Asta 3:12 - Hdi

¹² Ka hagadaghatá lu ta gwal ta vindanatá vindi ta mgham baɗ maghwaŋpəɗ hkəna fitik ma tila mataŋtaŋ. Ka vivindaftá lu ta ɗelewerha manda ya mnaf Haman, ka tsaghanaftá guvnaha, nda sanlaha ma maliha ma inda haɗik, nda inda maliha ta ghəŋa mndəra mnduha. Nda vindi ya ta vində mnduha ma inda haɗik, nda ya nda gwaɗa ta gwaɗ inda mndəra mndu, vivindafta həŋ. Ka tahaftá tsa gwal vindi ya ta dzvu tida nda hga mgham Ahasverus, ka thaftá həŋ tida guli ta ŋizla halagara ni.

Asta 3:12 Mawu Ofanana

1Mgh 21:8

Ka vivindaftá tsa marakw ya ta ɗelewerha nda hga Ahav, ka fafaftá tsi ta ŋizla mgham ta həŋ. Ka tsaghanaftá tsi ta la galata mndu, nda gwal dagaladagala ma luwa Navut.

Izra 8:36

Ka snanamtá həŋ guli ta zlahuha ya mna mgham ŋa i guvnaha nda sanlaha ma gwal dagala dagala ta tsa haɗik ta ɓla ghwa nda təv dɗakwa fitik ya. Ka hinistá tsaha ya guli ta dzvu ta la Israʼila, mataba skwi ya ta nghanatá həga Lazglafta.

Asta 1:22

Ka tsaghanaftá mgham ta ɗelewer ta inda haɗikha ta gə tsi ta mgham ta ghəŋa taŋ, nda vindi ta vində lu ma tsa haɗikha ya, nda ya nda gwaɗa ta gwaɗ mndəra mnduha ma tsa haɗikha ya vivindanafta tsi ta həŋ. « Ka ga inda zəʼala həga ta zəʼala həga ma həga ni, ka gwaɗa tsi ta gwaɗa da ni guli, » kaʼa.

Asta 3:11

Ka mgham nda Haman mantsa: « Ŋana ŋa ta tseda gha, vlagha vla yu ta tsa mnduha ya ma dzva gha, ka maga ka ta skwi manda ya kumaŋ ka nda həŋ, » kaʼa.

Asta 8:2

Ka klaftá mgham ta halagara ni tsəha tsi ta dzva Haman ka vlaŋtá Murduhay. Ka fanamtá Asta ma dzvu ta Murduhay ta həga Haman nda inda skwa ni.

Asta 9:27

ka mblatá la Yahuda ta fatá tsa skalu ya ka ŋa taŋ, ŋa zivirha taŋ, nda ya ŋa inda gwal dzaʼa nuta ka la Yahuda. Inda vaku, ta tsa fitik tsaf lu ya, ŋa skalay taŋ ta tsa skalu ka fitik his ya manda ya ta raku, ka magay manda va ya mnaf Murduhay.

Danyel 3:10

Vərɗa kagha ta fatá zlahu kazlay, inda mndu ta snaŋta vyatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, ka zləmbata tsi zlumbruh ta haɗik ka tsəlɓu ŋa vlaŋtá glaku ta tsa skwi dzahumaʼ ya.

Danyel 6:12

Ka gi lagha tsa mnduha ya slanaghatá Danyel ta maga duʼa ni, ta vla tawa ni ta kəma Lazglafta ni.

Danyel 6:15

Snaŋta mgham ta tsa gwaɗaha ya, ka ɓasaftá tsi ta ŋuɗuf katakata. Ka faftá tsi ta ndana ni ta Danyel ŋa mbanaftá. Ha tekulemes fitika ni ta zba tvi ŋa kataŋta.

Danyel 6:25

Ka mgham mnafta mantsa: « Kasagaghawa kasa ta tsa mnduha ta tsanavatá gwaɗa ta Danyel ya, » kaʼa. Ka kasagaghatá lu ta həŋ, nda hahəŋ tani, nda miʼa taŋ tani, nda zwana taŋ tani, ka pghadamta da ghuruma rveriha. Na tsa pghadamta lu ta həŋ ya, gi ta luwa ta luwa ka rveriha tsaʼuwaghutá həŋ, ka ɓalanaptá ghudzifa taŋ, ka dəghaɗutá həŋ, dɗada a həŋ ta haɗik wa.

Danyel 6:8

Ka draftá inda tsa maliha ya, nda gwal dagala dagala, nda guvnaha, nda sanlaha ma gwal ta maganatá slna ta mgham, nda gwal vla hiɗaku tani, ta vlaŋtá hiɗaku ta mgham. Wya skwi mna həŋ: “Ɗina ka fatá zlahu ka ŋəɗaŋəɗa, ka pyaftá lu ta dər wati ma mndu tsi, ka fitik hkən mbsak. Ka wa da laghu da maga duʼa ŋa sana lazglaftaha, ka sana mndu a tsi, ka kagha a tsi wu, tsa mndu dzaʼa kwalaghuta ya, ksafta ka vzamta da ghuruma rveriha.”