Danyel 9:15 - Hdi

¹⁵ Ndanana Mgham Lazglafta ŋni, kagha ta hlagapta nda dzva gha ta mbruta, ta mnduha gha ma haɗika Masar, ka kulaŋta lu ta hga gha ha gita, gagha ga ŋni ta dmaku, gavagha ga ŋni ta sidi.

Danyel 9:15 Mawu Ofanana

1Mgh 8:51

kabga mnduha gha həŋ, skwa za həga gha həŋ, gwal hlagap ka ta həŋ ma Masar ma duda vwa nwaptá kfur!

2Mgh 21:15

kabga maga maga həŋ ta ghwaɗaka skwi ta wa ira ɗa, zlana a həŋ ta gaɗifta ɓasa ŋuɗuf daga ka yawu saba dzidzíha taŋ ma Masar ha gita wu,” » kaʼa.

2Rus 6:37

ka vraganagha vra həŋ ta ghəŋa taŋ ma tsa haɗik dzaʼa hlaghata lu ta həŋ da ga vuʼa ya, ka vrak vra həŋ da kagha, ka taw həŋ ta taw da kagha ma tsa haɗika gwal ta hlaghatá həŋ ya, ka ka həŋ mantsa: “Gaga ŋni ta dmaku, gaga ŋni ta krughuvi, maga maga ŋni ta ghwaɗaka skwi,” ka həŋ,

Nəhemiya 1:10

Kwalvaha gha həŋ, mnduha gha həŋ, varagagha ka nda mbrakwa gha dagala nda ya nda mbrakwa dzva gha.

Nəhemiya 1:6

Wya dzvu, fa fa ta sləməŋ, guna guna ta ira gha, ŋa sna duʼa kwalva gha ta mag yu ta kəma gha ndanana, nda fitik tani nda rviɗik tani, ŋa kwalvaha gha la Israʼila, nda mnigiŋtá dmaku la Israʼila, ya maga gha ŋni. Nda iʼi tani, nda gwal ga da ɗa tani, gaga ŋni ta dmaku.

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Sabi 13:14

Ka ɗawaghuna ɗawa zwana ghuni ta kəma dazlay, kabgawu ta kəl kuni ka magay na ka həŋ ya, ka kuni dzaʼazlay nda həŋ na: “Nda mbrakwa dzva ni hlagamapta Yawe ma ga vuʼa ma Masar.

Sabi 13:16

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni, ŋa havamakta kazlay na Yawe ta hlagamapta nda mbrakwa dzva ni ma Masar, » kaʼa.

Sabi 13:3

Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 13:9

Dzaʼa nzakway ka ŋizla ta dzva ghuni, ka skwa havu ta bizlbizla kuma ghuni ŋa nzakwa zlaha Yawe ma wa ghuni. Tsatsi ta hlagaghunapta ma Masar nda mbrakwa dzva ni.

Sabi 14:18

Ma maranata ɗa ta glakwa ɗa ta Firʼawna, nda mwata plisha ni, nda sludziha ni ta plis tani ya, dzaʼa snaŋ sna la Masar kazlay iʼi ná, Yawe yu kəʼa, » kaʼa.

Sabi 32:11

Ka zbə Musa ta lɓanatá ŋuɗuf ta Yawe, Lazglafta ni, kaʼa mantsa: « Ari Yawe! kagha ta hlagaptá həŋ ma haɗika Masar nda glakwa mbrakwa dzva gha ta fərtuta. Ndanana ná, nda gufa ŋuɗufa gha ta ghəŋa mnduha gha, kabgawu na?

Sabi 6:1

Ka Yawe nda Musa mantsa: « Dzaʼa nda ngha ka ta skwi dzaʼa maganata yu ta Firʼawna ndana tama. Nda mbrakwa dzva ɗa dzaʼa mblafta yu ŋa zliŋta ni ta la Israʼila, ŋa ghəzliŋta ni ta həŋ ta haɗika ni, » kaʼa.

Sabi 6:6

Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

Lukwa 15:21

“Ari Da! magana maga yu ta dmaku ta Lazglafta, maga gha maga yu ta dmaku ta kagha guli, rgla a yu ka hgəgəlta ka zwaŋa gha wu,” ka tsa zwaŋ ya nda tsi.

Lukwa 18:13

Na tsa mnda tska dzumna ya kay ka nzagaghata kətsaʼu, walaŋ a ta kapaŋtá ghəŋ nda ta luwa wa. Mbaɗa kəʼa ka wuslikay dzvu, ka dza ghuva. Kaʼa mantsa: “Ari Lazglafta, tawa ta hiɗahiɗa ta iʼi ta nzakway ka mnda dmaku na,” kaʼa.

2Kwa 1:10

Tsatsi ta klaptá aŋni ma mndərga tsa ghwaɗaka mtaku ya. Tsatsi dzaʼa klaŋnapta mida guli. Ta tsatsi fatá ghəŋa ŋni ŋa klaptá aŋni dazlay guli.

Vrafta ta zlahu 5:15

Havap hava ka si ta nzakwa gha ka vuʼa ta haɗika Masar, ka klagaghaptá Yawe, Lazglafta gha nda glakwa mbrakwa ni, nda ya nda tɗatá dzva ni. Tsaya kəl Yawe, Lazglafta gha ka mnaghafta ka ŋanata ka ta fitika Sabat kəʼa.