Danyel 11:36 - Hdi

³⁶ Dzaʼa magay mgham ta skwi manda ya kumaŋ tsi. Dzaʼa fərtu fərta ghərɓakwa ni. Mal iʼi ka inda lazglaftaha kəʼa ta gray. Dzaʼa mnay ni ta skwi ya kul raku ka mnay ta Lazglafta ta hemanata lazglaftaha. Dzaʼa zay ta ghwa ha ka sagha maravata fitika gufata ŋuɗufa Lazglafta. Mantsa tama, ŋa magay Lazglafta ta skwi manda ya kura tsi ta magay.

Danyel 11:36 Mawu Ofanana

Danyel 11:16

Tsa mgham nda ga mazlay ya, ta gavadaghatá tsi, skwi ya kumaŋ tsi dzaʼa tsi magay, haɗ mndu dzaʼa ŋaŋta da tsi guli wa. Dzaʼa nza nza ta haɗik ya ta ɗinuta. Ma dzva ni mbrakwa zaɗanatá inda skwi.

Danyel 11:3

Dzaʼa sab sa sana mgham nda sna ta vulu. Dzaʼa mutsay ta glaku katakata, dzaʼa magay ta skwi ya kumaŋ tsi.

Danyel 11:37

Haɗ dzaʼa vlaŋtá glaku ta lazglaftaha dzidzíha ni, dər ya ta zɗəganatá miʼaha wa. Nziya nza tsi ná, mal iʼi ka inda lazglaftaha kəʼa ta gray. Haɗ dzaʼa vlaŋtá glaku ta ya dər turtuk wa.

Danyel 12:7

Ka kapaftá tsa mndu ta suɗavatá lguta liŋ ta sladu nda ta ghəŋa zala ya ta dzvuha ni nda ta luwa, ka snaŋta yu ta mnata ni: « Ta waɗa waɗa yu nda hga Lazglafta ta nzakw ŋa kɗekedzeŋ. Tsa skwiha dzaʼa magaku ya ná, dzaʼa nzəɗava nzəɗa ka vaku hkən nda maŋəzlawats. Inda tsa skwiha ya ná, baɗ kɗatá mbrakwa mnduha nda ghuɓa ɗekɗek, dzaʼa hɗamta həŋ, » kaʼa.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 5:19

Dabga tsa glaku vlaŋ Lazglafta ya, si ta ghudzaku inda mnduha, mndəra mnduha ta gwaɗa kavghakavgha ta sagha ta haɗikha da zləŋ ta kəma ni. Ta dza dza ta mndu ya kumaŋ tsi ta dzata, ta zlana zla ta mndu ya kumaŋ tsi ta zlanata nda hafu. Ta ŋlanaf ŋla ta mndu ya kumaŋ tsi ta ŋlanafta, ta vragana vra ta mndu ya kumaŋ tsi ta vraganata guli.

Danyel 5:20

Ama ka nutá tsi ka mndu ta gla ghəŋ. Ka təŋanaftá tsa gla ghəŋa ni ya ta ŋuɗufa ni, ka sliŋwigiŋtá lu ta dughurukwa ga mghama ni, ka kliŋtá sgita ni.

Danyel 7:8

Ka nzatá yu ka ngha tsa duliha ya, gi ka zlagaptá sana duli ka lfiɗ, kiʼa nzakwa ni ta ɗyagapta ma takataka tsa sanlaha ya. Ka zlaɗiŋtá lu ta tsa duliha hkən taŋtaŋ ya ŋa ɗyagafta tsa kiʼa ya. Mamu iriha tsa duli ya manda ŋa mnda səla. Mamu wubisima ni ta mna gwaɗa gla ghəŋ dzeʼdzeʼ. »

Danyel 8:19

Tahula tsa, kaʼa nda iʼi mantsa: « Dzaʼa mna gha mna yu ta skwi dzaʼa magaku ma kɗavakta fitik gufatá ŋuɗufa Lazglafta, kabga mamu fitik tsaf lu ŋa kɗavakta ni.

Danyel 8:4

Ka nghə yu ta tsa maŋazak ya ta guya duli nda ta tva dɗakwa fitik, nda ya nda ga mazlay, nda ya nda ga maghura. Haɗ sana nimtak ta laviŋtá ŋaŋta da tsi wa. Haɗ mndu ta laviŋtá zluʼagapta da tsi guli wa. Ka mag tsi ta skwi manda ya ta kum tsi, ka sgaku mbrakwa ni.

