Asta 6:12 - Hdi

¹² Tahula tsa, ka vraktá Murduhay ta wa tgha ga mgham, ta laghu Haman misimmisim dzagha ni, ka mbsamtá ghəŋa ni da ksata ni da hula.

Asta 6:12 Mawu Ofanana

2Sam 15:30

Ka ŋlə Dawuda ta ghwá Zaytuŋ. Ka laf tsi nda hərɓa taw, nda bukwatá ghəŋ, ɓaɓah a ma səla ni wa. Ka bubukwanatá inda tsa gwal ta dzaʼa mista ni ya guli ta ghəŋ, ka ŋlə həŋ ka dzaʼa nda hərɓa taw.

2Sam 17:23

Nghay Ahitufel ta kwal kul snatá hiɗaku vla tsi, ka payanatá tsi ta kəɗiha ni ka sliʼafta ka laghwi dzagha ni ma luwa ni. Ka mnanaftá tsi ta gwaɗa ma ghəŋa ni ta la ga taŋ. Tahula tsa ka hagatá tsi ta ghəŋa ni. Manda tsaya kəʼa mtuta, ka lamtá lu ma kula da ni.

1Mgh 20:43

Ka vraghutá mghama la Israʼila dzagha ni ma Samari, nda ɗahata ŋuɗuf, nda gufatá ŋuɗuf.

1Mgh 21:4

Ka laghu Ahav dzagha ni nda gufatá ŋuɗuf, nda gatá sidi, dabga tsa gwaɗa mnana Navut mnda la Yizrəghel ya: « Haɗ yu dzaʼa vlaghatá skwa za həga ɗa daga ta dzidzíha ɗa wu! » kəʼa ya. Ka hanatá tsi ta ghəzləŋa ni, ka mbəɗaghatá kuma nda təv vata həga, ka kwalaghutá za skwa zay.

1Mgh 21:6

Kaʼa zlghanaftá wi mantsa: « Gwaɗa ya gwaɗgana yu ta Navut mnda la Yizrəghel, ka yu nda tsi na: “Zlaɗiŋ zla ta na vwaha inaba gha na ka skwata yu nda tsedi, ka ta kumay ka guli, vlaghaha yu ta sana vwaha inabi ŋa da manaka ni,” ka yu nda tsi. Ama kaʼa zlghaɗiftá wi na: “Haɗ yu ta vlaghatá vwaha inaba ɗa wu,” kəʼa, » kaʼa.

2Rus 26:20

Ka nzatá i Ghazaryahu mali ta ghəŋa gwal dra skwi ŋa Lazglafta, nda inda gwal dra skwi ŋa Lazglafta, ka nghay. Kəʼa ka həŋ ná, mamu ghwaɗaka lku ma kuma ni, ka sliŋwigiŋtá həŋ dzibil, ka gi ndagaptá vərɗa tsatsi, kabga dzuŋ dza Yawe.

Asta 2:19

Ta tskəglanatá lu ta daghala kuʼaha ka mahis ná, mutsaf mutsa Murduhay ta vla nzaku ta wa tgha ga mgham.

Asta 6:11

Ka klaftá Haman ta lgut, nda plis. Suɗanavaha ta tsa lgut ya ta Murduhay, fafha ta plis ka waway ta badawaha ma luwa ka dzaʼa nda hagaku ta kəma ni: « Manda nana ta maga lu ŋa mndu ta vlaŋta mgham ta sgit, » kaʼa.

Asta 7:8

Ta vragaghatá mgham ma kawgal ma həga ga mgham da həga ma vla za skwa zay ná, ta zləmbadatá Haman ta tsa dughuruk nda slra nzaf Asta tida ya. Ka mgham mantsa: « Kak kak kak kak, waká na mndu na ta kuma ŋəra markwa mgham, ga ini, ta wa ira ɗa na? » kaʼa. Na gi saba tsa gwaɗa ya ma wa mgham, ka gi bukwamtá lu ta kuma Haman nda lgut.

1Sam 3:15

Ka han Samuyel ta hana ni ha ga sərɗək. Sliʼafta ni, ka gwanatá tsi ta wa tghaha həga Yawe. Ka zləŋaftá Samuyel ta mna tsa skwi snaŋ tsi manda skwi ma suni ya, ŋa Iliya.