Afisus 4:24 - Hdi

²⁴ Vlaghuna vla Lazglafta ta lfiɗa nzaku ta gara vgha nda ŋa ni. Favawa fa tama ta tsa lfiɗa nzaku ta zɗəganata ya. Tɗukwa tsa tva nzaku ta zɗəganata ya, nda ghuɓa nzakwa ni guli manda ya ta tagh kahwathwata Lazglafta.

Afisus 4:24 Mawu Ofanana

Zlrafta 5:1

Wya ka rusa ta ghəŋa zivirha Adamu. Ma fitika zlaganapta Lazglafta ta mndu, ka magaftá Lazglafta ta mndu ta gara vgha nda tsatsi.

Lukwa 1:75

ŋa nzata ghuni ka gwal nda ghuɓa, gwal tɗukwa ta kəma ni ma inda kɗavakta hafa mu.”

Yuhwana 17:17

Niŋ na ta həŋ ka ŋa gha, nda ma kahwathwata. Gwaɗa gha ná, kahwathwata nzakwa ni.

La Ruma 12:2

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

La Ruma 13:12

Nda dga rviɗik, ndusa tsaɗakwa vli. Slurtiŋmaslurta ta slna grusl, ka pghavata mu ta huzla vulu ta nghanatá tsuwaɗak.

La Ruma 13:14

Suɗavawa suɗa ta Mgham *Yesu *Kristi. Ma laghu kuni hamta ghəŋ ka maga skwi ta zɗəganata sluʼuvgha.

La Ruma 6:4

Ma magamatá batem ná, nda gwa mu nda tsi ma mtakwa ni, paɗam paɗa lu ta amu kawadaga nda tsi. Ka sliʼaganaptá mbrakwa glakwa Da ta Yesu Kristi ŋa nzakwa amu guli nda lfiɗa hafu.

La Ruma 7:6

Ndanana tama ná, flaʼu vgha mu da zlahu, mtuguduŋmta mu ta tsa zlahu ya si ta hbamata ya. Laviŋ lava mu ta maganatá slna ta Lazglafta ma lfiɗa nzaku ta maramaŋta Sulkum. Manda tsa vindaf lu ma zlahu ghalya ya a ta magəgəlta mu wa.

La Ruma 8:29

Tsa gwal ghadu tsi ta zabuta daga taŋtaŋ ya, ghadu ghada ta nanaftá həŋ ŋa gara vgha nda zwaŋa ni, ŋa nzakwa tsa zwaŋa ni ya ka zumali mataba ndəghata zwana ma.

1Kwa 15:53

Manda va tsaya ná, nda nza tkweʼ ka mbəɗapta na sluʼuvgha mu ta rwaku na, nda ya kul rwavata, ŋa mbəɗaptá na ta mtaku na, nda ya kul mtavata.

2Kwa 3:18

Amu demdem, bukwa a kuma mu wa. Manda dalagar ya ta wuɗakwa glakwa Mgham Yesu ta amu. Mgham Yesu ta nzakway ka Sulkum ya ta mbəɗanafta ka nanafta manda va tsatsi, ka kla amu ta kəma ta kəma ma tsa glakwa ni ta malaghuta ya.

2Kwa 4:16

Tsaya ta kwal malandugwa ŋni rwavata. Dər má ta htaku nda hta vgha mu makiʼamakiʼa mndani ná, ta lfiɗaku nda lfiɗa vgha mu inda fitik ma Sulkum.

2Kwa 5:17

Tsaya tama, ka si nda ndiʼa vgha mndu nda Kristi katsi, nda nza ka lfiɗa mndu. Lula tva nzaku ya si ta nzaku tsi ghalya, mbəɗavaf mbəɗa ka lfiɗa ni.

Galat 3:27

Kaghuni demdem, magaghunaf maga lu ta batem ma ndiʼatá vgha ghuni nda Kristi, kada klaftá kuni ta saɗa ni.

Galat 6:15

Tsatá fafaɗ ná, sana skwi a wu, kwal kul tsatá guli ná, sana skwi a wa. Nzata mndu nda hafu vlama Lazglafta, na mali ma skwi.

Afisus 2:10

Magatá slna Lazglafta na amu na. Vlama vla ta hafu ka lfiɗ ma ndiʼatá amu nda Yesu Kristi ŋa gɗata mu ta maga slnaha ɗina ɗina. Nda ghada payafta Lazglafta manda tsaya, ŋa magay mu.

Afisus 2:15

Ka hliŋtá tsi ta inda tsa zlahuha ta mnə la Yahuda ya nda ma mtuta ni, kabga ŋa guyanaftá mndəra la Yahuda nda sanlaha ma mndəra mndu ŋa nzakwa taŋ ka sana lfiɗa mndəra mndu turtuk. Ma tsa magata ni mantsa ya famta tsi ta zɗaku mataba taŋ.

Afisus 6:11

Vlaghuna vla Lazglafta ta inda huzla vulu ŋa vulu nda halaway. Hlawa hla demdem, ŋa dihavata ghuni ta lagha halaway da dzəgha kaghuni.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 1:8

Ŋa Zwaŋa ni ya, wya ka Lazglafta mnata ta ghəŋa ni: « Dughurukwa ga mghama gha Lazglafta ná, nda nza ŋa kɗekedzeŋ. Dafa ga mghama gha ná, nda nza ŋa ga mgham ta ghəŋa mnduha nda tvi tɗukwa.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

1 Piyer 2:2

Manda zwaŋa vziʼuwa ta mama uʼa da ma ni ya, mantsa ya ka kaghuni guli mama vərɗa gwaɗa Lazglafta ŋa glay ghuni ta glaku nda tsi, ŋa mutsay ghuni ta mbaku ŋa ɗekɗek.

2 Piyer 1:4

Nda ma tsa skwiha ya vlamata tsi ta tsa skwiha ta ɗinuta katakata, ya tamaf tsi ta imi ta sləməŋ daga manda ghalya ŋa vlamata ya. Ma mutsafta ghuni ta tsa skwiha ya, laviŋta kuni ta ndapta ma ghwaɗaka skwiha ya ta haraʼuwa iri ta ghəŋa haɗik, ka ksay ghuni ta saɗa Lazglafta.