Yuhwana 5:30

Ka *Yesu mantsa: « Haɗ sana skwi dzaʼa magata iʼi gaghəŋ gaghəŋa ɗa wa. Manda ya mniha Lazglafta ta tsa yu ta guma. Nda tva ni ta tsa yu ta guma kabga zba a yu ta skwi ta kum ghəŋa ɗa wu, skwi ta zɗəganatá mndu ta ghunigihata ta zbə yu.

Yuhwana 6:38

Sa a iʼi ta luwa ŋa maga skwi ta kum yu wa. Sasa iʼi ŋa maga skwi ta kum mndu ta ghunigihata.

Slna gwal ghunay 4:28

Skwi ya kumaŋ ka, ghada ka ta fata nda mbrakwa gha maga həŋ.

Vrafta ta zlahu 10:17

Yawe, Lazglafta ghuni ná, tsatsi Lazglafta ta ghəŋa lazglaftaha, mgham ta ghəŋa mghamha. Tsatsi Lazglafta dagala, ta mbruta ta zləŋ lu nda zləŋa. Haɗ ta gala mndu nda gala wu, haɗ ta tsuʼa sməɗ wa.

2Tes 2:3

Yaha yaha mndu da nanaftá kaghuni dər nda wati ma tsakalawi. Gi ɓaŋalaŋ a dzaʼa sagha tsa fitik ya wa. Makəɗ tsaya ná, nda ndəgha gwal dzaʼa gaftá sidi nda Lazglafta, ŋa saba tsa ghwaɗaka mndu ya dəɗay ta daɓi. Tsatsi mndu ta nzakway ka ghuma.

2Tes 2:4

Dzaʼa sliʼavaf sliʼa ta ghəŋa inda skwi nda ghuɓa, nda ya ta ghəŋa inda skwi ta tsəlɓu lu ta tsəlɓu ta kəma ni. Ŋa nzamtani ma həga Lazglafta, ŋa mnay ni kazlay: Iʼi Lazglafta kəʼa.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

Yəhusuwa 22:22

« Yawe, Lazglafta ta ghəŋa inda lazglaftaha, Yawe, Lazglafta ta ghəŋa inda lazglaftaha, nda sna tsatsi guli ka kabgawu kəl ŋni ka magata mantsa. Dzaʼa nda sna inda la Israʼila guli. Pgha ghəŋ mag ŋni nda Yawe ra? Krughuvi dagala gana ŋni ra? Ka mantsa tsi, ma zlaŋna tsi nda hafu gita.

Suna Yuhwana 10:7

ama baɗu da vyata tsa mandəfáŋa duhwala Lazglafta ya ta ŋa ni ma duli, baɗu tsaya dzaʼa hɗamta Lazglafta ta ɗifatá skwi ya si mnana tsi ta gwal ksanatá slna, ta nzakway ka la anabi ya, » kaʼa.

Suna Yuhwana 12:14

Ka vlaŋtá lu ta zlambakha his manda ŋa dzala ta tsa marakw ya, ŋa ndraghata ni da mtak da vli ya payanaf Lazglafta, ŋa kwala nahaɗik ɓhanavata. Hada dzaʼa zunusta lu ta skwa zay ka vaku hkən, fwaɗ ka maŋəzlawats.

Suna Yuhwana 13:1

Tahula tsa, ka nghaŋtá yu ta sana nimtak ta sabi ma drəf. Ndəfáŋ ghəŋ tida, ghwaŋ dula ni, nda wawa ta zewzewa tida. Ta tsa ghəŋhani ya mamu vindatá hgə ŋa raza Lazglafta.

Suna Yuhwana 17:17

Mantsa ya ná, Lazglafta ta fanamta həŋ ma ndana taŋ ŋa magata taŋ ta skwi ya ta kum tsi. Ka sagha ndana taŋ ka skwa turtuk, ka vlaŋtá həŋ ta ga mghama taŋ ta tsa nimtak ya ha ka sagha fitika dzatá ghəŋa gwaɗa Lazglafta.

Suna Yuhwana 17:3

Ka lam Sulkum da iʼi, ka klaghatá duhwala Lazglafta ta iʼi da mtak. Ka nghaŋtá yu ta sana marakw ta nzafta ta nimtak ka dva ghəlez hada. Rakwatsak, vivindatá ta hga rarazatá Lazglafta ta tsa nimtak ya, ndəfáŋ ghəŋa ni, ghwaŋ duliha ni.