Danyel 9:25 - Hdi

²⁵ Wya skwi ŋa snaŋta gha, ŋa famta gha ma sləməŋ tama: Daga ma saba tsa gwaɗa ta ghəŋa hlagaptá gwal si hlagha lu ya, nda gwaɗa ta bəglaftá luwa Ursalima ya, ha ka sagha fitika zlagapta sana mgham pghanagha lu ta rɗi, dzaʼa nzəɗava nzəɗa lu ka luma ndəfáŋ, nda luma mkuʼ mbsak his mida. Dzaʼa bəglaf ba lu ta tsa luwa ya nda matsaka huzlu ŋa katay, ama dzaʼa mamu ghuya ɗaŋwa ma tsa fitik ya.

Danyel 9:25 Mawu Ofanana

2Sam 15:25

Ka mgham nda Tsaduk mantsa: « Vriŋ vra ta akwata dzratá wa Lazglafta da luwa! Ka zɗəɗiŋ zɗa Yawe ta huɗi, dzaʼa vraɗik vra da hadna, ŋa nghəglaŋta ɗa ta akwata dzratá wi, nda vla nzakwa ni.

Izra 4:24

Mantsa tama, ka zlanatá həŋ ta tsa slna ba həga Lazglafta ma Ursalima ya. Ka sladanatá lu ha ka lagha ta mahisa vakwa Daryaves mghama Persiya ta pala.

Izra 7:1

Tahula luta tsa skwiha ya, ta fitika nzakwa Artahsasta mghama Persiya ta pala, ka sliʼaftá sana mndu ta hgə lu ka Izra. Izra ná, zwaŋa Səraya, Səraya zwaŋa Ghazariya, Ghazariya zwaŋa Hilkiya,

Izra 7:8

Ka ɓhadaghatá Izra kawadaga nda həŋ ma tila mahutaf ta mandəfáŋa vakwa mgham ta pala.

Nəhemiya 3:1

Ka zlrafta Ilyasiv, mali ta ghəŋa gwal dra skwi ŋa Lazglafta nda mnduha ni gwal ta dra skwi ŋa Lazglafta ta maga slna. Ka bəglaftá həŋ kawadaga ta wa tgha Tuwakha. Ka fanamtá həŋ ma dzvu ta Lazglafta, ka pghuŋtá həŋ ta parawalha. Ka payaftá həŋ ta matsak dikw ta dzuguvi nda slra ta hgə lu ka Dərmək ya, ka fanamtá həŋ ma dzvu ta Lazglafta, ka kɗaŋtá həŋ ta fanamtá dikw ta dzuguva Hananiyel da slra ya.

Nəhemiya 4:2

Ka dzraftá həŋ demdem ta wi ka skwa turtuk ŋa sagha zlaguŋta Ursalima nda vulu nda ya ŋa hwazlaɓanafta.

Nəhemiya 4:8

Tahula nghanata ɗa ta nzakwa mnduha, ka yu nda gwal dagala dagala, nda ya nda la maliha, nda ya nda hamata mnduha mantsa: « Ma zləŋ kuni ta ghumaha ghuni! Havakwahava ta Mghama mu dagala ta malaghutá mbraku, kəʼa. Vulawavula ta vulu ka ŋa zwana ma ghuni, nda zwana ghuni, nda kwagha ghuni, nda miʼa ghuni, nda ya ŋa həgaha ghuni, » ka yu.

Nəhemiya 6:15

Ka kɗiŋtá lu ta baftá matsak baɗ hisambsak hutaf mida ma tila Ilul. Gwagwata fitik ta maga tsa slna ya ná, fitik hutaf mbsak his mida həŋ.

Danyel 8:11

Ka lagha tsa duli ya da liŋtá mali mataba gwal vulu ta luwa. Ka hlanatá tsi ta tsa pla ghəŋ ta plə lu inda fitik ŋa Lazglafta ya, ka dmanaftá tsi ta vli ni nda ghuɓa.

Danyel 8:25

Ma tsa viɗakwa ni ya dzaʼa katsafta tsi nanaghatá sanlaha. Ma ndana ni ná, dzaʼa glanaf gla ta ghəŋa ni, ŋa zaɗanata ni ta ndəghata mnduha gwal ta ndanay kazlay na nda katá aŋni kəʼa. Dzaʼa liŋ la ta mgham ta ghəŋa mghamha. Ama dzaʼa zaɗana zaɗa lu ta tsatsi, haɗ dzva mndu dzaʼa ksaŋta wa.

Danyel 9:23

Na tsa fitika zlrafta gha ta taw da Lazglafta ya ná, ka sab gwaɗa da tsi, tsaya kəl yu ka sagha da snaghamta, kabga mamu sgita gha ta wa ira Lazglafta. Guna guna ta sləməŋ wuzlaŋ, ka sna ka ta tsa gwaɗa ta ghəŋa tsa skwi nghaŋ ka manda skwi ma suni ya.

Mata 13:23

Tsa gənək rkaf hulfa tida ya guli ná, tsaya gwal ta snaŋtá gwaɗa Lazglafta ka snatá həŋ, ka magaftá həŋ: Ghərmbəts ghərmbəts sanlaha, salala sanlaha, miɗiɗa sanlaha. »

Mata 24:15

« Tsaya tama, ka nda ngha kuni ta sana “ghwaɗaka manzakɗaway ta vla mbiɗa” manda ya mnə anabi Danyel, fa lu ma vli nda ghuɓa ya, ɗina ka snaŋta mndu ta dzaŋay.

Markus 13:14

« Ma sana fitik dzaʼazlay, dzaʼa nda ngha kuni ta manzakɗaway ta ŋəriŋta skwa Lazglafta dzaʼa nzata ma vli má si kul raku. Ka havapta mndu nda sna ta dzaŋa. Mantsa guli, ka nda ngha gwal hadna ma Zudiya ta tsa skwi ya katsi, ka hwaya həŋ ta ghwá.

Yuhwana 1:41

Tiŋəl ŋa zwaŋama ni Simuŋ sliʼafta tsi ka laghu da mnay. Kaʼa mantsa: « Slaf sla ŋni ta Almasihu, » kaʼa. Tsaya ta nzakway ka « Kristi. »

Yuhwana 4:25

« Nda sna yu kazlay: Dzaʼa sagha sa Almasihu, ta hgə lu ka *Kristi ya, kəʼa. Ka sagha sa tsi, dzaʼa mnaŋna mna ta inda skwi, » ka tsa marakw ya nda tsi.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

Slna gwal ghunay 8:30

Ka ndadaghatá Filip. Ta snə tsi ná, ta dzaŋa deftera anabi Isaya tsa mnda la Itiyupi ya. Kaʼa nda tsi mantsa: « Nda sna ka ta na skwi ta dzaŋ ka na ra? » kaʼa.

Afisus 5:16

Inda fitika mutsafta ghuni ta maga skwi ɗina ya ná, gi magawa maga, kabga ndaɗaʼa ghwaɗaka skwiha ta mag mnduha ta na fitik na wa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.