2Rus 34:9 - Hdi

⁹ Ka sliʼaftá həŋ ka laghwi slanaghatá Hilkiya mali ta ghəŋa gwal dra skwi ŋa Lazglafta. Ka vlaŋtá həŋ ta tsedi si kladagha lu da həga Lazglafta, ya si tskaf la Levi ta ngha wa tghaha da la Mənase, nda la Ifrayim, nda ya da pɗakwa la Israʼila demdem, mantsa ya da inda la Yuda, nda la Biŋyamiŋ, nda gwal ta nzakw ma Ursalima.

2Rus 34:9 Mawu Ofanana

2Mgh 23:4

Ka mnanaftá mgham Yusiya ta Hilkiya, mali ta ghəŋa gwal dra skwi ŋa Lazglafta, nda gwal dra skwi ŋa Lazglafta ka sagəŋ mista ni, nda gwal ta ngha wi tgha tva lami da həga Yawe, ŋa hligiŋta taŋ ta inda huzla maganaf lu ta Baghal, nda ya ŋa skwa wuyay Asera, nda ya ŋa inda skwiha ta luwa. Ka driŋtá tsi ta hula Ursalima ma vwahha ta vata vli ma lika Kidruŋ, ka faɗaftá tsi ta hutiɗifa ni ka hlaghata da Betel.

2Rus 30:10

Ka sliʼaghatá gwal ghunay da ra luwaha ta haɗika la Ifrayim nda la Mənase kətsuk da la Zəvuluŋ, ama ka ghuɓasu lu ta həŋ, ka gag lu ta həŋ.

2Rus 30:18

kabga ta dagala mnduha la Ifrayim, nda la Mənase, nda la Yisakar, nda la Zəvuluŋ, kul tsaɗaku. Ka zutá həŋ ta Pak kul magata manda ya nda vinda. Tsaya kəl Hizkiya ka ndəɓatá dzvu ta ghəŋa taŋ, kaʼa mantsa: « Yawe mnda zɗaku, slərɓanap slərɓa ta zughu ta həŋ,

2Rus 31:1

Manda kɗiŋta lu ta tsa skalu ya, ka sliʼaftá la Israʼila si hada demdem, ka laghwi da luwaha la Yuda, ka dzaɓiŋtá həŋ ta dzagwatá palaha, ɓaliŋha həŋ ta skwa wuyayha Asera, ka zlazliŋta tesneʼ ta vliha skwa wuyay tskal tskala, nda gwirha ma inda luwaha la Yuda, nda la Biŋyamiŋ, mantsa ya da la Ifrayim, nda la Mənase. Tahula dzaɓiŋta inda la Israʼila nekwnekw, ka vraghutá həŋ da luwaha taŋ, dər wa ta haɗika za həga ni.

2Rus 34:10

Ka pghanamtá lu ta tsa tsedi ya ma dzvu ta maliha ta nghanaghatá slna ma həga Yawe. Ka vlaŋtá hahəŋ guli ta gwal ta maga slna ma həga Yawe, ŋa vranaftá tsa həga ya manda va nzakwa ni si ghalya.

2Rus 34:18

Ka Safaŋ mnda vindi nda mgham mantsa: « Vliha vla Hilkiya mnda dra skwi ŋa Lazglafta ta defteri, » kaʼa. Ka dzaŋafta Safaŋ nda lwi dagala dagala ta kəma mgham.

2Rus 34:20

Tahula tsa, ka mgham mnanaftá i Hilkiya nda Ahikam, zwaŋa Safaŋ, nda Ghavduŋ zwaŋa Mika, nda Safaŋ mnda vindi, nda Ghasaya kwalva mgham mantsa:

2Rus 34:22

Ka sliʼaftá i Hilkiya nda mnduha ya zabap mgham, ka laghwi da slanaghatá anabi Hulda, markwa Salum, zwaŋa Tukhat, zigha Hasra, mnda nghapta ka lgutha ya. Ma lfiɗa ghərzla ma Ursalima ta nzakwa Hulda. Ka rusanaftá həŋ ta skwi ta maguta.

2Rus 35:8

Ka hlaptá mnduha ni dagaladagala guli ta mbəhu nda ɗvay ŋuɗufa taŋ ŋa kataŋtá mnduha, nda gwal dra skwi ŋa Lazglafta, nda la Levi. Ka vlatá i Hilkiya, nda Zakari, nda Yəhiʼel, maliha ta ghəŋa həga Lazglafta ŋa Pak ta slaɓalakwa tuwak dəmbuʼ his nda mkuʼ dərmək (2.600), nda sla hkən dərmək (300) ŋa gwal dra skwi ŋa Lazglafta.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.