Asta 2:18 - Hdi

¹⁸ Ka maganatá mgham ta skwa zay dagala ta inda mnduha ni ka mali ka mali, nda kwalvaha ni. Tsa skwa zay ya ná, ŋa ga maghurba Asta nzakwa ni. Ma tsa fitik ya, ka mbiʼanaptá tsi ta vgha ta mnduha ta inda haɗikha nda pla dzumna. Ka mbahatá tsi ta mnduha ka muvla mamgham mgham.

Asta 2:18 Mawu Ofanana

Zlrafta 29:22

Ka tsəkanatá Lavaŋ ta inda mnduha ma tsa vli ya. Ka datá tsi ta skwa zay gagaʼ.

Nəhemiya 8:11

Ka lɓanatá la Levi ta mnduha demdem. Ka həŋ mantsa: « Zlanawa taw, nda fa na fitik gita u na ka ŋa Lazglafta. Ma nza kuni zuzuʼuva! » ka həŋ.

Asta 1:7

Ma leghwaha ka dasu kavghakavgha tsata həŋ ta zaka lu ta skwa say ŋa mnduha. Zwaku zwaka diŋta mgham ta tsa ghuzu ya, ka vliŋta ka mamgham mgham.

Asta 9:22

Mantsa tama, baɗ tsa fitikha ya zluʼapta la Yahuda ta vgha da ghumaha taŋ. Ma tsa tili ya mbəɗavafta ghuya ɗaŋwa taŋ ka rfu, ta mbəɗavaftá tawa taŋ ka skala rfu. Nda ra tama ka havay taŋ ta tsa skwiha ya, nda skala rfu, ka tsaghay taŋ ta mbəhu ŋa sani nda sani, ka vla mbəhu ŋa la ka pɗu guli.

Mata 22:2

« Ka guram ga mghama Lazglafta nda sana mgham ta payaftá skwa zay ma klay zwaŋa ni ta makwa.

Markus 6:21

Ma sana fitik tama, ka mutsafta tsa Hiridiya ya ta tvi ŋa dzatá Yuhwana. Tsa fitik ya ná, baɗu fata Hiridus ta skala havakta fitika yakwa ni ya. Baɗu tsaya, ka hagaftá Hiridus ta mnduha. Tsa mnduha hagaf tsi ya, gwal dagala dagala ta wanafta, nda mghamha ta ghəŋa sludziha, nda gwal klu lu ta haɗika Galili ya.

Lukwa 14:8

« Ka hgaf hga mndu ta kagha da vla za skwa zay, ma gi lə ka da nzata ma vli ɗina, kawayaka skwi mamu sana mndu ta malaghutá kagha hgaf lu ŋa da tsa vli ya.

Suna Yuhwana 11:10

Ŋa rfay mnduha ma ghəŋa haɗik ta rfu katakata, ka vavalaku, ka mbahuvtá vgha ta ghəŋa rwatá tsa mnduha ya, kabga Ganap ga həŋ ta iri katakata ta mnduha ta ghəŋa haɗik.

Suna Yuhwana 19:9

Ka sana duhwala Lazglafta nda iʼi mantsa: « Vindaf vinda kazlay: Rfu da gwal hagaf lu da vla za skwa zaya klay Zwaŋa Tuwak ta makwa » kəʼa. Kaʼa nda iʼi guli mantsa: « Nana gwaɗaha na ná, gwaɗa Lazglafta ya kahwathwata, » kaʼa.

1Sam 25:8

Ɗawaŋ ɗawa da mnduha gha, dzaʼa snagham sna həŋ. Ka mutsafta tsa duhwalha ɗa ya ta zɗaku da kagha, kabga sagha sa ŋni ma fitika skala rfu! Kdəkkdək, vlaŋ vla ta kwalvaha gha, nda ya ŋa zwaŋa gha Dawuda ta skwi ya laviŋ ka ta vlaŋtá həŋ,” ka kuni dzaʼazlay, » kaʼa.