Galat 1:4 - Hdi

⁴ Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

Galat 1:4 Mawu Ofanana

Mata 13:22

Tsa vli ma teki rkam hulfa mida ya guli ná, tsaya gwal ta snaŋtá gwaɗa Lazglafta, ka laghu həŋ da ndana skwiha ma ghəŋa haɗik, nda skwa gadghəl, ka raghwanatá tsa skwiha ya ta tsa gwaɗa ya ma həŋ, ka niŋtá həŋ ka ksubaŋ.

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Mata 26:42

Ka zəgladaptá tsi dawʼ ka mahis, ka ndəɓəgəltá dzvu, kaʼa mantsa: « Da ɗa, ka va a ka ta diʼiŋaghuta na leghwa ghuya ɗaŋwa na nda iʼi wu katsi, ka nda nza tsi ŋa say ɗa ná, ka maga tsi manda ya kumaŋ ka, » kaʼa.

Mata 6:9

Wya ka kuni da maga duʼa tama: « Da ŋni ta nzakway ta luwa, ka snava sna hga gha nda ghuɓa.

Markus 10:45

Wya tsi, sa a *Zwaŋa mndu kabga ŋa maganata lu ta slna wa, ama ŋa nzaku ka kwalva mnduha, vlaha ta hafa ni ŋa vara ndəghata mnduha guli, » ka Yesu zlghanaftá wa ni ta həŋ.

Lukwa 22:19

Ka kapaftá tsi ta buradi, tahula rfanaghatani ta Lazglafta, ka ɓlanaptá tsi, kaʼa mantsa: « Nana na ná, sluʼuvgha ɗa ya vla lu ŋa ghuni, ka maga kuni manda nana ŋa havay ghuni ta iʼi, » kəʼa ka vlaŋtá tsi ta həŋ.

Lukwa 22:42

« Da! Ka má ta kumay ka, klaghu kla ta na ghuya ɗaŋwa na ta ghəŋa ɗa! Tsaw yaha da nzaku manda ya ta kum iʼi, ka nza tsi manda ya ta kum kagha, » kaʼa. [

Yuhwana 10:11

Iʼi vərɗa mnda ngha tuwak, vərɗa mnda ngha tuwak ná, nda fa vgha ni ŋa tuwakha ni.

Yuhwana 12:31

Ndanana tama, nda maga fitika tsanaghatá guma ta na ghəŋa haɗik na. Ndanana dzaʼa wuɗidiŋta lu ta mghama na ghəŋa haɗik na.

Yuhwana 5:30

Ka *Yesu mantsa: « Haɗ sana skwi dzaʼa magata iʼi gaghəŋ gaghəŋa ɗa wa. Manda ya mniha Lazglafta ta tsa yu ta guma. Nda tva ni ta tsa yu ta guma kabga zba a yu ta skwi ta kum ghəŋa ɗa wu, skwi ta zɗəganatá mndu ta ghunigihata ta zbə yu.

Yuhwana 6:38

Sa a iʼi ta luwa ŋa maga skwi ta kum yu wa. Sasa iʼi ŋa maga skwi ta kum mndu ta ghunigihata.

La Ruma 1:7

Inda kaghuni ta nzakway ma luwa Ruma, ɗvu ɗva Lazglafta ta kaghuni, ka hgaftá tsi ta kaghuni ŋa nzakway ka ŋa ni. Ka nza zɗakatahuɗa Da mu Lazglafta nda Mghama mu Yesu Kristi ta ghəŋa ghuni.

La Ruma 12:2

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 8:27

Lazglafta ná, nda sna tsatsi ta kɗavakta skwi ma ŋuɗufa mndu. Nda sna ta skwi ta kum Sulkum ta ɗaway, kabga manda ya ta kum Lazglafta ta ɗawa Sulkum da tsi ta skwi ŋa gwal ta nzakway ka ŋa ni.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

1Kwa 15:3

Tsa ŋərma skwi tiŋlaghu yu ta taghaghunafta ya, tsaya zlghaf iʼi kazlay: Mtu mta *Kristi ta ghəŋa dmakwa mu kəʼa, manda ya mnə deftera Lazglafta.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Galat 6:14

Iʼi taɗa, ta ghəŋa mtuta mtu Mgham *Yesu Kristi ta udza zləŋay yeya ta ghubə yu ta ghubakwa ɗa. Ma tsa mtuta ni ta udza zləŋay ya, mtuta skwi ta kum sluʼuvgha ma iʼi, ta mtuguduŋta iʼi guli ta skwi ta kum sluʼuvgha.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Afisus 5:16

Inda fitika mutsafta ghuni ta maga skwi ɗina ya ná, gi magawa maga, kabga ndaɗaʼa ghwaɗaka skwiha ta mag mnduha ta na fitik na wa.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Afisus 6:12

Ta vulu nda mnda səla a amu ta vulu wa. Ta vulu nda ghwaɗaka sulkumha nda mghamha taŋ ta ga mgham ta maga ghwaɗaka skwi ta na ghəŋa haɗik na amu, nda ya nda ghwaɗaka sulkumha nda mbra nda mbra ma ghuvaŋata luwa mu guli.

Filip 4:20

Ŋa Da mu Lazglafta glaku ŋa kɗekedzeŋ. *Amin!

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

1Tes 3:11

Má ka ɓhadaŋnaghaɓha Lazglafta tsatsi ka ghəŋa ni ta nzakway ka Da mu, nda Mghama mu Yesu, da kaghuni.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Tim 2:6

ta vlatá ghəŋa ni ŋa varatá inda mnduha demdem. Tsaya skwi ya maga tsi ma fitik ya fa Lazglafta.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 2:5

Mantsa ya ná, duhwalha ni a vlaŋ Lazglafta ta ga mgham ta ghəŋa zamana ta sagha ta mnə mu ya wa.

Hebru 6:5

gwal ya si ta ɗaŋtá zɗakwa gwaɗa Lazglafta, gwal ya si ta mutsaftá mbraku ya ta nzakway ka ŋa zamana ta sagha,

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Yuhwana 2:2

Tsatsi ta mtuta ŋa pla ghəŋ kada plimista Lazglafta ta dmakuha mu. Nza a ŋa pla dmakuha amu nda ghəŋa mu wu, laviŋ lava ta pla dmakwa inda mnduha ta ghəŋa haɗik demdem guli.

1 Yuhwana 3:16

Wya tvi kəl amu ka snaŋtá skwi ta hgə lu ka ɗva mndu: Ɗvu ɗva *Yesu *Kristi ta amu, ka saha tsi vlatá ghəŋa ni ma vla amu. Amu guli ná, vlama vla amu ta ghəŋa mu guli ma vla zwana ma mu.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.

Suna Yuhwana 7:9

Tahula tsa, ka nghaŋtá yu guli ta ŋəɗdəma ŋəɗdəma ta mnduha kul laviŋta lu ta mbəɗafta. Tsa mnduha ya ná, sab ma inda haɗikha, nda ya ma inda mndəra mndu, nda ya ma inda zivira mnduha, nda ya ma inda gwaɗa ta gwaɗ mndu saba həŋ. Ta sladu həŋ ta kəma dughuruk nda ya ta kəma Zwaŋa Tuwak nda suɗatá lguta ŋusliŋ nda ŋatá zlizlam ma dzvu, həŋ.