Asta 3:1 - Hdi

¹ Tahula luta tsa skwiha ya, ka ŋlanaftá mgham Ahasverus ta Haman zwaŋa Hamədataʼ mndəra la Agag. Ka vlaŋtá tsi ta vla mamali mali ta ghəŋa mnduha mgham ka mali ka mali ta nzaku kawadaga nda tsi.

Asta 3:1 Mawu Ofanana

Zlrafta 41:40

Kagha dzaʼa faghamta yu ta həga ɗa ma dzva gha. Da kagha dzaʼa sna inda mnduha ma dzva ɗa ta gwaɗa. Ba nda dughurukwa ga mghama ɗa kweŋkweŋ dzaʼa malaghuta yu ta kagha.

Zlrafta 41:55

Ka zlraftá maya ta dza mnduha ta haɗika Masar. Ka taw mnduha ta taw ka ɗawa skwi ŋa zay da Firʼawna. Kaʼa Firʼawna nda inda la Masar mantsa: « Lawa slanaghatá Yusufu, ka maga kuni ta skwi dzaʼa mnaghunata tsi, » kaʼa.

Izra 7:14

Iʼi mgham ka ghəŋa ɗa kawadaga nda gwal ndəfáŋ ta vlihatá hiɗaku tani, ta ghuna kagha ta haɗika Yahuda nda ya da Ursalima. Ŋa nghay gha ka kinawu ká lu ta ksa slna nda tsa zlaha Lazglafta gha dzaʼa klafta ka ma dzva gha ya.

Asta 1:14

Gwal ta nzakway hɗeka hɗeka nda mgham ná, tsaha ya i Karsenaʼ, nda Setar, nda Admataʼ, nda Tarsis, nda Meres, nda Marsenaʼ, nda Memuhaŋ. Tsaha ndəfáŋ ya, mnduha mgham ka mali ka mali kulaŋ lu ma Persiya nda Mediya faf mgham ta ghəŋ, hahəŋ gwal kəma ma tsa ga mgham ya.

Asta 3:10

Ka tshagatá mgham ta halagar ta dzva ni, ka vlaŋtá Haman zwaŋa Hamədataʼ, ma mndəra la Agag, ghuma la Yahuda.

Asta 5:11

Ka rusanaftá Haman ta həŋ ta glakwa gadghəla ni, nda mbsaka zwana ni, nda inda skwi ya magana mgham ŋa ŋlanafta, ŋa nzanaghatá inda mnduha mgham ka mali ka mali, nda sanlaha ma kwalvaha mgham tani.

Asta 7:6

Ka Asta mantsa: « Mndu ya ta dza kuma nda aŋni, ka ghuma ŋni ná, nana Haman ghwaɗaka mndu na ya, » kaʼa. Ka zlraftá Haman ta ghudzaku ta kəma i mgham nda markwa mgham.

Asta 8:3

Ka gwaɗgəlganatá Asta ta mgham. Ka zləmbatá tsi ta kəma ni, ka taw, ka ndəɓa dzvu da tsi, ŋa hliŋtá ni ta tsa zaɗaku si payaf Haman la Agag ta ghəŋa la Yahuda ya.

Danyel 6:2

Ka Daryaves mantsa: « Ɗina ka pghata ɗa ta guvnaha dərmək nda hisambsak (120) ta ghəŋa ga mghama ɗa, ŋa paghata ma inda vla ga mghama ɗa, » kaʼa.

Mbsak 24:7

Ta tsrufaku imi ma bakwata ni, dzaʼa mutsay hulfa taŋ ta imi dagala. Dzaʼa malay mghama taŋ ta Agag, dzaʼa malaghu mala ga mghama taŋ ta mbraku.

1Sam 15:33

Ka Samuyel mantsa: « Manda va ya dgana kafaya gha ta ndəghatá miʼaha nda zwana taŋ ya, manda va tsaya dzaʼa dgata ma gha ta vgha nda zwaŋa ni guli! » kaʼa. Ka ɗatsanaptá Samuyel ta Agag ta kəma Yawe, ma Gilgal.

1Sam 15:8

Ka ksaftá tsi ta nda hafu ta Agag mghama Ghamalek, ama ka rwanatá tsi tuzluzl ta mnduha ni nda kafay.