Danyel 2:9 - Hdi

⁹ Ama ka mniɗiŋ a kuni ta tsa suna ɗa ya wu katsi, ta tva turtuk dzaʼa tsaghunaghata yu ta guma ta inda kaghuni. Nza nda nza kuni ka dzrafta tsakalawi ŋa sagha ta kəma ɗa ŋa mnihata ŋa nana iʼi, ka kəzlay ka gagayakwa tsa fitik ya kəʼa. Ŋa iʼi ná, mniɗiŋwa mna ta tsa suna ɗa ya ndanana. Ka mniɗiŋ mna kuni katsi, dzaʼa nda sna yu kazlay na, dzaʼa laviŋ lava kuni ta mniɗiŋta klatá ghəŋa ni guli kəʼa, » kaʼa.

Danyel 2:9 Mawu Ofanana

1Mgh 22:22

Kaʼa zlghanaftá wi mantsa: “Ta dzaʼa yu, dzaʼa nzakway yu ka sulkuma tsakalawi ma wa inda anabiha ni,” kaʼa. Ka Yawe nda tsi mantsa: “Kahwathwata ná, dzaʼa gataf gata ka, dzaʼa katsay ka. La ka magata ka manda tsaya!” » kaʼa.

1Mgh 22:6

Ka tskanatá mghama la Israʼila ta anabiha ta maga fwaɗ dərmək (400), kaʼa nda həŋ mantsa: « Dzaʼa laviŋ lava yu ta dzaʼa da vulu ma Ramut ma Gilghat re, ari ka kwalaghuta yu a na? » kaʼa. Ka həŋ mantsa: « Laf la gha! Dzaʼa vla vla Yawe ma dzva mgham, » ka həŋ.

Asta 4:11

« Sliʼafta ni ta kwalvaha mgham, nduk nda mnduha ma inda haɗikha ta gə tsi ta mgham ta ghəŋa taŋ, nda sana həŋ ta tsa zlahu ya. Inda mndu, nda zgun tani, nda marakw tani, ta lami da daɓa həga mgham kul hgaŋtá mgham ná, dzatá tsa mndu ya. Ala, ka fədanap fa mgham ta dafa dasa ni ta tsa mndu ya katsi, tsaya dzaʼa kəl tsi ka nzata nda hafu. Ama, ta magay na ta tili, ta hgaŋ a mgham ta iʼi ŋa lagha ta vata ni wu, » kaʼa.

Danyel 2:16

Gi ka sliʼaftá Danyel ka laghu slanaghatá mgham, ka ndəɓanatá dzvu ŋa zlanaŋtá fitik kwitikw, ŋa mnanata ni ta klatá ghəŋa tsa suna ni ya.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 2:8

Ka mgham zlghaftá wa ni mantsa: « Nda sna yu ɗina ta ndana ghuni, ta kumay kuni ta gagaya fitik, kabga nda sna kuni kura kura yu kahwathwata, mnaghuna mna yu.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Danyel 5:28

PARSIŊ ya guli ná, dgavap dga ga mghama gha, ka vlaŋtá lu ta la Mediya nda la Persiya, » kaʼa.

Danyel 7:25

Dzaʼa brufay ni ta ŋasli ta Lazglafta Dagala, ŋa ghuyay ni ta ɗaŋwa ŋa mnduha nda ghuɓa ka ŋa Lazglafta. Dzaʼa zbay ta tva mbəɗanaftá fitika skaluha rfu, nda zlahuha mnduha Lazglafta, ŋa gay ni ta mgham ta ghəŋa taŋ ka vaku hkən nda maŋəzlawats.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.