Asta 9:1 - Hdi

¹ Ka sagha fitik baɗ maghwaŋpəɗ hkən ma tila maghwaŋpəɗ his, tila Adar ya. Baɗ tsa fitik ya má dzaʼa ksa lu ta slna nda gwaɗa mgham ta mnata. Baɗ tsa fitik ya guli ta ndana ghumaha la Yahuda ta zatá ghwa ta ghəŋa taŋ. Ama tskəm kəʼa mbəɗavafta, ka zatá tsa la Yahuda ya ta ghwa ta ghəŋa ghumaha taŋ.

Asta 9:1 Mawu Ofanana

2Sam 22:41

Ta mbəɗana mbəɗa ka ta ghumaha ɗa, ka hwayafta taŋ ta kəma ɗa. Ta zaɗana zaɗa yu ta ghumaha ɗa.

Asta 3:13

Ka ghwanaftá həŋ nda hwaya nda hwaya ta mnduha hlaghatá tsa ɗelewerha ya da inda haɗikha mgham. Ma tsa ɗelewerha ya ná, vla vla mgham ta tvi, ŋa hərɗiŋta, ŋa pslata, nda ya ŋa zaɗanatá inda la Yahuda, daga ta galaɓayha ha ka lagha ta halata mnduha, nda zwani tani, nda miʼaha tani ta fitika turtuk. Tsaya fitik baɗ maghwaŋpəɗ hkən ma tila maghwaŋpəɗ his, tila Adar. Baɗ tsa fitik ya dzaʼa zləɗata lu ta inda skwiha taŋ guli.

Asta 3:7

Ma taŋtaŋa tili, tsaya tila Nisaŋ, ta maghwaŋpəɗ hisa vakwa mgham Ahasverus ta pala, ka vzə lu ta vindima ta hgə lu ka Pur ta kəma Haman. Ta kumay ta snaŋta ka ma wati fitik, nda ya ka ma wati tili rakwa magata ni ta tsa slna ni ya. Ka dɗaftá tsa vindima ya ta tila maghwaŋpəɗ his, tsaya tila Adar.

Asta 8:12

Fitik ya tsaf lu ŋa magay ta inda haɗikha ma dzva mgham Ahasverus ná, tsaya fitik baɗ maghwaŋpəɗ hkən ma tila maghwaŋpəɗ his, tila Adar.

Asta 8:6

Kinawu dzaʼa suʼa yu ta ngha mghama zləmnda dzaʼa slanaghatá la ini na? Kinawu dzaʼa ngha yu ta zaɗakwa mndəra ini na? » kaʼa.

Asta 9:17

Baɗ maghwaŋpəɗ hkəna fitik ma tila Adar maguta tsaya. Baɗ maghwaŋpəɗ fwaɗa fitik ka mbiʼi həŋ ta vgha. Baɗ tsaya ka magata həŋ ta skwa zay gagaʼ, ka rfu.

Slna gwal ghunay 12:11

Ma tsa fitik ya zlrafta Piyer ta snaŋtá skwi ta magaku. « Ndanana, grafta yu dar kazlay: Mgham *Yesu ta ghunagatá duhwala ni klaptá iʼi ma dzva Hiridus nda ya ma inda ghwaɗaka skwi si ta kum la *Yahuda ta slaɗighata ni, » kaʼa.

Vrafta ta zlahu 32:36

Dzaʼa tawa tawa Yawe ta hiɗahiɗa ta kwalvaha ni, ŋa dganatá ni ta guma ta həŋ kazlay tɗukwa kaghuni kəʼa, nghər tsi ta htatá mbrakwa taŋ, ta haɗ pɗakwa mndu dər vuʼa tsi, dər mndu nda pla vgha ni a tsi.

Suna Yuhwana 11:18

Ka gavaghatá mndəra mnduha ta sidi. Ndana tama, sagha sa fitika ganavata kagha ta sida ta həŋ. Sagha sa fitika tsanaghata gha ta guma ta gwal nda rwa. Dzaʼa valaŋvala ka ta nisəla gwal ta ksaghatá slna ta nzakway ka la anabi, nda gwal nda ghuɓa, nda gwal ta zləŋa hga gha, nda zwani tani, nda galata mndu tani. Sagha sa fitik guli ŋa zaɗanata gha ta inda gwal ta ɓadziŋtá ghəŋa haɗik, » ka həŋ.