həŋ. Ka dzə yu ta sanlaha mataba taŋ, ka kwitsa swidi ma ghəŋa taŋ. Ka mblaftá yu ta həŋ ŋa waɗata nda hga Lazglafta kazlay na, yaha həŋ da vla kwagha taŋ ŋa mndəra sana mndu, yaha hahəŋ guli da hla kwagha mndəra sana mndu ŋa miʼa taŋ dər ŋa zwana taŋ.

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Markus 14:71

Ka zlraftá Piyer ta ksiʼa ghəŋa ni ka waɗu. Kaʼa mantsa: « Sna a yu ta na mndu ta mnə kuni na ɗekɗek wu, » kaʼa.

Slna gwal ghunay 23:14

Ka sliʼaftá həŋ ka laghu da slanaghatá la mali ta ghəŋa gwal dra skwi ŋa Lazglafta, nda la galata mndu. Ka həŋ mantsa: « Waɗa waɗa ŋni kahwathwata ta kəma Lazglafta kazlay: Haɗ ŋni dzaʼa walaŋta zaŋtá skwi nda za, ka ta dza a ŋni ta Pwal wu.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

La Ruma 9:3

ta ghəŋa zwana ma ɗa ta nzakway ka mndəra ini. Ta dər ma Ksiʼafta Lazglafta ta iʼi, ka dgihata nda Kristi, ta mbanaftá tsi ta hahəŋ, ka yu.

1Kwa 12:3

Tsaya ta kəl yu ka mnaghunata kazlay: Haɗ mndu ta mna gwaɗa nda mbrakwa Sulkuma Lazglafta kazlay: Nda ksiʼa *Yesu kəʼa wa. Ka nda mbrakwa Sulkum nda ghuɓa a tsi wu katsi, haɗ mndu dzaʼa laviŋtá mnay kazlay: Yesu ná, Mgham ya kəʼa guli wa.

1Kwa 16:22

Inda mndu kul ɗva Mgham Yesu ná, ka nza tsi ka mndu nda ksiʼa. Maranata! (Mghama ŋni ta sagha!)

Galat 1:9

Mnumna yu má mndani, wana yu ta vrəgliŋtá mnəglaghunata ndanana. Ka mnaghuna mna sana mndu ta sana gwaɗa tskəm nda ya snaŋ kuni da aŋni katsi ná, ka nza tsa mndu ya nda ksiʼa.

Galat 3:10

Inda gwal ta faftá ghəŋa taŋ ta maga skwi mna zlahu ná, nda ksiʼa həŋ. Mantsa ya ná, nda vinda ma deftera Lazglafta kazlay: Nda ksiʼa inda mndu kul kɗanaftá inda skwiha ya nda vinda ma deftera zlahu kəʼa.

Galat 3:13

*Kristi ta varagamapta ma tsa ksiʼa zlahu ya, kabga niŋ na lu ka ksiʼatá mndu ŋa da manaka amu. Ka lu vindafta ma gwaɗa Lazglafta na: « Inda mndu zləŋaf lu ta udzu ná, nda ksiʼa, » kaʼa.

Titus 3:10

Ka mamu mndu ta kladamtá daga vgha da taba gwal zlghay nda ŋuɗuf katsi, ka dvanaghata ka karaku. Ka ta zlaŋ a tsi tahula dvəglanaghata gha ka mahis wu, ka zliŋta ka ta tva ni.

Yəhusuwa 9:23

Ndana tama, nda ksiʼa kuni, dzaʼa gɗavata ma ga vuʼa kuni, kaghuni dzaʼa tsanatá hasuʼu, nda zakanatá imi ta həga Lazglafta ɗa, » kaʼa.

2 Piyer 2:14

Ta taɗaku ira taŋ ta miʼaha, hərfava a həŋ ma vəl maga dmaku wa. Bla a ta barafta həŋ ta gwal nda hta mbrakwa taŋ ka pghamtá həŋ da dmaku wa. Yukyukyuk ka ira taŋ ta taɗaku ta skwiha. Mndərga tsaha ya ma mnduha ná, nda ghada ksuta guma Lazglafta ta həŋ.

1Sam 26:19

Ndanana, kdəkkdək, ka fa fa mgham rvera ɗa ta sləməŋ ka sna gwaɗa kwalva ni. Ka Yawe ta famtá kagha ŋa ŋawa iʼi katsi, ka tsuʼaf tsuʼa tsi ta mbəha urdi! Ama ka mnduha tsi katsi, ka nza həŋ nda ksiʼa ta kəma Yawe. Ta ghəzla iʼi həŋ gita ŋa bəghiɗta ma za həga Yawe nda mnay kazlay na: “La da maganatá slna ta sana lazglaftaha!” kəʼa.