Danyel 9:21 - Hdi

²¹ Tata maga tsa duʼa ya yu tama, ka ndragaghatá tsa Gabriyel si nghaŋ yu taŋtaŋ manda skwi ma suni ya kay ta vata iʼi, ga hawu ta fitika pla ghəŋ.

Danyel 9:21 Mawu Ofanana

1Mgh 18:29

Hədzikata fitik ma ghəŋ, ka hagəgəltá həŋ ta hga Baghal ka mna wayəm, ha ka lagha ta fitika vla mbəhu ga hawu. Ama snava lwi, dər zlgha wi, dər efʼefa sana skwi wa.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

Sabi 29:39

Slaɓalakwa maŋazak turtuk ga sərɗək, slaɓalakwa maŋazak turtuk ga hawu.

Danyel 10:10

Ka ksihatá sana dzvu, ka fihata ta karamha ɗa nda huɗa dzvuha ɗa.

Danyel 10:16

Ama ka ksaŋtá sana mndu ta gara vgha nda mnda səla ta wubisima ɗa. Ka gunglatá yu ta wi, ka gwaɗ yu ta gwaɗa. Ka yu nda tsa mndu ta sladu ta vata iʼi ya mantsa: « Rvera ɗa, ta ghudzaku yu katakata, dabga na suni na ná, ta haɗ mbraku ma iʼi wa.

Danyel 10:18

Ka ksəglihatá tsa mndu ya kay guli, ka vlihatá tsi ta mbraku.

Danyel 8:16

Ka snaŋtá yu ta lwa sana mndu ta gwaɗagapta ma takataka zala Ulay. Ka gugɗatá tsi. Kaʼa mantsa: « Gabriyel, mnana mna ta Danyel ta klatá ghəŋa tsa skwi ta nghə tsi ya, » kaʼa.

Danyel 8:18

Mantsa tama, ma tsa fitik ta gwaɗ Gabriyel ta gwaɗa nda iʼi ya, zlumbruhwa yu ghərmbəzla ta haɗik, ka ksihatá tsi ka sliʼiɗifta.

Mata 27:46

Lagha vli ta nzemndi hkən tama, ka wahatá *Yesu nda lwi dagala. « Eluwa! Eluwa! Lama sabaktani, » manda mnay kazlay: « Da ɗa! Da ɗa! kabgawu kəl ka ka zliɗivata na? » kəʼa ya.

Lukwa 1:19

Ka tsa duhwala Lazglafta ya zlghanaftá wi mantsa: « Iʼi Gabriyel ya, ta sladu ta kəma Lazglafta ŋa maganatá slna. Tsatsi ta ghunigihata ŋa gwaɗgaghata, ka mnaghatá tsa Lfiɗa Gwaɗa ya.

Lukwa 1:26

Ta mamkuʼ a tila ni, ka ghunaftá Lazglafta ta duhwala ni Gabriyel da sana luwa ta hgu lu ka Nazaret ma haɗika Galili,

Slna gwal ghunay 10:3

Ma sana fitik ta nzemndi hkən tama, ka slanaghatá sana mazəmzəm. Ka nghaŋtá tsi ta duhwala Lazglafta ta lam da həga ga taŋ ka hgaŋta. « Kwarney! » kaʼa nda tsi.

Slna gwal ghunay 10:9

Ga mahtsima ni ta lab tsa mnduha ya ta tvi, ndusa həŋ ka lam da tsa luwa Yafa ya, ka laf *Piyer ta dədəmatá ghəŋa həga da maga duʼa. Taghwaŋ a fitik ma ghəŋ nda tsaya wa.

Slna gwal ghunay 12:7

Gi ka zlagaptá duhwala Lazglafta ka tsuwaɗakanaftá vli ma tsa dzuguvi ya. Ka nduhuɗaŋtá tsi ta Piyer ma ŋwazliɓ. « Sliʼaf sliʼa misimmisim, » kaʼa nda tsi. Gi stak saha tsa tsuhwalha ya tsa ta dzva ni.

Slna gwal ghunay 3:1

Ma sana fitik, ka sliʼaftá i *Piyer nda Yuhwana ka dzaʼa da həga Lazglafta da maga duʼa ta nzemndi hkən ta fitik hawu.

Hebru 1:14

*Duhwalha Lazglafta ná, sulkumha ta maganatá slna ta Lazglafta, ta ghwanu lu ta həŋ ŋa kataŋtá gwal ta nzakway ŋa mutsa mbaku ya.

Hebru 1:7

Ama wya kaʼa mnata ta ghəŋa duhwala ni: « Gwal ksihatá slna hahəŋ, ŋa nanaftá həŋ manda falak, ŋa nzakwa taŋ manda ghanika vu, » kaʼa.

Suna Yuhwana 9:17

Mantsa ya mariɗiŋta lu. Ka nghaŋtá yu ta plisha nda mnduha tida, nda suɗatá lguta kfur manda vu ta vgha taŋ. Ka kubwalkubwal manda pala ta hgə lu ka Saffir nzakwa ni. Ka ghuvazwaŋ ghuvazwaŋ ghandand kay guli. Ghəŋa tsa plis ya ná, Manda tsatá ghəŋa rveri nzakwa ni. Skwi ta sabi ma wa taŋ ná, vu, nda ɗiŋ, nda ghandandatá vu ya.