Asta 8:1 - Hdi

¹ Baɗ va fitik ya, ka klaftá mgham Ahasverus ta həga Haman ghuma la Yahuda, nda inda skwa ni, ka vlaŋtá Asta, markwa mgham ya. Ka snanamtá Asta ta mgham ta nzakwa Murduhay ma tsatsi. Tsaya kəl Murduhay ka lam ta kəma mgham.

Asta 8:1 Mawu Ofanana

Asta 1:14

Gwal ta nzakway hɗeka hɗeka nda mgham ná, tsaha ya i Karsenaʼ, nda Setar, nda Admataʼ, nda Tarsis, nda Meres, nda Marsenaʼ, nda Memuhaŋ. Tsaha ndəfáŋ ya, mnduha mgham ka mali ka mali kulaŋ lu ma Persiya nda Mediya faf mgham ta ghəŋ, hahəŋ gwal kəma ma tsa ga mgham ya.

Asta 2:15

Ma sana fitik, ka sagha fitika Asta makwa Avihayil dasliʼiŋa Murduhay ta klafta ka makwa ni ya. Ka sliʼaftá tsi ŋa dzaʼa da mgham. Ɗawaŋ a ta sana skwi wu, ba skwi ya mnana Hegay mapsla mgham ta ngha miʼaha yeya. Ka mutsaftá Asta ta zɗaku da inda mndu ta nghaŋta.

Asta 2:7

Ka glanaftá Murduhay ta makwa da ni, Hadasa ta nzakway ka Asta, kabga haɗ da ni nda ma ni wu, tawakra ya. Ká ka nda ɗinakwa tsatá tsa makwa ya, ká ka nda mbazata ni ma kuma guli. Ma rwuta i da ni nda ma ni, ka klaftá Murduhay ka makwa ni.

Asta 7:6

Ka Asta mantsa: « Mndu ya ta dza kuma nda aŋni, ka ghuma ŋni ná, nana Haman ghwaɗaka mndu na ya, » kaʼa. Ka zlraftá Haman ta ghudzaku ta kəma i mgham nda markwa mgham.

Asta 8:7

Ka mgham Ahasverus nda i Asta, markwa mgham, nda Murduhay la Yahuda ya mantsa: « Wya dzugwuŋ dzugwa yu ta Haman ta wa udzu, kabga vəl zbay ni ta htsiŋa la Yahuda. Klaf kla yu ta həga ni nda inda skwa ni, ka vlaŋtá Asta.

Lukwa 12:20

“Rghargha vgha na, kuɗaŋ hafa gha ta na rviɗik gita u na, ŋa wa inda na skwiha papayaf ka na tama?” » ka Lazglafta nda tsi.