Danyel 3:28 - Hdi

²⁸ Ka Nevuhadnetsar mantsa: « Zləzləvama zləzləva ta Lazglafta i Sadrak, nda Mesak, nda Ghaveɗnegu! Ta Lazglafta taŋ fafta na kwalvaha na ta ghəŋa taŋ, ka kwalaghutá həŋ ta snatá gwaɗa ɗa. “Dər vlata ŋni ta vgha ŋni ŋa dzaʼa da vu, ka ya dzaʼa ŋni mista sana lazglafta, ka tsəlɓu ŋa ni, ka zlanatá Lazglafta ŋni,” ka həŋ. Ka ghunagatá tsa Lazglafta ya ta duhwala ni ŋa mbanaftá kwalvaha ni.

Danyel 3:28 Mawu Ofanana

Zlrafta 9:26

Kaʼa guli mantsa: « Glaku ná, ŋa Yawe, Lazglafta Sem, ka nza Kanʼana ka vuʼa Sem.

1Rus 5:20

Ka kataŋtá Lazglafta ta həŋ, ka zatá həŋ ta ghwa ta ghəŋa la Hagar, nda inda gwal mista taŋ, kabga ma tsa fitika vulu ya, ka tawata həŋ ta taw da Lazglafta, ka tsuʼanaftá tsi ta həŋ, kabga faf fa həŋ ta ghəŋ tida.

2Rus 20:20

Wrək tgha ga mahtsima ni, ka tsavaftá həŋ ka laghwi ta mtaka Tekuwa. Ta lab həŋ, ka sladatá Yəhusafat, kaʼa mantsa: « Fihawa fa ta sləməŋ la Yuda nda la Ursalima! Fafwa fa ta ghəŋ ta Yawe, Lazglafta ghuni, dzaʼa ŋay kuni. Fafwa fa ta ghəŋ ta anabiha ni, dzaʼa zay kuni ta ghwa! » kaʼa.

2Rus 32:21

Mantsa tama, ka ghunagatá Yawe ta duhwala ni. Ka zaɗanatá tsi ta inda gwal viɗviɗ ma vulu ma ghuɓa mghama la Asur, gwal dagaladagala, nda maliha ta ghəŋa gwal vula taŋ. Tahula tsa, ka vraghutá mgham ta haɗika ni nda hbatá hula ta ghəŋ. Ka lam tsi da həga lazglafta ni, ka dzatá vərɗa zwana ni nda kafay.

Izra 1:3

Dər wa tsi mataba ghuni ta nzakway ka mnda ni, ka nza Lazglafta ni kawadaga nda tsi, ka ŋla tsi da Ursalima ta haɗika Yahuda da ba həga Yawe, Lazglafta Israʼila. Tsatsi Lazglafta ma Ursalima.

Izra 6:11

Wya skwi ta mnaghunata yu ta ghəŋa kwal kul snatá skwi ya mna yu: Ka kwalaghu kwala mndu ta snatá na skwi ta mnata yu ná, tsəhatá dzaʼuwa ta həga ga taŋ, ka dalamta ma haɗik, ka dzugwuŋtá tsa mndu ya tawa ni. Ka nanaftá həga ni ka vla tska ŋəɗak, kabga kwalaghuta ni ta snata.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 3:25

Ka mgham mantsa: « Aʼ, fwaɗ mnduha ta nghə yu ta wawaku kul habaku ma həga vu! Haɗ sana skwi ta balatá həŋ wa. Manda tsatá sani ma lazglaftaha, ka yu ta ngha tsa mafwaɗa taŋ ya, » kaʼa.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 6:16

Ama ka gi lagha tsa mnduha ya tskavata tizlik ta vata mgham. Ka həŋ nda mgham mantsa: « Rvera ɗa, nda sna ka ná, ka zlaha la Mediya nda la Persiya ná, haɗ mndu dzaʼa laviŋtá mbəɗanafta skwi pyaf lu, ka zlahu a tsi fa lu thaf mgham ta dzvu tida wu, » ka həŋ.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Slna gwal ghunay 4:19

Ama ka i Piyer nda Yuhwana mantsa: « Mal sna ŋa ghuni ka zlaŋta ŋa Lazglafta skwi ta raku re, ari mal sna ŋa Lazglafta a na? Tsawa tsa kaghuni ka ghəŋa ghuni ta guma ni.

Slna gwal ghunay 5:19

Girviɗik, ka gwaniŋtá duhwala Mgham Lazglafta ta wa tgha tsa gamak ya ka hligiŋtá gwal ghunay mida.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

1Kwa 13:3

Dər má hlafha yu ta inda skwa ɗa ka daganaftá gwal ka pɗu, dər má vlaha yu ta ghəŋa ɗa ŋa pla ghəŋ, ka haɗ yu ta ɗvutá mndu wu katsi, haɗ sana skwi dzaʼa kataɗifta tsaya wa.

Filip 1:20

Skwi ya ma ŋuɗufa ɗa faf iʼi ta ghəŋa ɗa tida ná, haɗ yu dzaʼa walaŋta magatá skwi dzaʼa pghiɗaghatá hula wa. Má vlihata skwi ta mbrakwa suʼay yeya katsi. Skwi kumaf maya ɗa ndanana, dər má yawu tsi, ka dər ta ndiri yu, ka dər mtaku a ta slaɗighata, ka zləzlva mnduha ta Yesu Kristi nda ma nzakwa ɗa, ŋa ɗa.

Hebru 1:14

*Duhwalha Lazglafta ná, sulkumha ta maganatá slna ta Lazglafta, ta ghwanu lu ta həŋ ŋa kataŋtá gwal ta nzakway ŋa mutsa mbaku ya.

Hebru 11:37

Nda pala zlazlərtsata lu ta sanlaha ka pslatá həŋ, ɗatsanap nda ɗatsa lu ta sanlaha, tsasla nda kafay lu ta sanlaha, ka pslatá həŋ. Hwayapta ka ra vli ŋa sanlaha, ka nutá həŋ ka pɗu ka kla huta ta tuwak nda ŋa gu ta vgha. Ka ghuyanaptá lu ta ɗaŋwa, ka ganaptá lu ta iri ta həŋ.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

Suna Yuhwana 12:11

Ŋrap ŋra həŋ, kabga vəl varata Zwaŋa Tuwak ta həŋ nda usa ni, nda ya kabga vəl mnay taŋ kazlay: Kahwathwata gwaɗa Lazglafta kəʼa. Zləŋaŋə a həŋ ta mtaku ka laghu da ɗvutá hafa taŋ wa.