Danyel 12:1 - Hdi

¹ « Ma tsa fitik ya, dzaʼa zlagapta Mikaʼel mali dagala ta katá mnduha gha. Dzaʼa nzakway tsa fitik ya ka mghama fitika sa duni. Daga ka yawu nzakwa mndəra mndu ha ka lagha ta tsa fitik ya, haɗ skwi ta kəɗ maguta manda tsaya wa. Ama ma tsa fitik ya dzaʼa ndapta mnduha gha nda vinda hga taŋ ma ɗelewer.

Danyel 12:1 Mawu Ofanana

Danyel 10:13

Ama ka haɗiftá mali ta ghəŋa ga mghama Persiya ta tvi ka fitik hisambsak ndeŋ mida. Ka sagha Mikaʼel tekw mataba maliha duhwalha Lazglafta da katihata, kabga ŋaghu ŋa lu ta iʼi ta vata mghamha Persiya.

Danyel 10:21

Ama dzaʼa mna gha mna yu ta skwi ya nda vinda ma deftera kahwathwata. Haɗ mndu ŋa katihata ŋa lma tsa lmu ya nda tsa ghumaha ya wu, ba Mikaʼel mala ghuni yeya.

Danyel 11:45

Dzaʼa dzagwa dzagwa ta həga tumpulha mamgham mghama ni, ma takataka drəf nda ghwá nda ghuɓa ma haɗik ya ta ɗinuta. Ama hada dzaʼa kɗuta hafa ni kul haɗ mndu dzaʼa kataŋta. »

Danyel 7:10

Ka mbəzagaptá zala vu, ka sabi ta kəma ni. Mleŋwi mleŋwi mnduha ta ksanatá slna, mleŋwi mleŋwi dəmbuʼ ghwaŋ mnduha ta sladu ta kəma ni. Ka tskavatá gwal tsa guma, ka gwananaftá lu ta sanlaha ɗelewerha.

Danyel 9:12

Hɗam hɗa ka ta gwaɗa gha ya mnaŋna ka, nda ya ta ghəŋa maliha ŋni ta pgha aŋni. Ka ghunaŋnaktá ka ta zləmnda katakata ta ghəŋa aŋni ma Ursalima. Haɗ mndu ta kəɗ nghaŋtá mndərga zləmnda manda tsaya ma inda vli ta ghəŋa haɗik wa.

Mata 24:21

kabga dagala ghuya ɗaŋwa dzaʼa slaku ma tsa fitik ya. Ta walaŋ a mndərga ghuya ɗaŋwa manda tsaya ta slata ka yawu fata ghəŋa haɗik wa. Haɗ mndəra tsaya dzaʼa sləglata guli wa.

Markus 13:19

Ka yawu tsatá ghəŋa haɗik ka sagha ta gita, ta sla a mndərga tsa ghuya ɗaŋwa dzaʼa slata ma tsa fitik ya wu, sləglata a va ni guli wa.

Lukwa 10:20

Kulam nda tsa, ma rfu kuni ta rfu kabga snaghunata ghwaɗaka sulkumha ta gwaɗa, rfawa ta rfu ta ghəŋa vindatá hga ghuni ta luwa, » kaʼa nda həŋ.

La Ruma 11:15

Ma tsa wuɗiŋta Lazglafta ta həŋ ya, slərɓapta Lazglafta ta zughu mataba ni nda hamata mnduha ta ghəŋa haɗik. Ka si mantsa ya tsi, kinawu kəʼa dzaʼa magaku baɗu tsuʼuglafta Lazglafta ta həŋ? Sab ma mtaku ka nzata nda hafu a tsa ra?

La Ruma 11:26

Manda va tsaya ná, dzaʼa mbanaf mba lu ta inda la Israʼila. Manda ya nda vinda na: « Dzaʼa sagha sa mnda mba mndu daga ma Tsiyuŋ, ŋa hliŋtani ta kwal kul sna gwaɗa ma ŋuɗufa mndəra la Yakubu.

Afisus 1:21

Hada ta ga Kristi ta mgham ta ghəŋa inda sulkumha dagala dagala, kabga malaghu mala ta mbrakwa taŋ. Malaghu mala mbrakwa ni ta inda mbraku ya vlaŋ lu ta mndu ŋa ga mgham. Ta ghəŋa gwal vlaŋ lu ta ga mgham ndanana yeya a wu, nda gwal dzaʼa gay ta kəma tani.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

Yuda 1:9

Dər *Misel mali mataba duhwalha Lazglafta má, walaŋ a ta razanaftá halaway baɗu zlərɗay taŋ ta wi ta ghəŋa mbla Musa wa. Skwi mnana tsi kweŋkweŋ ná, « Ka dvagha dva Lazglafta, » kaʼa,

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 12:7

Ka lmanafta lu ta lmu ta luwa. Ka lmanaftá i Misel nda duhwalha ni ta lmu nda makɗakatandaŋ. Ka lmu i makɗakatandaŋ nda duhwalha ni tani.

Suna Yuhwana 13:8

ŋa tsəlɓay inda mnduha ta ghəŋa haɗik ta tsəlɓu ŋa ni, Tsa gwal kul vindaku hga taŋ ma defteri hafu daga zlrafta ghəŋa haɗik da Zwaŋa. Tuwak ya si dza lu ya dzaʼa tsəlɓa tsa tsəlɓu ya.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.

Suna Yuhwana 20:12

Ka gi nghaŋtá yu ta gwal ta rwuta, galata mnduha nda zwani tani ta nzaku ta kəma tsa dughuruk ya. Ka gwananaftá lu ta defteriha. Ka gunanaftá lu ta sana defteri ta nzakway ka deftera hafu. Ka tsanaghata lu ta guma ta gwal ta rwuta taɓta slnaha taŋ ta magata həŋ manda va ya nda vinda ma tsa defteriha ya.

Suna Yuhwana 20:15

Ka slanagha a lu ta vindatá ta hga dər wati ma mndu ma tsa deftera hafu ya wu katsi, dzaʼa klaf kla lu ta tsa mndu ya ka vzaghata da duda vu.

Suna Yuhwana 3:5

« Mantsa ya dzaʼa suɗanavata lu ta lguta ŋusliŋ ta mndu dzaʼa zata ghwa. Haɗ yu dzaʼa walaŋta hərɗiŋta hga ni ma deftera ya vindam lu ta hga gwal nda hafu ŋa kɗekedzeŋ wa. Dzaʼa mnaŋ mna yu ta hga ni ta kəma Da ɗa, nda ya ta kəma duhwalha ni kazlay: Ŋa ɗa həŋ kəʼa.

Suna Yuhwana 7:14

« Kagha yeya nda sna Mghama ɗa, » ka yu nda tsi. Kaʼa nda iʼi mantsa: « Hahəŋ ná, gwal ta sabi ma giri ganap lu ta həŋ katakata ya həŋ. Ka ghwaɓaptá həŋ ta lguta taŋ, ka ɓaɓaptá həŋ ma usa Zwaŋa Tuwak.