2Rus 35:3 - Hdi

³ Kaʼa nda la Levi, pghaghu lu ta həŋ ŋa Yawe ta tagha skwi ŋa inda la Israʼila ya mantsa: « Fawa fa ta akwata dzratá wi nda ghuɓa ma həga Lazglafta baf Salumuŋ, zwaŋa Dawuda, mghama la Israʼila ya. Haɗ kuni dzaʼa kləgəlta ta badzaga wa. Magawa maga tama ta slna ŋa Yawe, Lazglafta ghuni, nda mnduha ni, la Israʼila.

2Rus 35:3 Mawu Ofanana

1Rus 23:26

Guli ná, haɗ la Levi dzaʼa gɗəglata ta kla həga tumpul, nda inda huzla pgha lu ŋa maga slna ni wu, » kaʼa.

2Rus 17:7

Ta mahkəna vakwa ni ta gá mgham, ka ghwanaftá tsi ta maliha ta ksanatá slna ŋa dzaʼa taghanaftá skwi ta mnduha ma luwaha la Yuda: I Beŋʼhayil, nda Ghuvadiya, nda Zakari, nda Netaŋʼel, nda Mihayahu.

2Rus 30:22

Ka vlaŋtá Hizkiya ta mbraku ta inda la Levi ta ŋavata ka maga slna nda mahizl ŋa Yawe. Ma tsa fitik ndəfáŋ ya, ka zə mnduha ta skwa zaya tsa skalu ya, ka vlə həŋ ta pla ghəŋa zɗaku, ka rfa Yawe, Lazglafta dzidzíha taŋ.

2Rus 34:14

Ma fitika hlagaptá tsedi hladagha lu da həga Yawe ná, ka slanaghatá Hilkiya, mnda dra skwi ŋa Lazglafta ta deftera zlaha Yawe ta vlata nda ma dzva Musa.

2Rus 5:7

Ka kladaghatá gwal dra skwi ŋa Lazglafta ta akwata dzratá wa Yawe da vla ni, da tsa huɗi nda ma huɗa həga Lazglafta ya, da vli ta ghuɓuta, dista zlambakha kerubaha.

2Rus 8:11

Ka kladaftá Salumuŋ ta makwa Firʼawna ma luwa Dawuda da tsa həga banaf tsi ya, kabga kaʼa mnata na: « Haɗ markwa ini dzaʼa nzata ma həga Dawuda, mghama la Israʼila wu, kabga tsa vli kladam lu ta akwata Yawe ya ná, nda ghuɓa, » kaʼa.

Sabi 32:29

Ka Musa mantsa: « Nda fa kuni ŋa maga slna Yawe gita, kabga dzutskwaŋ a dər wa ma kaghuni ta dzata dər zwaŋa ni, dər zwaŋama ni wa. Tsaya kəl tsi ka vlaghunatá tfa wi gita, » kaʼa.

Mbsak 8:19

Mataba la Israʼila ná, vlaŋ vla yu kahwathwata ta la Levi ta i Haruna nda zwana ni, ŋa magay taŋ ta slna ma tumpula guyaku ŋa inda pɗakwa la Israʼila, nda ya ŋa slərɓapta zughu ŋa la Israʼila. Mantsa tama, haɗ lu dzaʼa dzuŋtá la Israʼila dər nda wati ma zləmnda dabga vəl ndusadaghata taŋ nda həga nda ghuɓa wu, » kaʼa.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Vrafta ta zlahu 33:10

Ta tataghay həŋ ŋa Yakubu ta tva skwi ŋa magay, nda zlaha gha ŋa Israʼila. Hahəŋ ta dra urdi ta kəma gha, nda skwa pla ghəŋ ŋa dray tsuh tsuh ta gwira gha.