Galat 1:15 - Hdi

¹⁵ Kulam nda tsa, zbuzba Lazglafta ta iʼi daga ma nzakwa ɗa ma huɗa ma ɗa. Ka zɗəɗiŋtá tsi ta huɗi ka hgaftá iʼi, ŋa ksa slna ni.

Galat 1:15 Mawu Ofanana

Mata 11:26

Manda va tsa nzakwa ni Da, ta rfay yu ta kagha, ma zɗakwa gha nzakwa tsi mantsa.

Lukwa 10:21

Ma va tsa fitik ya ka zɗanaftá Sulkum nda ghuɓa ta ŋuɗuf ta *Yesu, kaʼa mantsa: « Əŋkaʼ a Da, Mgham ta luwa nda ya ta haɗik, ta ghəŋa ɗifanata gha ta tsa skwiha ya da gwal nda ɗifil ma ghəŋa taŋ, nda ya da gwal nda mahizl ma ghəŋa taŋ, ka maranaŋtá ka ta gwal kul snaŋtá skwi. Kahwathwata mantsa nzakwa ni Da, ta rfa kagha yu ta ghəŋa ɗvafta gha mantsa, kaʼa.

Slna gwal ghunay 13:2

Ma sana fitik, ka tskavatá həŋ ka maga duʼa nda sumay. « Hlapwa i Barnabas nda Sawul ya mataba ghuni, ŋa maga slna ya hgaŋ yu ta həŋ, » ka Sulkum nda ghuɓa, nda həŋ.

Slna gwal ghunay 9:15

Ka Mgham Yesu nda tsi mantsa: « La! Iʼi ta zbaptá tsa mndu ya ŋa ghunay ɗa, ŋa mnanaŋtá hga ɗa ta sanlaha ma mnduha, nda ya ŋa mghamha, mantsa ya guli ŋa mnduha la Israʼila.

La Ruma 1:1

Iʼi Pwal ta nzakway ka kwalva *Yesu *Kristi ta vindaftá na ɗelewer na. Lazglafta ta hgaftá iʼi ŋa nzakwa ɗa ka mnda ghunay ni. Tsatsi ta zbaptá iʼi ŋa dzaʼa ɗa mna Lfiɗa Gwaɗa ni ŋa mnduha.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

La Ruma 8:30

Tsa gwal ghadu tsi ta zabuta ya, tsa hahəŋ ya hagaf tsi guli. Tsa gwal hagaf tsi ya guli, hahəŋ nanaf tsi ka gwal tɗukwa ta wa ira ni. Tsa hahəŋ nanaf tsi ka gwal tɗukwa ta wa ira ni ya, tsa hahəŋ ya vlaŋ tsi ta glaku ta həŋ.

La Ruma 9:24

Ama tsa gwal hagaf tsi ya, mataba la *Yahuda yeya a wu, kulam mataba gwal kul nzakway ka la Yahuda tani.

1Kwa 1:1

Iʼi Pwal, hgaf Lazglafta manda ya kumaf tsi ŋa nzakway ka mnda ghunay *Yesu *Kristi. Kawadaga ŋni nda zwaŋama mu Sustene,

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

1Kwa 1:24

Ka gwal hagaf Lazglafta ŋa nzakway ka ŋa ni, dər má la Yahuda tsi, dər má hamata Grek a tsi ta mnay na: Kristi mbrakwa Lazglafta nda ɗifila Lazglafta ya, ka hahəŋ.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

Galat 1:1

Nana ɗelewer na ná, iʼi Pwal ta nzakway ka mnda ghunay ta vindaghunafta. Daga da mnduha a sagha tsa nzakwa ɗa ka mnda ghunay ya wu, sana mndu a guli ta klaɗiktá lwa ni wa. I *Yesu *Kristi nda Lazglafta Da ta sliʼaganaptá Yesu ma mtaku ya, ta ghunaftá iʼi.

Galat 1:6

Ta ndərmim nda ndərmima yu, ka kuni gi mbəɗanatá hul ta Lazglafta ya ta hgaŋtá kaghuni ma zɗakatahuɗa *Yesu *Kristi, ka laghu da sna sana gwaɗa.

Afisus 1:5

Ɗvu ɗva ta amu daga manda ghalya, ka psaptá tsi ta amu ka nimista ka zwana ni nda ma Yesu Kristi. Manda tsaya ɗvuta tsi ma zɗakwa ni.

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Afisus 3:11

Nda kɗa fitika fata Lazglafta daga ta kul magaftá tsi ta ghəŋa haɗik. Ndanana ka magatá tsi nda ma Yesu Kristi Mghama mu.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

1Sam 12:22

Zlavaghunata a Yawe wu, dabga hga ni dagala, kabga kura kura Yawe ta naghunafta ka mnduha ni.